Төрекмәнстан 2 мең «КАМАЗ» йөк машинасы сатып алырга әзер. Моннан тыш, республика туристлык судноларына һәм авыл хуҗалыгы авиациясен үстерү өчен самолетларга мохтаҗ. Бүген бу хакта Казан Кремлендә Төрекмәнстан лидеры Гурбангулы Бердымөхәммәдов Татарстан Республикасы Президенты Рөстәм Миңнеханов белән очрашуда хәбәр итте.

Якын арада Казанда Төрекмәнстанның Генераль консуллыгы барлыкка килергә мөмкин. Килешү бүген Казан Кремлендә Төрекмәнстан һәм Татарстан Республикасының беренче затлары сөйләшүләрендә булды. Генераль консуллыкны ачу буенча тәкъдимне Татарстан Президенты Рөстәм Миңнеханов җиткерде. «Казанда Төрекмәнстан Генераль консуллыгын ачу мөмкинлеген карарга кирәк. Безнең мөнәсәбәтләр системалы стратегик характерда, әгәр дә Сез бу мәсьәләне карарга кушсагыз, бу яхшы булыр иде», - диде Рөстәм Миңнеханов.

Төрекмәнстан базары Татарстан компанияләре өчен зур кызыксыну уята, шул ук вакытта тугандаш республика хакимияте инвесторлар өчен яхшы шартлар тудыра. Бу икътисадый элемтәләрне үстерү һәм товар әйләнешен үстерү өчен зур мөмкинлекләр ача. Шул хакта Татарстан Республикасы Президенты Рөстәм Миңнеханов Казан Кремлендә Төрекмәнстан делегациясе белән очрашуда хәбәр итте.

Очрашуны ачып, Рөстәм Миңнеханов Төрекмәнстан Президенты Гурбангулы Бердымөхәммәдовка Татарстан-Төрекмәнстан хезмәттәшлеген үстерүгә аерым игътибар биргәне өчен рәхмәт белдерде.

Татарстан Президенты 12 августта Төрекмәнбаш шәһәрендә узачак беренче Каспий икътисадый форумына чакырганнары өчен Бердымөхәммәдовка рәхмәт белдерде.

«Без сезнең илдә безнең компанияләрнең уңышлы эшләвенә һәм ярдәм алуларына чын күңелдән рәхмәтле. Бу - «Татнефть», «КЭР-Холдинг» компанияләре һәм башкалар. Бүген күргәзмә кысаларында Сез безнең элемтәләрне киңәйтә торган берничә йөкләмә бирдегез. Безгә сәүдә-икътисадый элемтәләрне киңәйтергә кирәк. Сезнең илнең потенциалы бик зур, һәм безнең өчен бу базарда тәкъдим ителгән булуыбыз бик мөһим», - диде Рөстәм Миңнеханов. 

Татарстан Президенты билгеләгәнчә, хезмәттәшлекнең перспектив юнәлешләре - автомобиль һәм авиация техникасы, суднолар төзелеше продукциясе белән тәэмин итү.

Рөстәм Миңнеханов шулай ук Төрекмәнстанда яшәүче татарлар исеменнән Бердымөхәммәдовка рәхмәт белдерде. «Алар игътибар, мөмкинлекләр өчен бик рәхмәтле. Безнең очрашу булды, алар үзләренең рәхмәтен, хөрмәтен җиткерүне үтенделәр», — диде Рөстәм Миңнеханов.

Бүген Россия Федерациясе Президенты Владимир Путин Сабантуй бәйрәме белән котлау телеграммасын юллады. Ул билгеләгәнчә, Татарстанда шатлык, ачык күңел, кунакчыллык, кешеләрнең үзара дустанә аралашу атмосферасы. 

Бүген Татарстанга Төрекмәнстан Президенты Гурбангулы Бердымөхәммәдов килде. "Казан" халыкара аэропортында хөрмәтле кунакны Татарстан Республикасы Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, Казан мэры Илсур Метшин каршы алдылар. 

Терлек азыгы әзерләү эшләре һәм республиканың сөтчелек тармагындагы хәлләр турында Татарстан Республикасы Хөкүмәте йортында узган республика киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.  

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.  

Татарстан Республикасында 2019 елның күп фатирлы йортларга капиталь ремонт программасы буенча эшләр 35,6%ка үтәлгән. Барлыгы бу программа кысаларында 42 муниципаль берәмлектә 942 күп фатирлы йорт ремонтланган. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.  

Бүген Татарстан Республикасы Президенты Рөстәм Миңнеханов Уфада эш сәфәрендә булды, анда ул Россия Федерациясе Президентының Идел буе федераль округындагы Тулы вәкаләтле вәкиле каршындагы Совет утырышында катнашты. 

Утырыш экологик темага багышланды. Аерым алганда, каты коммуналь калдыклар белән эш итү һәм Идел елгасын экологик савыктыру мәсьәләләре турында фикер алыштылар.

Бүген «Татнефть» компаниясе үзенең үсешен нефть-газ тармагы өлкәсендәге эре компетенцияләр үзәге һәм тармакның перспектив технологияләрне гамәлгә кертү буенча инновацион полигоны буларак дәвам итә. Бүген бу хакта Татарстан Республикасы Президенты Рөстәм Миңнеханов «Татнефть» ГАҖ акционерларының еллык гомуми җыелышында хәбәр итте. Чара Әлмәттә «Нефтьче» мәдәният сараенда узды. Анда «Татнефть» ГАҖ генераль директоры Наил Маһанов, ТР Президенты ярдәмчесе Ренат Сабиров, нефть сәнәгате тармагында ТР Президенты ярдәмчесе Шәфәгать Тәһәветдинов, республика министрлыклары һәм ведомстволары җитәкчеләре дә катнашты. 

Бүген Казан Кремлендә Татарстан Республикасы  Дәүләт Киңәшчесе, “Яңарыш” республика фондының Попечительлек советы рәисе Минтимер Шәймиев Россия төзүчеләр берлеге президенты, Санкт-Петербургның экс-губернаторы Владимир Яковлев һәм Байкал-Амур магистрален төзү идарәсенең элеккеге башлыгы, Социалистик  Хезмәт Герое Ефим Басин белән очрашты.