Бүген Татарстан Республикасы Президенты Рөстәм Миңнеханов Татарстан Республикасыннан сайланган Федерация Советы әгъзалары һәм Дәүләт Думасы депутатлары белән очрашты. 

Очрашу ТР Хөкүмәте Йортында узды. Анда шулай ук ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, республика министрлыклары һәм ведомстволары вәкилләре катнашты. 

Рөстәм Миңнеханов искәрткәнчә, бүгенге очрашу - республика инициативаларын алга этәрү һәм Татарстан икътисадына 2019 елда федераль акчаларны җәлеп итү эшенә нәтиҗәләр чыгару һәм агымдагы елга бурычлар кую ул. 

Буа районы республиканың Идел арты үзәге булып танылды һәм конкурентлы өстенлекләргә ия. Бу хакта бүген ТР Премьер-министры Алексей Песошин Буас районы Советының йомгаклау сессиясендә белдерде.

Бүген төштән соң Татарстан Республикасы Президенты Рөстәм Миңнеханов Әстерхан өлкәсе Губернаторы Игорь Бабушкин белән очрашты. Очрашу Казан Кремлендә узды.

Игорь Бабушкин Казанга кыска сроклы эш сәфәренә килгән.  

Очрашу барышында Татарстан Республикасы белән Әстерхан өлкәсе арасындагы хезмәттәшлек мәсьәләләре турында фикер алыштылар.   

Бүген Казан вертолетлар заводында Ми-38 беренче серияле вертолетын заказчыга тапшыру тантанасы узды.

Тантанада «Россия вертолетлары» холдингы генераль директоры Андрей Богинский, Татарстан Республикасы Президенты Рөстәм Миңнеханов, Казан вертолетлар заводы идарәче директоры Юрий Пустовгаров, заказчы - «Газпромбанк Лизинг» компаниясе вәкилләре, шулай ук КВЗ коллективы катнашты.

Бүген көннең икенче яртысында ТР Премьер-министры Алексей Песошин Буа районында булды. Максаты – Буа районы Советының йомгаклау сессиясендә катнашу иде.

Авыл хуҗалыгы Апас районы икътисадының стратегик мөһим тармагы санала. Бу хакта бүген ТР Премьер-министры Алексей Песошин Апас районы Советының йомгаклау сессиясендә белдерде. Анда Апас районы башлыгы Равил Хөснетдинов катнашты.  

Утырыш Каратун тимер юл станциясе поселогының мәдәният йортында узды.

Бүген Татарстан Республикасы Премьер-министры Алексей Песошин Апас районында булды. Ул анда социаль-икътисади үсеш нәтиҗәләренә багышланган район Советы утырышында катнашачак.

Бүген Татарстан Республикасы Президенты Рөстәм Миңнеханов спортчы Гёкдениз Карадениз белән очрашты.

Очрашуда спортны популярлаштыру, сәламәт яшәү рәвеше, балалар спортына ярдәм өлкәсендә хезмәттәшлек мәсьәләләре һәм башка актуаль темалар турында фикер алыштылар.

Бүген Татарстан Республикасы Президенты Рөстәм Миңнеханов «Карба Отомотив» компаниясе (Төркия Республикасы) җитәкчелеге белән очрашты.

Очрашу Татарстан Республикасы Хөкүмәте йортында узды, анда Төркия Республикасының Казан шәһәрендәге Генераль консулы Исмет Эрикан, Төркия Республикасы Президенты Администрациясенең Иминлек һәм тышкы сәясәт советы әгъзасы, Төркия Республикасының «Россия – ислам дөньясы» стратегик караш төркемендәге вәкиле Исмаил Сафи, Karba Otomotiv компаниясе генераль директоры Муса Эртунч катнашты.

Очрашуда Татарстан Республикасы белән «Карба Отомотив» компаниясе арасындагы хезмәттәшлек перспективалары турында фикер алыштылар.

Бүген ТР Министрлар Кабинетында Татарстан предприятиеләре һәм оешмалары белән сәнәгать һәм янгын куркынычсызлыгы турында семинар-киңәшмә узды.

Киңәшмәне ТР Премьер-министры Алексей Песошин уздырды. Ул бүген республика территориясендә сәнәгатьнең төрле тармагына караган предприятиеләр урнашканлыгын искә төшерде.