Татарстан галимнәре хәзерге Россия фәнен үстерүгә зур өлеш кертәләр. Республиканың фәнни мәктәпләре бөтен дөньяга билгеле һәм абруйлы. Бүген бу хакта Татарстан Республикасы Президенты Рөстәм Миңнеханов фән һәм техника өлкәсендә Татарстан Республикасы дәүләт премияләрен һәм Татарстан Республикасы дәүләт бүләкләрен тапшыру тантанасында хәбәр итте. Чара Казан Кремлендә узды.

Бүген Татарстан Республикасы Президенты Рөстәм Миңнеханов Казан Кремле территориясендә урнашкан Татарстан Республикасы Археология музеенда булды. Аны Татарстан Республикасы вице-премьеры Ләйлә Фазлыева, Татарстан Республикасы мәдәният министры Ирада Әюпова, республиканың кайбер министрлыклары һәм ведомстволары вәкилләре озата йөрде.

Бүген Татарстан Республикасы Президенты Рөстәм Миңнеханов «Саклык банкы» ГАҖ идарәсе рәисе Герман Греф белән очрашты.

Очрашу Казан Кремлендә узды.

Искәртәбез, Герман Греф Татарстанда кыска вакытлы эш сәфәрендә.

Бүген Казанда Сбербанкның "Мәктәп 21" мәгариф проекты тантаналы рәвештә ачылды. Проект берничә елдан республика һәм бөтен ил өчен югары квалификацияле программистларны чыгарачак. Тантанада Татарстан Республикасы Президенты Рөстәм Миңнеханов һәм Сбербанк президенты, идарәсе рәисе Герман Греф катнаштылар. 

Бүген Татарстан Республикасы Президенты Рөстәм Миңнеханов һәм "Сбербанк" ГАҖ Идарәсе рәисе Герман Греф Казан метрополитенында "Акчасыз транспорт" проекты белән таныштылар. 

Искәртик, Герман Греф бүген Казанда эш сәфәрендә. 

Рөстәм Миңнеханов, Герман Греф, "Метроэлектротранс" МУП вәкилләре Казан метросында "Имәнлек" станциясеннән "Сукно бистәсенә" кадәр бардылар. Биредә "Акчасыз транспорт" проекты презентацияләнде. Кунаклар жетоннар сату аппаратын тестладылар, турникет аша узу өчен банк картасы белән түләделәр, шулай ук биометрик турникет аша да уздылар. 

Татарстан Премьер-министры вазифаларын вакытлыча башкаручы Рөстәм Нигъмәтуллин көннең икенче яртысында Бөгелмә районында булды.

Төп максаты – Бөгелмә районының 2019 елдагы социаль-икътисади үсеш нәтиҗәләренә һәм 2020 елга куелган бурычларга багышланган район Советы утырышында катнашу.

Сбербанк - Татарстанның әһәмиятле стратегик партнеры. Бу хакта бүген Татарстан Республикасы Президенты Рөстәм Миңнеханов Сбербанкның еллык бизнес-конференциясендә белдерде. Чара "Казан Экспо" халыкара күргәзмә үзәгендә узды. Конференциядә шулай ук Сбербанк президенты, идарәсе рәисе Герман Греф катнашты. 

Татарстан Премьер-министры вазифаларын вакытлыча башкаручы Рөстәм Нигъмәтуллин Лениногорск районында булды.

Ул анда Лениногорск политехника көллияте эшчәнлеге белән танышты, “Остаханәләрне WorldSkills халыкара стандартларга туры китереп җиһазлау” федераль гранты хисабына җиһазландырылган остаханәләрне карады.

Бүген "Казан Экспо" үзәгендә Татарстан Республикасының инновацион эшләнмәләре күргәзмәсе тәкъдим ителде. Экспозицияне Татарстан Республикасы Президенты Рөстәм Миңнеханов һәм Сбербанк президенты, идарәсе рәисе Герман Греф карадылар. 

Бүген Казанга эш визиты белән Сбербанк президенты, идарәсе рәисе Герман Греф килде. "Казан" халыкара аэропортында аны Татарстан Республикасы Президенты Рөстәм Миңнеханов каршы алды.