Татарстанга Таҗикстан Премьер-министры Кохир Рәсүлзадә килде

Татарстанга Таҗикстан Премьер-министры Кохир Рәсүлзадә килде.

Кунакны “Казан” халыкара аэропортында ТР Премьер-министры Алексей Песошин,ТР Дәүләт Советы рәисе урынбасары Марат Әхмәтов һәм башка рәсми затлар каршы алды.

Кохир Рәсүлзадәнең Казанга килүенең төп максаты – Евразия хөкүмәтара советының чираттагы утырышында катнашу.

Евразия икътисади берлеге – халыкара икътисади интеграция оешмасы, аның составына Россия, Әрмәнстан, Беларусь, Казахстан, Кыргызстан керә. Күзәтүче дәүләтләр статусына Молдавия, Үзбәкстан һәм Куба ия.