Бүген Татарстан Республикасы Президенты Рөстәм Мимңнехановның American Gas&Technology  компаниясе вице-президенты Борис Шраер белән очрашуда хезмәттәшлек итү мәсьәләләре турында сүз барды. 

Очрашу Рөстәм Миңнехановның АКШга (Сан-Франциско) эш визиты кысаларында узды. 

American Gas&Technology компаниясе яңа уникаль продуктны - газны сыек хәлгә китерү өчен автоматлаштырылган  кече аппаратларны сафка кертү өчен оештырылган. Аппаратлар яңа чиста транспорт ягулыгын - сыекландрылган табигать газын саклый һәм тарата ала.  

Бүген Татарстан Республикасы Президенты Рөстәм Миңнеханов Oracle OpenWorld халыкара конференциясе кысаларындагы махсуслаштырылган күргәзмәне карады. 

Oracle OpenWorld - мәгълүмат технологияләре өлкәсендәге белгечләр өчен Oracle корпорациясе ел саен үткәрә торган конференция. Төп чара Сан-Францискода уза, шулай ук региональ очрашулар Сан-Паулу һәм Шанхайда була. 

Бүген Татарстан Республикасы Президенты Рөстәм Миңнеханов Сан-Францискода «Эксплораториум» интерактив фәнни музеенда булды.  

Искәртәбез, Рөстәм Миңнеханов Сан-Францискога (АКШ, Калифорния штаты) өч көнлек эш сәфәрендә.

«Эксплораториум» музеена 1969 елда Сынлы сәнәгать сараенда физик һәм мөгаллим Фрэнк Оппенгеймер тарафыннан нигез салынган. 2013 елда Эмбаркадеро яр буенда бу музей 15 һәм 17 пирсларда янәдән ачылган.

Бүген Татарстан Республикасы Президенты Рөстәм Миңнеханов Сан-Францискога (АКШ, Калифорния штаты) эш сәфәренә килде.

Эш сәфәре кысаларында Рөстәм Миңнеханов Oracle OpenWorld халыкара конференциясендә катнашачак, Oracle компаниясе җитәкчелеге вәкилләре белән очрашачак.

Республикада техник культуралар уңышын җыю барыгы һәм авыл хуҗалыгы ярминкәләрен уздыру турында бүген ТР авыл хуҗалыгы һәм азык-төлек министрының беренче урынбасары Николай Титов ТР Хөкүмәте Йортында узган киңәшмәдә хәбәр итте. 

Киңәшмәне республиканың бөтен районнары белән видеоконцеренцэлемтә режимында Татарстан Республикасы Президенты Рөстәм Миңнеханов уздырды. Киңәшмә эшендә ТР Премьер-министры Алексей Песошин катнашты. 

Бүген Татарстан Республикасы Хөкүмәте Йортында узган республика киңәшмәсендә күп фатирлы йортларга һәм социаль-мәдәни объектларга капиталь ремонт барышы турында Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.   

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

“Россия-Үзбәкстан мөнәсәбәтләре үсешенең өстенлекле юнәлеше буларак авыл хуҗалыгы” темасына узган Россия һәм Үзбәкстан төбәкара хезмәттәшлегенең беренче форумының пленар утырышы Үзбәкстан Президенты Шәүкәт Мирзиёев һәм Россия Федерациясе Президенты Владимир Путинның сәламләү сүзләреннән башланды.

Владимир Путин чыгышында Үзбәкстан белән уңышлы хезмәттәшлек алып баручы Россия компанияләре арасында “КАМАЗ” ГАҖен дә атады.

Россия һәм Үзбәкстан төбәкара хезмәттәшлегенең беренче форумының төп көне Россия Федерациясе Икътисад министры Максим Орешкиннан һәм Үзбәкстан Республикасы Икътисад министры Ботир Хоҗаевтан эшлекле иртәнге аш белән башланып китте. Темасы «Потенциал ачабыз». Татарстан Республикасы Президенты Рөстәм Миңнеханов бу чарада катнашты һәм Үзбәкстан коллегаларына республиканың икътисадый һәм инвестицион мөмкинлекләрен тәкъдир итте.

Ташкентка килүгә үк Татарстан Республикасы Президенты Рөстәм Миңнеханов Үзбәкстанда яшәүче татар җәмәгатьчелеге белән очрашуга юнәлде. Очрашу Үзбәкстан Республикасы Министрлар Кабинеты каршындагы Милләтара мөнәсәбәтләр һәм чит илләр белән дустанә багланышлар комитетында узды, анда Ташкент өлкәсе Хакиме Гуломҗон Ибраһимов та катнашты. 

Бүген Татарстан Республикасы Президенты Рөстәм Миңнеханов ике көнлек эш сәфәре белән Үзбәкстан Республикасы башкаласы Ташкент шәһәренә килде, анда ул Россия һәм Үзбәкстан төбәкара хезмәттәшлегенең беренче форумында катнашачак. Форум ике дәүләт башлыклары Владимир Путин һәм Шәүкәт Мирзиёев рәислегендә узачак.