Татарстан Республикасы Премьер-министры вазифаларын башкаручы Рөстәм Нигъмәтуллин Мамадыш районына килде.

Килеп җитү белән Рөстәм Нигъмәтуллин Мамадыш районы башлыгы Анатолий Иванов белән бергә берничә объектта булды.

Бүген Татарстан Республикасы Президенты Рөстәм Миңнеханов Бавария дәүләт канцеляриясе җитәкчесе Флориан Херманн белән очрашты. Очрашу ТР Президентының Мюнхена эш визиты кысаларында узды (Германия Федераль Республикасы, Бавария федераль җире).

Рөстәм Миңнеханов сүзләренчә, Татарстан белән Бавария хезмәттәшлегенең ике ачык мисалы - безнең Siemens һәм Linde белән ныклы элемтәләребез. "Алар озак еллар - безнең күп проектларыбыз буенча хезмәттәшләребез. Siemens төрле өлкәләрдә эшли: сәламәтлек саклау, нефть химиясе, энергетика, цифрлы технологияләр. Без алар белән гаять зур проектларны гамәлгә ашырабыз, бигрәк тә ңнергетика өлкәсендә", - диде ТР Президенты. 

Татарстан Президенты ассызыклаганча, Linde компаниясе - нефть химиясе өлкәсендә дөнья лидеры. "Бүген Linde белән берничә эре проект гамәлгә ашырылды, этилен комплексын төзү буенча зур проектны башлау көтелә. Бөтен документлар имзаланган, Linde компаниясеннән 500дән артык кеше әлеге проектка җәлеп ителә. "ТАИФ" КТ вәкилләре бүген һәм иртәгә бу программалар буенча эш алып баралар", - диде ул. Шулай ук Siemens һәм Lindeдан ары тагын берничә Бавария компаниясе белән үзара файдалы хезмәттәшлек алып барыла. 

Очрашуда мәгариф өлкәсендә, спорт, туризм һәм мәдәни өлкәләрдә хезмәттәшлек турында да сүз барды. Хезмәттәшлек турында документны якын арада әзерли башлыйлар. "Ышанам, Татарстан һәм Бавария, ике эре регион, бер-берсенә файдалы була. Безгә Бавария белән Татарстан арасында мөнәсәбәтләр ныгуы  һәм үсүе мөһим", - диде ТР Президенты. Флориан Херманн да үз чиратында ике төбәк хезмттәшлеге әһәмиятен ассызыклады.

Бүген Татарстан Республикасы Президенты Рөстәм Миңнеханов Мюнхен шәһәренә эш сәфәре кысаларында Linde Engineering компаниясе Директорлар советы рәисе, Linde AG идарәсе әгъзасы Кристиан Брух белән очрашты.   

Рөстәм Миңнеханов Linde белән республика нефть химиясе предприятиеләренең уңышлы хезмәттәшлеген билгеләп үтте.     

Бүген Татарстан Республикасы Президенты Рөстәм Миңнеханов Siemens немец компаниясе җитәкчелеге белән очрашты. Очрашу Рөстәм Миңнехановның Мюнхен шәһәренә (Германия) эш сәфәре  кысаларында узды. 

Искәртәбез, бүген Татарстан Республикасы Президенты Дрезденда булды, Саксония Премьер-министры Михаэль Кречмер белән очрашты. Алар Татарстан Республикасы белән Саксония Федераль җире (ФРГ) арасында сәүдә-икътисад, фәнни-техник һәм мәдәни өлкәләрдә төбәкара хезмәттәшлек турында килешү имзаладылар.    

Хәрби-патриотик тәрбия мәсьәләләре турында бүген Казан югары танк команда училищесында узган брифингта фикер алыштылар.

Брифингта  Татарстан Премьер-министры урынбасары Ләйлә Фазлыева, ТР хәрби комиссары Сергей Погодин, Татарстанның ДОСААФ идарәсе рәисе Дамир Данниулов, “Юнармия” хәрәкәте башлыгы Александр Бородин катнашты.

Татарстан Республикасы белән Саксония Федераль җире (ФРГ) сәүдә-икътисад, фәнни-техник һәм мәдәни өлкәләрдә төбәкара хезмәттәшлек турында килештеләр. Бүген Дрезденда тиешле документка Татарстан Республикасы Президенты Рөстәм Миңнеханов һәм Саксония Премьер-министры Михаэль Кречмер имза салдылар. Искәртәбез, Татарстан Республикасы Президенты Германиядә бер көнлек эш сәфәрендә.   

Бүген Татарстан Республикасы Президенты Рөстәм Миңнеханов Германия Федератив Республикасына бер көнлек эш сәфәренә килде. Дрезден аэропортында аны Саксония Премьер-министры Аппараты җитәкчесе Маркус Франке каршы алды. 

Бүген Татарстан Республикасы Президенты Рөстәм Миңнеханов 2018 елда Татарстан Республикасы Арбитраж судының эш йомгаклары буенча киңәшмәдә катнашты.

Төп доклад белән Татарстан Республикасы Арбитраж суды рәисе Максим Боровков чыгыш ясады. 

"Хәзерге вакыта Татарстан Республикасы Арбитраж суды - илдәге беренче инстанциядәге арбитраж судларының иң эреләренең берсе. Бу Татарстанның икътисадый үсешенә, эшкуарлык мөнәсәбәтләре төрлелегенә, гомумән хуҗалык әйләнеше күпкырлылыгына  бәйле, - диде ул. - Татарстан Республикасы Арбитраж суды штатында хезмәткәрләр саны 254 кеше, шул исәптән 69 судья, 187 аппарат хезмәткәре. Татарстан Республикасы Арбитраж судыны хезмәткәрләренең уртача яше - 45". 

Бүген Татарстан Республикасы Президенты Рөстәм Миңнеханов транспортта эчке эшләр органнары вәкилләренә 17 яңа техника ачкычларын тапшырды.

Чара Татарстан Республикасы буенча ЭЭМ ЮХИДИ бинасы янында узды (Казан, Оренбург тракты, 5).

Рөстәм Миңнеханов шулай ук транспортта эчке эшләр органнары хезмәткәрләрен ведомство төзелүгә 110 ел тулу белән котлады.

Берләшкән Гарәп Әмирлекләренең Tawazun компаниясе Aurus люкс бренды җитештерү буенча уртак предпритияе  составына керде. Бу хакта килешүне бүген Tawazun, «НАМИ» ФДУП һәм «Соллерс» ГАҖ IDEX-2019 халыкара оборона күргәзмәсендә имзаладылар. Тантаналы чарада РФ сәнәгать һәм сәүдә министры Денис Мантуров, БГӘ Тышкы эшләр министры Шәйх Абдалла бән Зәйед Әл Нәхәйян һәм Татарстан Республикасы Президенты Рөстәм Миңнеханов катнаштылар.