Бүген Татарстан Республикасы Милли китапханәсе бинасында «Археологик агачны һәм органик материалларны реставрацияләү, консервацияләү һәм музейлаштыру» халыкара конференциясе ачылды.

Конференциянең пленар утырышында Татарстан Республикасы Дәүләт Киңәшчесе, «Яңарыш» Республика Фондының Попечительләр советы Рәисе, ЮНЕСКОның Игелекле ихтыяр илчесе Минтимер Шәймиев, Россия тарих җәмгыяте идарәсе рәисе, «Ватан тарихы» фонды башкарма директоры Константин Могилевский, РФА Археология институты директоры Николай Макаров, Россия ИКОМ башкарма директоры Ольга Чистанова, «Свияжск утрау-шәһәре» музей-тыюлыгы директоры Артем Силкин, ТР Фәннәр академиясенең А. Х. Халиков исемендәге Археология институты директоры Айрат Ситдыйков, КФУның Халыкара мөнәсәбәтләр институты директоры Равил Хәйретдинов һәм башкалар катнашты.

Бүген Мәскәүдә Идел буе Болгарында ислам динен кабул итүгә 1100 ел тулуга әзерлек һәм аны уздыру буенча оештыру комитетының йомгаклау утырышы булды. Утырышны оештыру комитеты рәисе, Россия Хөкүмәте Рәисе урынбасары Марат Хөснуллин үткәрде.

Утырышта Россия мәдәният министры урынбасары Надежда Преподобная, Татарстан Президенты Рөстәм Миңнеханов, Татарстан Дәүләт Киңәшчесе Минтимер Шәймиев, Татарстан Премьер-министры урынбасары Васил Шәйхразыев һәм башкалар катнашты.

Татарстанда агымдагы елның 9 аенда 563 предприятие табышка салым буенча түләүләрен киметкән. Бу очракта предприятиеләрдәге икътисади хәлнең даими мониторингын алып барырга, финанс нәтиҗәләрен анализларга һәм аларга ярдәм итү өчен чаралар күрергә кирәк. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында уздырылган киңәшмәдә хәбәр итте.

Киңәшмә 2022 елның 9 аенда ТР берләштерелгән бюджетын үтәү йомгаклары һәм 2022 елга бурычлар буенча ТР финанс, казначылык һәм салым органнарының эшенә багышланган иде.

2022 елның 9 аенда Татарстан Республикасында республиканың берләштерелгән бюджетына керемнәр күләме 362,3 млрд сум тәшкил итте, шулардан үзенең салым һәм салым булмаган керемнәре – 309,7 млрд сум. Бу хакта бүген Татарстан Республикасы Президенты Рөстәм Миңнеханов 2022 елның 9 аенда Татарстан Республикасы берләштерелгән бюджетын үтәү йомгаклары һәм 2022 елга бурычларга багышланган Татарстан Республикасы финанс, казначылык һәм салым органнарының республика киңәшмәсендә белдерде.

Бүгенге көндә кече нефть компанияләре республикада еллык гомуми нефть чыгаруның якынча 20% тәэмин итә һәм эре салым түләүчеләр булып тора. Бу хакта Татарстан Республикасы Президенты Рөстәм Миңнеханов республиканың кече нефть компанияләре җитәкчеләре белән киңәшмәдә белдерде. Очрашуда агымдагы елның 9 аенда башкарылган эш нәтиҗәләре турында фикер алыштылар һәм 2022 ел ахырына кадәр бурычларны билгеләделәр. Чара ТР Хөкүмәт Йортында узды.

Бүген «Татнефтехиминвест-холдинг» АҖ Директорлар советының чираттагы утырышында кайбер инновацион проектлар каралды. Утырышны Татарстан Республикасы Президенты Рөстәм Миңнеханов үткәрде. Чара Татарстан Республикасы Министрлар Кабинетының утырышлар залында узды. «Татнефтехиминвест-холдинг» АҖ генераль директоры Рафинат Яруллин 9 ай эчендә Татарстанның нефть-газ химиясе комплексы предприятиеләренең эшенә йомгак ясады.

Татарстанның нефть-газ химиясе комплексының база предприятиеләре 2022 елның гыйнвар-сентябрь айларында җитештерүне 2,9 % ка арттырдылар. Нефть чыгару һәм эшкәртү, азотлы ашламалар һәм пластмассаларны чыгаруның артуы белән тәэмин ителгән. Бу хакта «Татнефтехиминвест-холдинг» АҖ (Казан) Директорлар советы утырышында сөйләделәр. Утырышны Татарстан Президенты Рөстәм Миңнеханов үткәрде. Чара бүген ТР Хөкүмәт Йортында узды.

Бүген «Татнефть» ГАҖ Директорлар советының чираттагы утырышы узды. Утырыш Татарстан Республикасы Хөкүмәте Йортында узды, аны Татарстан Республикасы Президенты, «Татнефть» ГАҖ Директорлар советы рәисе Рөстәм Миңнеханов үткәрде.

Мәгариф, бизнес һәм дәүләт идарәсендә цифрлы трансформациягә багышланган Россиядәге иң зур форумда Яндекс, Югары икътисад мәктәбе (НИУ ВШЭ), Мәскәү физика һәм технология институты, Сколтех, ИТМО, Россия тимер юллары, «Газпром нефть», «Норильский никель», VK, «Мобиль электрон мәгариф», Касперский һәм профильле федераль министрлыклар лабораторияләре экспертларын җыячак. Россия Федерациясе Хөкүмәте Рәисе урынбасары Дмитрий Чернышенко һәм Россия Федерациясе фән һәм югары белем министры Валерий Фальков Россия югары уку йортлары ректорлары белән эшлекле киңәшмә уздырачаклар. Пленар утырышта Татарстан Республикасы Президенты Рөстәм Миңнеханов һәм ТР Премьер-министры урынбасары Роман Шәйхетдинов катнашачак. DID 2022 оештыручысы - Иннополис Университеты, ул форум узган көннәрдә үзенең ун еллыгын билгеләп үтәчәк.

Татарстан РФ Оборона министрлыгының гражданнарны өлешчә мобилизацияләү буенча билгеләгән йөкләмәсен үтәде. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында уздырылган республика киңәшмәсендә хәбәр итте.

Рөстәм Миңнеханов искәрткәнчә, 28 октябрьдә Россия Федерациясе оборона министры Сергей Шойгу Россия Федерациясе Президенты Владимир Путинга Россиядә өлешчә мобилизацияләнүне тәмамлау турында хәбәр итте, гаскәрләрне 300 мең резервчылар белән өстәмә рәвештә тулыландыру бурычы үтәлгән.