«Татарстан Республикасы мәгарифе – киләчәккә инвестицияләр» темасы буенча ТР мәгариф һәм фән хезмәткәрләренең  август киңәшмәсе пленар утырышының интернет-трансляциясе иртәгә, 2018 елның 23 августында, Татарстан Республикасы Президенты сайтында оештырылачак. 

Бүген «Алабуга» махсус икътисадый зонасына эш сәфәре кысаларында Татарстан Республикасы Президенты Рөстәм Миңнеханов республика предприятиеләре өчен эшче кадрлар әзерләү мәсьәләсе буенча киңәшмә уздырды. Киңәшмәдә республика министрлыклары һәм ведомстволары, югары уку йортлары, ресурс үзәкләре, махсус зонаның резидент предприятиеләре җитәкчеләре катнашты.

Бүген «Алабуга» махсус икътисадый зонасы территориясендә дүрт яңа завод ачылды. Барлык предприятиеләр «Синергия» индустриаль паркында урнашкан: «СТ Алабуга» (махсус транспорт җитештерү), «СМИТ» (пенополиуретан белән алдан изоляцияләнгән торба продукциясе җитештерү), «Ростонер» (тонер һәм картриджлар чыгару) һәм «Русский воск» (полиэтилен балавыз җитештерү). 

Тантанада Татарстан Республикасы Президенты Рөстәм Миңнеханов, CEO Ford Sollers президенты Адиль Ширинов, «СМИТ» ҖЧҖ генераль директоры Максим Гуляев, «Ростонер» генераль директоры Иван Ветряк һәм «Русский воск» компаниясе директоры Никита Симонов та катнашты. 

Бүген Татарстан Республикасы Президенты Рөстәм Миңнеханов рәислегендә «Алабуга» махсус икътисадый зонасы Күзәтүчеләр советы утырышы узды. Анда гомуми суммасы 1,5 млрд. сумга якынлык ике инвестицион проект каралды. Күзәтүчеләр советы әгъзалары яңа резидент сыйфатындагы «Русский Воск» компаниясе проектын хупладылар, шулай ук гамәлдәге резидент «Джошкуноз-Алабуга» ҖЧҖ ягыннан инвестицияләр күләмен арттыруны да якладылар.

Бүген Татарстан Республикасы Президенты Рөстәм Миңнеханов «Алабуга» махсус икътисадый зонасына эш сәфәре кыла. Эш сәфәренең төп максаты – МИЗ территориясендә дүрт яңа завод ачылышында катнашу.   

Бүген Татарстан Республикасы Президенты Рөстәм Миңнеханов Казанда  экорайон концепциясен һәм мастер-планын эшләүгә Ачык халыкара конкурс жюрие утырышында катнашты.  

Утырыш Казан дәүләт архитектура-төзелеш университетында – КДАТУда узды (Зеленая ур., 1).

Искәртәбез, Татарстан башкаласында экорайон концепциясен һәм мастер-планын эшләүгә Ачык халыкара конкурс Казанның Киров районындагы Аракчино торак массивы белән янәшә урнашкан 760 га мәйдандагы җир кишәрлеген мөмкин кадәр нәтиҗәле һәм сыйфатлы үзләштерү өчен уздырыла.

Конкурс 2018 елның 5 июлендә башланып китте.

Бүген Казанда КХРның Генконсуллыгын ачу тантанасы узды. 

Чарада Татарстан Республикасы Президенты Рөстәм Миңнеханов катнашты.

Генераль консуллык бинасы Подлужная урамындагы 21 нче йортта урнашкан.

Чыгышында Рөстәм Миңнеханов белдергәнчә, Генконсуллыкны ачу –  тулаем Россия белән Кытай һәм, ахыр чиктә, төбәкләр арасындагы хезмәттәшлекне үстерүдә җитди  адым.

Бүген Татарстан Республикасы Президенты Рөстәм Миңнеханов Кытай Халык Республикасының Россия Федерациясендәге Гадәттән тыш һәм Тулы вәкаләтле Илчесе Ли Хуэй белән очрашты.

Чара Казан Кремлендә узды.

Искәртәбез, Ли Хуэй әфәнде Казанга эш сәфәре кыла (2018 елның 21-22 августы). Эш сәфәренең төп максаты – Казанда Кытай Генераль консуллыгын ачуда катнашу. 

Бүген Татарстан Республикасы Президенты Казанның Галиев мәчетендә Корбан бәйрәме намазында ктанашты. Намазны Татарстан мөфтиенең беренче урынбасары Рөстәм хәзрәт Вәлиуллин уздырды.  

Бәйрәм хөтбәсендә Рөстәм хәзрәт Вәлиуллин Корбан бәйрәме тарихы турында сөйләде.

Татарстан Республикасы Президенты Рөстәм Миңнехановның Корбан бәйрәме уңаеннан мөрәҗәгате.