2018 елда Татарстанның сәнәгать җитештерүе индексы 102%ка  җиткән.  Республиканың сәнәгать җитештерүе күләме 2 трлн 818 млрд сум булган. Бу хакта ТР Хөкүмәте йортында узган брифингта ТР вице-премьеры - ТР сәнәгать һәм сәүдә министры Альберт Кәримов хәбәр итте.

Бүген Татарстан Республикасы Президенты Рөстәм Миңнеханов "20.35" илкүләм технологик инициатива университеты генераль директоры Василий Третьяков белән очрашты. 

Очрашу ТР Хөкүмәте Йортында узды, анда шулай ук ТР Премьер-министры урынбасары - мәгълүматлаштыру һәм элемтә министры Роман Шәйхетдинов, ТР Премьер-министры урынбасары - мәгариф һәм фән министры Рафис Борһанов, ТР Президенты ярдәмчесе Альберт Нәфигыйн, Иннополис Университеты директоры Кирилл Семенихин катнаштылар. 

«20.35» университетын Стратегик инициативалар агентлыгы эшләтеп җибәрде, диде уку йорты җитәкчелеге вәкиле. Ул цифрлы иктисадта кешенең профессиональ үсешен тәэмин итә һәм компания лидерларын, глобаль базарларда эшләячәк белгечләрне, илкүләм технологик инициативалар катнашучыларын әзерләүгә юнәлдерелгән.

Очрашуда Татарстан белән «20.35» университетының мәгариф өлкәсендә хезмәттәшлек мөмкинлекләре турында фикер алыштылар. Университет белән илнең алдынгы вузлары хезмәттәшлек итәргә әзерлекләрен белдергәннәр: Санкт-Петербург һәм Мәскәү, Ерак Көнчыгыш федераль университеты, Фәнни оешмалар федераль агентлыгы һ.б.

Университетның үзенчәлеге - мәгариф оешмалары һәм цифрлы платформаларны, төрле вузлардагы иң яхшы курслар һәм белем бирү модельләрен кулланып, челтәрле прниципта эшләү.

Университетның эше 15 елга исәпләнгән. Югары уку йорты 2020 елда тулы көченә эшли башлый һәм 2035 елга кадәр эшләячәк.

Бүген Татарстан Республикасы Президенты Рөстәм Миңнеханов Казанда капиталь ремонтланган 9 нчы балалар стоматология поликлиникасында булды.

Аны ТР сәламәтлек саклау министры Марат Садыков, Казан мэры Илсур Метшин һәм поликлиника җитәкчелеге озата йөрде. Рөстәм Миңнеханов сәламәтлек саклау учреждениесе эшчәнлеге, биредә кулланыла торган стоматология өлкәсендәге заманча технологияләр белән танышты.

Бүген Татарстан Республикасы Президенты Рөстәм Миңнеханов «Бөек Ватан сугышы ветераннары – камалыштагы герой-шәһәре Ленинградта яшәүчеләр» Казан шәһәр иҗтимагый оешмасы җитәкчесе Альберт Комяков белән очрашты.

Рөстәм Миңнеханов Альберт Комяковка яшьләрне хәрби-патриотик рухта тәрбияләү һәм актив иҗтимагый эшчәнлеге өчен Татарстан Республикасы Президенты Рәхмәтен тапшырды.

Очрашу ТР Хөкүмәте Йортында узды. 

Бүген Татарстан Республикасы Президенты Рөстәм Миңнеханов Идел буе төбәкара табигатьне саклау прокуроры Вениамин Селифанов белән очрашты.

Очрашу Татарстан Республикасы Хөкүмәте йортында узды, анда шулай ук Татарстан Республикасы Прокуроры Илдус Нәфыйков, Татарстан Республикасы Президенты Аппараты җитәкчесе Әсгат Сәфәров та катнашты.

Татарстан Республикасы Премьер-министры Алексей Песошин ТР Финанс министрлыгының Казначейлык департаменты оештырылуга 20 ел тулуга багышланган тантаналы чарада катнашты.

Бәйрәм тантанасы Г.Камал исемендәге Татар дәүләт академия театры бинасында узды.

Бүген Татарстан Республикасы Президенты Рөстәм Миңнеханов Мәскәүдә эш сәфәрендә.   

Эш сәфәре  кысаларында Рөстәм Миңнеханов Стратегик үсеш һәм илкүләм проектлар буенча РФ Президенты каршындагы совет президиумы утырышында катнашты.  

Утырышны Россия Федерациясе Хөкүмәте Рәисе Дмитрий Медведев алып барды.

Утырышта катнашучылар «Торак һәм шәһәр тирәлеге» илкүләм проектын гамәлгә ашыру мәсьәләләре турында фикер алыштылар.

Татарстан Премьер-министры Алексей Песошин һәм Татарстан Дәүләт Советы рәисе Фәрит Мөхәммәтшин бүген  Федерация Советы әгъзалары һәм Татарстаннан сайланган Россия Федераль Җыены Дәүләт Думасы депутатлары белән очрашты.

Эчке эшләр органнары хезмәткәрләренең тырышлыгы, югары дәрәҗәдә профессиональ булулары аркасында Татарстанда криминал хәл тотрыклы кала. Бу хакта бүген ТР Премьер-министры Алексей Песошин ТР буенча Эчке эшләр министрлыгы коллегиясе утырышында белдерде.

Утырышта катнашучылар Татарстанның Эчке эшләр бүлекчәләре һәм органнарының 2018 елдагы оператив хезмәт эшчәнлеген карадылар.

Коллегия утырышында шулай ук РФ эчке эшләр министры урынбасары - статс-секретарь Игорь Зубов, ТР Дәүләт Советы рәисе Фәрит Мөхәммәтшин, Татарстан Президенты Аппараты җитәкчесе Әсгать Сәфәров, Татарстан прокуроры Илдүс Нәфыйков катнашты.

2018 елда Татарстан нефть-газ химия комплексында продукция чыгару, табыш, хезмәт хакы һәм салым түләүләре артты. Әмма аерым предприятиеләр буенча нәтиҗәләр начарайган. Бүген бу хакта  «Татнефтехиминвест-холдинг» ААҖ Директорлар советы утырышында холдингның генераль директоры Рафинат Яруллин хәбәр итте.

Утырыш ТР Хөкүмәте йортында Татарстан Республикасы Президенты Рөстәм Миңнеханов рәислегендә узды (Казан).