Татартан Республикасы Президенты Рөстәм Миңнеханов Миланга эш сәфәре кысаларында эшлекле очрашулар уздырды. 

Аерым алганда, INALCA (Италия) компаниясе вәкилләре белән очрашу үткәрелде. 

Очрашуда яклар алга таба хезмәттәшлек һәм республикада эре мөгезле терлекне симертү мәйданнарын булдыру мөмкинлекләре турында сөйләштеләр. 

Бүген Татарстан Республикасы Президенты Рөстәм Миңнеханов «Италиядә татарлар» мәдәният ассоциациясе активы белән очрашты.

Очрашу Рөстәм Миңнехановның Миланга эш сәфәре кысаларында узды.

Очрашуны Бөтендөнья татар конгессының Милли Шура рәисе, Татарстан Республикасы Премьер-министры урынбасары Васил Шәйхеразыев ачты.

Чарада катнашучылар Италиядә яшәүче татарларның Татарстандагы оешмалар белән актив хезмәттәшлеге турында сөйләделәр. 

Бүген Татарстан Республикасы Президенты Рөстәм Миңнеханов Миланда Midiaset компаниясенең телевизион үзәгендә булды.

Mediaset – хосусый Италия медиа- һәм телекоммуникация компаниясе. Телевидение, кино, мультимедиа һәм реклама җитештерү һәм дистрибуция өлкәләрендә эшли. Компаниягә 1987 елда Сильвио Берлуксони тарафыннан нигез салынган.

Бүген Миланга эш сәфәре барышында Татарстан Республикасы Президенты Рөстәм Миңнехановка ике яңа инвестицион проект тәкъдир ителде.

Чара «Палаццо Ломбардия» хөкүмәте бинасында узды.

Беренче проект – авыл хуҗалыгы юлдаш продуктларыннан биотаркалучы биопластиклар җитештерү. Bio Plastica проекты тулысынча биотаркалучы биопластиклар җитештерүгә, биополимерлар җитештерү буенча сәнәгать предприятиесен төзүгә юнәлә, аларны җитештерү өчен чимал итеп агросәнәгать җитештерүенең юлдаш продуктлары һәм калдыклары (шикәр һәм камыш чөгендере, бәрәңге калдыклары, бодай һәм кукуруз крахмалы, майлар, җиләк-җимеш һәм башкалар) кулланыла.

Тәкъдир итүне Bio-on SpA компаниясе вәкилләре уздырды.

Бүген Татарстан Республикасы Президенты Рөстәм Миңнеханов Ломбардия өлкәсе Президенты Роберто Марони белән очрашты. 

Чара “Палаццо Ломбардия” хөкүмәт бинасына узды. 

Искәртик, Рөстәм Миңнеханов Миланда ике көнлек эш сәфәрендә. 

Рөстәм Миңнеханов җылы каршы алулары һәм Россия Федерациясенең динамик рәвештә үсеп баручы төбәге буларак Татарстанга карата игътибарлары өчен рәхмәт белдерде.

Бүген Татарстан Республикасы Президенты Рөстәм Миңнеханов Миланга (Италия) килде.

Аның эш сәфәре кысаларында (2017 елның 12-13 декабре) зур эшлекле программа планлаштырыла.

Килүгә үк Рөстәм Миңнеханов Ломбардия өлкәсе Президенты Роберто Марони белән очрашуга юнәлде («Палаццо Ломбардия» хөкүмәте бинасы).

Бүген Татарстан Республикасы Премьер-министры Алексей Песошин “Ел җитәкчесе-2017” республика иҗтимагый конкурс комиссиясе утырышын уздырды. Бу чара ТР Хөкүмәте йортында узды.

Алексей Песошин билгеләгәнчә, 2017 елда конкурсның номинантлары төрле  тармак һәм икътисад өлкәсе предприятиеләре һәм оешмаларының 123 җитәкчесе булды.

Бүген Татарстан Республикасы Президенты Рөстәм Миңнеханов республика юл хезмәте оешмаларына яңа коммуналь техника ачыкычларын тапшырды - "КАМАЗ" шассиенда 22 яңа катнаш юл машиналары. Тантаналы чара "Казан" халыкара ат-спорт комплексы территориясендә узды. Чарада ТР төзелеш, архитектура һәм ТКХ министры Ирек Фәйзуллин катнашты. 

Татарстан Республикасы буенча Федераль казначылык идарәсе республика үсешенә зур өлеш кертә. Бүген бу хакта Татарстан Республикасы Президенты Рөстәм Миңнеханов Федераль казначылык төзелүгә 25 ел тулуга багышланган тантанада хәбәр итте.

Чыгышында Татарстан Республикасы буенча Федераль казначылык идарәсе Рөстәм Нуриәхмәтов хәбәр иткәнчә, 1992 елның 8 декабрендә Россия Президенты Борис Ельцин Россиядә бердәм үзәкләштерелгән федераль казначылык органнары системасын төзү турындагы Указ имзалаган.

Бүген Казан Кремлендә Татарстан Республикасы Президенты каршындагы Милләтара һәм диннәрара мөнәсәбәтләр буенча совет утырышы узды. Утырышта Татарстан Республикасы Президенты Рөстәм Миңнеханов рәислек итте. Утырыш эшендә Татарстан Республикасы Дәүләт Советы Рәисе, Татарстан Халыклары аасамблеясе рәисе Фәрит Мөхәммәтшин  катнашты. Төп мәсьәлә – республикада этномәдәни инфраструктураны үстерү.