Бүген Казахстан Республикасы Премьер-министры Бәхетҗан Сагынтаев Казахстан Республикасы Президенты Нурсолтан Назарбаев күрсәтмәсе буенча Татарстан Республикасы Президенты Рөстәм Миңнехановка «Астанага – 20 ел» юбилей медален тапшырды.   

Икенче көнне Татарстан Республикасы Президенты Рөстәм Миңнеханов EXPO Конгресс-үзәгендә халыкара финанс үзәге проектлары күргәзмәсен карады. Шунда ук Рөстәм Миңнеханов берничә эшлекле очрашу уздырды һәм Астана ислам икътисады форумының берничә кунагы белән очрашты.

Бүген Татарстан Республикасы Президенты Астанада Казахстан татар һәм башкорт конгрессы активы белән очрашты. 

Казахстан Республикасы Статистика буенча комитеты мәгълүматлары буенча, бүгенге көнгә илдә 204 229 татар яши (Казахстан халкының 1,3 %), шулардан 152 449 кеше - шәһәрдә яши, 51 780 кеше - авыл халкы. 

 Көн азагында Татарстан Республикасы Президенты Рөстәм Миңнеханов «Казмедиа» телеүзәгендә булды һәм телекомпаниянең корпунктын ачу тантанасында катнашты, анда ул Казахстан татарлары һәм башкортлары конгрессы активы белән очрашты. 

Астанага эш сәфәре кысаларында Рөстәм Миңнеханов Назарбаев университеты эшчәнлеге белән танышты, анда аңа иң яхшы студентлар проектларын һәм Бизнес-кампусның  ИТ-үзәген тәкъдир иттеләр. Уку йорты  буйлап экскурсияне Назарбаев университеты Президенты Шигео Катсу уздырды.

Төштән соң Астана ислам икътисады форумы кысаларында Казахстан Республикасы Премьер-министрының беренче урынбасары Әскәр Мамин һәм Татарстан Республикасы Президенты Рөстәм Миңнеханов рәислегендә Казахстан-Татарстан бизнес форумын уздыру барышында эшлекле сөйләшүләр алып барылды, анда Казахстан һәм Татарстан сәнәгатьчеләре һәм эшлекле даирәләре катнашты.   

Бүген Астанада Ислам икътисады халыкара форумы пленар сессиясендә Казахстан Республикасы Премьер-министры Бәхетҗан Сагынтаев һәм  Халыкара финанс үзәге идарәчесе Кайрат Келимбетов катнашучыларны сәламләделәр. Чарада шулай ук Татарстан Республикасы Президенты Рөстәм Миңнеханов та спикер буларак чыгыш ясады. Ул Астана халкын Казахстан башкаласына 20 ел тулу белән котлады. 

Рөстәм Миңнеханов чыгышында ассызыклаганча, Татарстан Республикасы "Астана" халыкара финанс үзәге эре региональ хаб буларак формалашуда актив рәвештә катнашырга әзер. "Сезнең финанс үзәк безнең өчен чын табыш. Татарстанның Казахстанга якынлыгы безгә актив рәвештә хезмәттәшлек итәргә мөмкинлек бирә. Казаннан Астанага самолетта ике сәгать кенә һәм туры авиаэлемтә бар. Бүгенге Казахстан - бик күп юнәлешләрдә әйдәп баручы, сездән өйрәнеп һәм тәҗриә уртаклашып була". 

Астанада Ислам икътисады халыкара форумы кысаларында Ислам үсеш банкы оештырган «Transformers роудшоу» фән, технологияләр һәм инновацияләр конкурсында җиңүчеләрне бүләкләү тантанасы узды. 

Бүләкләрне "Астана" халыкара финанс үзәге идарәчесе Кайрат Келимбетов, Татарстан Республикасы Президенты Рөстәм Миңнеханов һәм Ислам үсеш банку президенты Бандар Хаҗәр тапшырдылар. 

"Казахстан - элеккеге Совет илләре арасында ислам икътисадын гамәлгә кертә өлкәсендә лидерларының берсе. Бүген без «Transformers роудшоу» конкурсы нәтиҗәләрен чыгарабыз. Әлеге конкурс яшьләрдән яңа тәкъдимнәр алу өчен һәм югары технологияле проектлар һәм инновацион продуктлар булдыруга яшьләрне җәлеп итү өчен яхшы мөмкинлек", диде ул. 

Конкурста катнашучылар арасында БГӘ, Россиядән вәкилләр бар иде, шул исәптән Татарстаннан "Хәләл-Гид" проекты. 

Бүген Татарстан Республикасы Президенты Рөстәм Миңнеханов EXPO ASTANA конгресс-үзәгендә Казахстан Республикасы Премьер-министры Бәхетҗан Сагынтаев белән очрашты. 

Очрашу башлануга ук Рөстәм Миңнеханов Бәхетҗан Сагынтаевка Астана финанс форумында һәм халыкара финанс үзәген ачуда катнашуга чакырулары өчен рәхмәт белдерде. 

Бүген кич Татарстан Республикасы Президенты Рөстәм Миңнеханов Казахстан Республикасы башкаласы Астана шәһәренә Ислам икътисады халыкара форумында (Astana Finance Days Forum) катнашу өчен ике көнлек эш сәфәренә килде. Нурсолтан Назарбаев исемендәге Астана халыкара аэропортында Рөстәм Миңнехановны Казахстан Республикасы Премьер-министрының беренче урынбасары Әскәр Мамин, Казахстан Республикасының Россия Федерациясендәге Илчесе Имангали Тасмагамбәтов, Астана шәһәре Хакиме урынбасары Косман Айтмөхәмммәтов, Россия Федерациясенең Казахстан Республикасындагы Илчесе урынбасары Юрий Перепеченов һәм Татарстан Республикасының  Казахстан Республикасындагы Тулы вәкаләтле вәкиле Денис Вәлиев каршы алды.

Татарстан Республикасы Россиянең 85 төбәге арасында вакытлыча эшкә яраксызлык турында электрон кәгазьләр бирү буенча дүртенче урында. Бу хакта бүген  Министрлар Кабинетында узган брифингта РФ Социаль иминиятләштерү фондының Татарстан буенча бүлеге идарәчесе Рамил Гайзатуллин хәбәр итте.

Брифинг гадәттәгечә республиканың барлык муниципаль районнары белән видеоконференцэлемтә режимында узды.