Татарстан Республикасының Архив эше буенча дәүләт комитеты рәисе итеп Гөлнара Габдрахманова билгеләнде. Бүген тиешле указга Татарстан Республикасы Президенты Рөстәм Миңнеханов имза салды.

Татарстан Республикасы Президенты Рөстәм Миңнеханов Казанда «Яңа технологияләр үзәге» - медицина үзәгендә булды. Бу дөньякүләм дәрәҗәдәге стоматология хезмәте күрсәтә, шул исәптән мәҗбүри медицина иминияте системасы буенча да.

Үзәк хезмәткәрләре Президентка үзләренең сайтын күрсәтте. Ул клиникадагы конкрет бер белгечкә үзеңә уңайлы вакытта читтән торып язылырга һәм онлайн режимында консультация алырга мөмкинлек бирә.

Бүген Татарстан Республикасы Президенты Рөстәм Миңнеханов «Идея» инновацион технопаркында булды. Анда Рөстәм Миңнехановка технопарк резиденты – «Эйдос» компанияләр төркеме үзенең перспектив эшләнмәләрен: медицина симуляторларын һәм сәнәгать роботларын  күрсәтте.

Бүген Татарстан Президенты Рөстәм Миңнеханов Казан Кремлендә 44 кешегә Россия Федерациясе һәм Татарстан Республикасы дәүләт бүләкләрен тапшырды.

“Бу чараның май бәйрәмнәрендә узуы символик мәгънәгә ия. 1 май көнне без хезмәт алдынгыларын, 9 май көнне 1945 елда тәмамланган сугышта җиңүчеләрне хөрмәтлибез. Бөек Ватан сугышы ветераннарын, тыл хезмәтчәннәрен тәбриклибез. Сугыш һәм хезмәт өчен медальне бер үк металлдан коялар дип юкка гына әйтмиләр. Татарстан күп милләтле Ватаныбызның һәрвакыт алгы сафында булды. Ата-бабаларыбыз дошманга каршы аяусыз көрәшкән, фидакарь хезмәт куйган. Бу традицияләрне хәзер без дәвам иттерәбез. Һичшиксез, республиканың барлык казанышларында сезнең өлешегез бар”, - дип мөрәҗәгать итте Рөстәм Миңнеханов залдагыларга.

Бүген Россия Федерациясе Президенты Владимир Путин видеоконференцэлемтә режимында «Россия-2018» оештыру комитеты» автономияле коммерциячел булмаган оешманың Күзәтүчеләр советы утырышын уздырды.   

Утырыш эшендә Татарстан Республикасы Президенты Рөстәм Миңнеханов та катнашты.   

Бүген Татарстан Республикасы Президенты Рөстәм Миңнеханов рәислегендә Татарстан Республикасы Иминлек Советының, Татарстан Республикасында хокук тәртибен тәэмин итү буенча координацион киңәшмәнең, Республикасында коррупциягә каршы комиссиянең, Казан шәһәрендә 2018 елгы футбол буенча FIFA дөнья чемпионаты матчларын уздыру чорында Татарстан Республикасында иминлекне тәэмин итү буенча ведомствоара төбәк оператив штабының, Татарстан Республикасында Гадәттән тыш хәлләрне кисәтү һәм бетерү оператив штабының һәм Татарстан Республикасы Янгын куркынычсызлыгы комиссиясенең уртак утырышы узды. 

Татарстан Республикасы Премьер-министры Алексей Песошин бүген Татарстан Республикасы Мәдәният министрлыгы коллективына яңа җитәкчене – Ирада Әюпованы тәкъдим итте.

Искә төшерәбез, моңа кадәр Татарстан Президенты Рөстәм Миңнеханов үзенең указы белән, лаеклы ялга чыгуы сәбәпле, Айрат Сибагатуллинны ТР мәдәният министры вазифасыннан азат иткән иде.

Татарстан Республикасы мәдәният министры итеп Ирада Әюпова билгеләнде. Татарстан Республикасы Президенты Рөстәм Миңнеханов бүген бу хакта указ имзалады.

Татарстан Республикасы Президенты Рөстәм Миңнеханов Татарстан Президентының элеккеге ярдәмчесе Тимур Акуловның вафатына бәйле рәвештә кайгы уртаклашты. Кайгы уртаклашу телеграммасын Рөстәм Миңнеханов мәрхүмнең хатыны Фәридә ханым Акулова адресына җибәрде. 

Татарстан Республикасы Президенты Рөстәм Миңнеханов «Зенит-Казан» волейбол клубын унынчы тапкыр Россия чемпионы исемен яулавы белән котлады. Финалда Казан командасы Санкт-Петербургның «Зенит» командасын җиңеп чыкты. Котлау телеграммасы Татарстан Республикасы Волейбол федерациясе президенты Ф.Х. Мөхәммәтшин, «Зенит-Казан» волейбол клубы президенты Рәфкать Кантюков, команданың баш тренеры  Владимир Алекно һәм клуб коллективы адресына җибәрелде.