Казанда узган Татарстан Финанс министрлыгы, Федераль Салым хезмәтенең Татарстан буенча идарәсе, Федераль казначылыкның Татарстан буенча идарәсенең уртак коллегия утырышында Россия Финанс министрлыгы башлыгы Антон Силуанов төбәктә илкүләм проектларны гамәлгә ашыруны уңай бәяләде. Киңәшмәдә Татарстан Президенты Рөстәм Миңнеханов та катнашты.

Татарстан Республикасы Президенты Рөстәм Миңнеханов Андрей Первозванный фонды «Вера и верность» премиясенең 2019 елгы лауреатларының берсе булды. Бу хакта фонд сайтында хәбәр ителә.

Оештыручылар Рөстәм Миңнехановның «Милләтара тынычлык һәм татулыкны ныгыту өчен» премиягә лаек булуын әйтә.

Билгеләп үтелгәнчә, Рөстәм Миңнеханов Татарстанда яшәүче төрле халыклар арасында тынычлыкны, татулыкны һәм ышанычны ныгытуга зур җаваплылык белән карый һәм республика тормышының барлык башлангычларын шәхсән үзе контрольдә тота.

«Рөстәм Нургалиевич югары тизлектә яши һәм эшли. Миңнеханов — автоспорт буенча халыкара класслы спорт мастеры, даими рәвештә ярышларда катнаша һәм аның иң яраткан тизлеге — сәгатенә 200 чакрым булуын яшерми!», - диелә хәбәрдә.

«Вера һәм Верность» премиясе — җәмгыять тарафыннан Ватан алдындагы казанышларны тану символы. 1992 елдан ул гадәттәгечә декабрьдә Дәүләт Кремль сараенда тапшырыла.

Татарстан Республикасы Президенты Рөстәм Миңнеханов Андрей Первозванный фонды «Вера и верность» премиясенең 2019 елгы лауреатларының берсе булды. 

Татарстан Республикасында 2019 ел йомгаклары буенча җыелма төбәк продукты үсеше үткән елга карата – 101%, сәнәгать җитештерүе индексы 101,3% тәшкил итәчәк. Төзелеш эшләре күләме һәм ваклап сату әйләнеше үткән елдагыга туры киләчәк. 

Бүген Татарстан Республикасы Президенты Рөстәм Миңнеханов Татарстан Республикасы Финанс министрлыгының, Федераль салым хезмәтенең Татарстан Республикасы буенча идарәсенең, Федераль казначылыкның Татарстан Республикасы буенча идарәсенең уртак коллегиясендә бу хакта хәбәр итте.  

Коллегия Казан Ратушасында узды, төп тема - 2019 елда Татарстан Республикасының берләштерелгән бюджетын көтеләчәк үтәү йомгаклары һәм 2020 елга Татарстан Республикасы финанс, казначылык һәм салым органнарының бурычлары.

Коллегиядә Россия Федерациясе Хөкүмәте Рәисе урынбасары Антон Силуанов, Федераль казначылык җитәкчесе урынбасары Анна Катамадзе, Федераль салым хезмәте җитәкчесе урынбасары Дмитрий Вольвач та ктанашты.

Татарстан Республикасында 2019 елның 11 аенда терлекчелек тармагы эшчәнлеге нәтиҗәләре турында ТР Хөкүмәте Йортында узган республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Җәббаров хәбәр итте.итте. Киңәшмәне бөтен муниципаль берәмлекләр белән видеконференцэлемтә режимында Татарстан Республикасы Президенты Рөстәм Миңнеханов хәбәр итте. Киңәшмәдә Татарстан Республикасы Премьер-министры Алексей Песошин да катнашты. 

Торакны гамәлгә кертү күләмнәрен арттыру – барлык илкүләм проектлардан иң катлаулысы. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте йортында узган республика киңәшмәсендә хәбәр итте. Киңәшмәдә Татарстан Республикасы Премьер-министры Алексей Песошин да катнашты. 

Киңәшмәдә Татарстан Республикасы төзелеш, архитектура һәм ТКХ министры Ирек Фәйзуллин хәбәр иткәнчә, Татарстан Республикасында хезмәтне саклау өлкәсендә 2019 ел башланганнан бирле Дәүләт төзелеш күзәтчелеге инспекциясе тарафыннан 1 мең 407 тикшерү уздырылган. Хезмәтне саклау кагыйдәләрен һәм нормаларын бозган өчен 15 млн. 64 мең сумлык 349 карар чыгарылган. Үзлегеннән җайга салынучы оешма тарафыннан 1 мең 180 оешма әгъзасына тикшерү уздырылган.  

Бүген Чаллыга эш сәфәре һәм «КАМАЗ» ГАҖнең 50 еллыгына багышланган тантаналарда катнашу кысаларында Россия Федерациясе Президенты Владимир Путин Рөстәм Миңнеханов белән эшлекле очрашу уздырды.

Татарстан Республикасы Президенты Рөстәм Миңнеханов төбәкнең социаль-икътисадый хәле һәм Татарстан территориясендә кайбер илкүләм проектларны гамәлгә ашыру турында кыскача гына сөйләде.   

Рөстәм Миңнеханов хәбәр иткәнчә, көтелүче төбәк җыелма продукты 2019 ел йомгаклары буенча якынча 2 трлн 552 млн 600 мең сум булачак, төяп җибәрелгән продукция күләме - 2 трлн 900 млн – 3 трлн сум.

2018 елның шушы чорына карата үсеш - 1,2–1,5 процент.

«Бу предприятиегә нигез салучыларның барысы алдында да баш иябез. Алар — 1969 елда әлеге искиткеч проектны башлап җибәргән эшчеләр, төзүчеләр, инженерлар, галимнәр. Бирегә бөтен Советлар Союзыннан кешеләр килде, монда уникаль коллектив барлыкка килде". Бу сүзләрдәг Россия Федерациясе Президенты Владимир Путин "КАМАЗ"ның 50 еллыгына багышланган тантаналы митингта чыгышын башлады. 

Искәртик, Владимир Путин бүген Чаллыга эш сәфәренә килде. 

Ул "КАМАЗ" автоконцернының двигательләр заводында, кабиналар каркасы производствосында булды.

Бүген Россия Федерациясе Президенты Владимир Путин автогигантка эш сәфәре кысаларында «КАМАЗ» ГАҖ җитештерүенең заманча техникасы үрнәкләре белән танышты.   

Искәртәбез, Владимир Путин Чаллыга «КАМАЗ»ның төп конвейерында  автогигантның 50 еллыгына багышланган тантаналы митингта катнашу өчен килде.

Нәкъ 50 ел элек, 1969 елның 13 декабрендә, булачак автогигантның сәнәгать мәйданчыгында экскаватор беренче чүмеч җирне казып алды. “КАМАЗ” заводын төзү тарихы турында бүген автогигантның 50 еллыгына багышланган тантаналы митингта Татарстанның беренче президенты, ТР Дәүләт Киңәшчесе, Хезмәт Герое Минтимер Шәймиев искә алды.

Бүген Россия Федерациясе Президенты Владимир Путин Чаллыга эш сәфәренә килде.

Лемаев исемендәге Бигеш «Казан» аэропортында аны Татарстан Республикасы Президенты Рөстәм Миңнеханов, Россия Федерациясе Президентының Идел буе федераль округындагы Тулы вәкаләтле вәкиле Игорь Комаров һәм башка рәсми затлар каршы алды.   

Килүгә үк дәүләт башлыгы «КАМАЗ» ГАҖның кабиналар каркасы заводына юнәлде. Бу – соңгы ун елда «КАМАЗ» территориясендә төзелгән иң заманча һәм иң эре объект.