Бүген Татарстан Рәисе Рөстәм Миңнеханов Россия Федерациясе Герое, Үзәк хәрби округының 2 нче гвардия гомумхәрби армиясе командующие, генерал-лейтенант Рамил Ибәтуллин белән очрашты.

Очрашу Рөстәм Миңнехановның ТР Хөкүмәте Йортындагы эш кабинетында узды.

Кадерле дуслар!

Сезне Рус теле көне һәм бөек рус шагыйре Александр Сергеевич Пушкинның туган көне уңаеннан чын йөрәктән тәбрик итәм.

Бүген иртән Татарстан Республикасы Рәисе Рөстәм Миңнеханов Кукмара муниципаль районының Мәчкәрә авылындагы янәдән торгызылган мәчеттә Корбан бәйрәме уңаеннан бәйрәм намазында катнашты.

Бәйрәм вәгазе башланганчы Татарстан мөфтие Камил хәзрәт Сәмигуллин Россия Президенты Владимир Путинның һәм Татарстан Республикасы Рәисе Рөстәм Миңнехановның Корбан бәйрәме уңаеннан котлау телеграммаларын укыды.

Хөрмәтле Татарстан мөселманнары!

Кадерле ватандашлар!

Сезне һәр мөселман өчен аеруча олы һәм изге бәйрәмнәрнең берсе – Корбан гаете – Гайд әл-Әдха белән ихлас тәбрик итәм!

Гаять тирән рухи эчтәлекле бу бәйрәм бөтен дөньядагы миллионлаган мөэминне берләштерә, шәфкатьлелек һәм миһербанлылыкның олы куәткә ия булуына ныклы ышаныч тудыра, игелек кылуның савабы турында искәртә. 

Россия Хөкүмәтенең Координация үзәгендә Россия Хөкүмәте Рәисе урынбасары Дмитрий Чернышенко ясалма акыл өлкәсендәге тикшеренү үзәкләренең «өченче дулкыны»н сайлап алу нәтиҗәләрен тәкъдим итте. Иннополис Университетының фәнне цифрлы тизләтү өлкәсендә тикшеренү үзәге конкурста җиңүчеләрнең берсе булды. 

Бүген Татарстан Рәисе Рөстәм Миңнеханов Кар барсын һәм экосистемаларны саклау буенча глобаль программа идарәче комитетының IX утырышында катнашты. Утырыш Кыргызстан Республикасында уза.

Искәртәбез, әлеге хөкүмәтара альянс 11 ел элек төзелгән иде. Ул кар барсын саклау максатларында илләрне берләштерде. Кар барсы һәм аның экосистемалары буенча глобаль программаның җитәкче комитетының IX утырышында кар барсы яши торган илләрнең әйләнә-тирә мохит министрлары, шулай ук партнерлык оешмалары һәм халыкара финанс институтлары вәкилләре катнашты.

Бүген Татарстан Республикасы Рәисе Рөстәм Миңнеханов Кыргызстан Республикасы Президенты Садыр Жапаров белән очрашты.

Искәртәбез, Рөстәм Миңнеханов Кыргызстанда эш сәфәрендә. Визитының төп максаты - Кар барсын һәм экосистемаларны саклау буенча глобаль программа идарәче комитетының IX утырышында катнашу.

Бүген Татарстан Рәисе Рөстәм Миңнеханов Кыргызстан Республикасына эш сәфәренә килде.

Чолпон-Ата шәһәре аэропортында аны Кыргызстан Республикасы Министрлар Кабинеты Рәисе урынбасары Бакыт Торобаев, Табигый ресурслар, экология һәм техник күзәтчелек министры Мәдәр Мәшиев, Россия Федерациясенең Кыргызстандагы Гадәттән тыш һәм Тулы вәкаләтле Илчесе Сергей Вакунов каршы алды.

Казанда «Газпром» ГАҖнең бүлендек җәмгыятьләре һәм оешмалары арасында янгын сүндерү-коткару спорты буенча XIII ярышлар уза.

Ярышларда 30лап команда катнаша, алар өч юнәлештә көч сынаша: штурм баскычы буйлап күтәрелү, каршылыклар полосасы, сугышчан җәелү.

Аны ачу тантанасы Идел буе физкультура, спорт һәм туризм университетында узды.

Бүген Татарстан Республикасы Рәисе Рөстәм Миңнеханов һәм Мордовия Республикасы Башлыгы Артем Здунов «Татарстан - Мордовия» төбәкара балалар-яшьләр форумында катнашучылар белән очрашты.

Чара Казанда «Урам» экстрим-паркында узды.