2018 елның беренче яртыеллыгында Татарстанда 17,64 миллион тонна нефть чыгарылган. Узган елгы күрсәткечләр белән чагыштырганда, нефть табу күләме 0,7 процентка кимегән. Моның сәбәбе "ОПЕК+" килешүен үтәүгә кайтып кала. Әмма бу республикага нефтьчеләр тарафыннан кертелә торган инвестицияләр күләме кимүгә китермәде, диде бүген нефть саммитында Татарстан Республикасы Президенты Рөстәм Миңнеханов.

Искәртик, бүген Бөгелмә районы Карабаш шәһәр тибындагы поселокта "Кеше капиталы - Татарстан Республикасы нефть-газ комплексының технологик алга китүе нигезе" темасына багышланган гадәттәге нефть саммиты уза. 

Бүген Татарстан Республикасы Президенты Рөстәм Миңнехановка «Җир асты байлыклары мактаулы разведчигы» дигән исем бирелде. 

Президент мактаулы исемгә РФ Табигый ресурслар һәм экология министрлыгы боерыгы нигезендә лаек булды.

Рөстәм Миңнехановка әлеге исемне РФ энергетика министры урынбасары Павел Сорокин тапшырды.

Кеше капиталы - Татарстан Республикасының 2030 елга кадәр үсеше стратегиясендә әлеге юнәлеш өстенлекле. Бу хакта бүген Татарстан Республикасы Президенты Рөстәм Миңнеханов нефть саммитының пленар сессиясендә белдерде. 

Искәртик, бүген Бөгелмә районы Карабаш шәһәр тибындагы поселокта "Кеше капиталы - Татарстан Республикасы нефть-газ комплексының технологик алга китүе нигезе" темасына багышланган гадәттәге нефть саммиты уза. 

Бүген Татарстан Республикасы Президенты Рөстәм Миңнеханов Бөгелмә мунициципаль районына эш сәфәре кыла. Эш сәфәренең төп максаты – ел саен уздырыла торган Нефть саммитында катнашу.   

Нефть саммиты гадәттәгечә Карабаш поселогында, «Нептун» ял базасында уза.

Чара республикада ел саен 2001 елдан бирле уздырыла.

Быел пленар утырыш «Кеше капиталы – Татарстан Республикасы нефть –газ комплексының технологик алгарышы базисы» темасына багышлана.

Модераторы – «Татнефть» ГАҖ генераль директоры Наиль Маһанов.

Пленар сессиядә Россия Федерациясе Энергетика министры урынбасары Павел Сорокин, Татарстан Республикасы Президентының нефть сәнәгате мәсьәләләре буенча ярдәмчесе Шәфәгать Тәһаветдинов, «Нефтеконсорциум» генераль директоры Фәнис Вәлиев, Әлмәт муниципаль районы башлыгы  Айрат Хәйруллин катнаша.

Бүген «Татнефть» команиясенең «ТАНЕКО» нефть эшкәртү комплексында керосинны һәм дизель ягулыгын гидрочистарту буенча ике яңа җайланманы эшләтеп җибәрү тантанасы узды. Чарада Россия Федерациясе Энергетика министры урынбасары Павел Сорокин, Татарстан Республикасы Президенты Рөстәм Миңнеханов, ТР Президенты ярдәмчесе Ринат Сабиров, «Татнефть» ГАҖ генераль директоры Наиль Маһанов, «ТАНЕКО» АҖ генераль директоры Леонид Алехин, Россиядә һәм БДБ илләрендә лицензион технологияләр сату буенча Shell Global Solutions директоры Юлия Заева катнашты.

Кытай Хэйлунцзян провинциясенең, губернатор Ван Вэньтао җитәкчелегендәге делегациясе Татарстанга килде.

“Казан” халыкара аэропортында кунакларны Татарстан Премьер-министры Алексей Песошин каршы алды.

Татарстан Республикасы Премьер-министры Алексей Песошин бүген Казанда өлеш кертеп төзелә торган проблемалы йортлар төзелеше белән танышты.

Йортларны карау урынында бу хәл турында фикер алыштылар һәм проблемалы объектлар төзелешен төгәлләү өчен алга таба эш буенча адымнар билгеләнде.

Быел Татарстан балаларына җәйге сәламәтләндерү лагерьларына 54,8 мең 831 түләүсез юллама бүленгән. Шуларның 13 мең 616сы авыр тормыш хәлендә калган балалар өчен. Бу хакта Татарстан Министрлар Кабинетында узган брифингта республиканың яшьләр эше буенча министры Дамир Фәттахов хәбәр итте.

Брифинг гадәттәгечә республиканың барлык муниципаль районнары белән видеоконференцэлемтә режимында узды.

Спикер быел балаларны сәламәтләндерү лагерьларында 218 мең 672 бала ял итәчәк, диде.

Татарстан Республикасы дәүләт һәм муниципаль оешмаларына җибәрелә торган азык-төлек продукциясе сыйфаты мәсьәләләре буенча киңәшмә бүген ТР Хөкүмәте йортында узды.

Киңәшмәне Татарстан Республикасы Премьер-министры Алексей Песошин уздырды.

Бүген Татарстан Республикасы Президенты Рөстәм Миңнеханов Төркия Республикасына кыска вакытлы эш сәфәренә килде. Эш сәфәренең төп максаты – Төркия Республикасы Президенты Рәҗәп Тайип Эрдоган инаугурациясе тантанасында катнашу.