Бүген Казанда Россия Хөкүмәте Рәисе урынбасары Дмитрий Чернышенко Су спорт төрләре сараенда булды.

Исегезгә төшерәбез, РФ вице-премьеры Казанга эш визиты белән килде. Татарстан Республикасы Президенты Рөстәм Миңнеханов белән Дмитрий Чернышенко спорт объектының инфраструктурасы белән танышты.

Бүген Казанда Россия Федерациясе Хөкүмәте Рәисе урынбасары Дмитрий Чернышенко Изге Ана Казан иконасы соборында булды.

РФ Вице-премьерын Татарстан Президенты Рөстәм Миңнеханов, Казан һәм Татарстан митрополиты Кирилл озатып йөрде.

Бүген Казанга эш сәфәре кысаларында Россия Федерациясе Хөкүмәте Рәисе урынбасары Дмитрий Чернышенко Казан (Идел буе) федераль университетының Геология һәм нефть-газ технологияләре институтында булды.

РФ Вице-премьерын Татарстан Президенты Рөстәм Миңнеханов озата йөрде.

Торак төзелеше программалары, социаль объектлар төзелеше һәм капиталь ремонт программаларын тормышка ашыру турында ТР Хөкүмәте йортында узган киңәшмәдә Татарстан төзелеш, архитектура һәм торак-коммуналь хуҗалык министры Марат Айзатуллин сөйләде.

Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

Февральдә республикада 1 мең 931 яңа Covid-19 очрагы теркәлгән. Бу гыйнварга караганда 30%ка ким. Мартның беренче атнасында уртача көнгә 50 дән артык очрак теркәлгән. Бу хакта бүген ТР Хөкүмәте йортында Роспотребнадзорның ТР буенча идарәсе башлыгы Марина Патяшина хәбәр итте.

Киңәшмәне барлык муниципаль районнар белән видеоконференцэлемтә режимында ТР Премьер-министры Алексей Песошин уздырды.

Казанга Россия Федерациясе Хөкүмәте Рәисе урынбасары Дмитрий Чернышенко эш сәфәренә килде.

Габдулла Тукай исемендәге «Казан» халыкара аэропортында Дмитрий Чернышенконы Татарстан Республикасы Президенты Рөстәм Миңнеханов һәм башка рәсми затлар каршы алды.

Бүген Татарстан Республикасы Президенты Рөстәм Миңнеханов ихтыярыйлар (волонтерлар) оешмаларының хатын-кыз вәкилләре белән очрашты. Очрашу Халыкара хатын-кызлар көненә багышланды.

Чара Казан Кремлендә узды. Анда шулай ук Татарстан Республикасы Президенты Аппараты Җитәкчесе Әсгать Сәфәров, Татарстан Республикасы хезмәт, эш белән тәэмин итү һәм социаль яклау министры Эльмира Зарипова, Татарстан Республикасы яшьләр эшләре буенча министры Дамир Фәттахов һәм башкалар катнашты.

Бүген Татарстан Республикасы Президенты Рөстәм Миңнеханов республиканың хокук саклау органнарының хатын-кыз хезмәткәрләренә Татарстан Республикасы дәүләт бүләкләрен тапшырды.

Бүләкләү тантанасы 8 Март – Халыкара хатын-кызлар көненә багышланды һәм Казан Кремлендә Губернатор корпусының Ак залында узды.

Татарстан Республикасы дәүләт бүләкләренә барлыгы 30 кеше лаек булды.

Бүген Татарстан Республикасы Президенты Рөстәм Миңнеханов күп балалы аналарга «Ана даны – Материнская слава» медальләрен тапшырды.

Тантаналы чара Казан Кремлендә узды.

«Ана даны – Материнская слава» медале белән биш һәм аннан да күбрәк бала тапкан һәм тәрбияләгән Татарстан Республикасы гражданнары бүләкләнә.

Бүген Татарстан Республикасы Президенты Рөстәм Миңнеханов һәм Татарстан Республикасы Дәүләт Киңәшчесе Минтимер Шәймиев Казан Изге Ана иконасы соборын торгызу эшләренең барышы белән танышты.

Исегезгә төшерәбез, собор «Болгар ислам академиясен төзү һәм Казан Изге Ана иконасы соборын торгызу турында»гы УП-1066 номерлы Указны үтәү йөзеннән торгызыла. Объект нигезенә истәлек ташы 2016 елның 21 июлендә Мәскәү һәм Бөтен Русь Патриархы Кирилл катнашында салынган иде.