Бүген Татарстан Республикасы Президенты Рөстәм Миңнеханов Россия Федерациясе һәм Татарстан Республикасы дәүләт бүләкләрен тапшырды. Тантаналы чара Казан Кремлендә узды. Чара Яз һәм Хезмәт бәйрәменә һәм Җиңү көненә багышланды.

Бүген Татарстан Республикасы Президенты Рөстәм Миңнеханов Италия-Россия сәүдә палатасы президенты, «Делимобиль» каршеринг компаниясенә нигез салучы Винченцо Трани белән очрашты.

Бүген Татарстан Республикасы Президенты Рөстәм Миңнеханов Чаллы һәм Түбән Кама шәһәрләре кырыеннан йөреп чыгу участогында М-7 автоюлын төзү мәсьәләсе буенча эшлекле киңәшмә уздырды.

Бүген Татарстан Республикасы Президенты Рөстәм Миңнеханов Теләче муниципаль районында булды.

Бу районга эш сәфәре барышында Рөстәм Миңнеханов «Агролак» ҖЧҖ эшчәнлеге белән танышты һәм терлек азыгы җитештерү үзәгендә һәм 100 башка исәпләнгән бозаулар фермасында булды.

Рөстәм Миңнехановка язгы кыр эшләренең барышы, минераль ашламалар кертү күләмнәре һәм минераль ашламалар запаслары турында сөйләделәр. Теләче районы хуҗалыкларында кулланыла торган минераль ашламалар күргәзмәсе оештырылды.

Бүген Татарстан Республикасы Президенты Рөстәм Миңнеханов Арча муниципаль районында булды. Сәфәре барышында Президент районның агросәнәгать комплексы вәкилләре белән язгы кыр эшләренең барышы турында фикер алышты. Очрашу Яңа Кырлай авылы янындагы кырда узды.

Бүген Казанда Татарстан Республикасы Президенты Рөстәм Миңнеханов һәм Татарстан Республикасы Дәүләт Киңәшчесе Минтимер Шәймиев бөек татар шагыйре Габдулла Тукай һәйкәленә чәчәкләр салдылар.

Чара Туган тел көненә һәм Габдулла Тукайның тууына 135 ел тулуга багышланган тантана кысаларында узды.

Чәчәкләр салу тантанасында республика җәмәгатьчелеге вәкилләре, Татарстанның мәдәният һәм сәнгать эшлеклеләре, Татарстан Республикасы Дәүләт Советы депутатлары да катнашты.

Хөрмәтле татарстанлылар!

Кадерле милләттәшләр!

Сезне Туган тел көне һәм бөек татар шагыйре Габдулла Тукайның тууына 135 ел тулу уңаеннан чын күңелдән тәбрик итәм!

Дөнья буйлап сибелеп яшәүче татарлар өчен аның гаҗәеп тасвирлы, җанлы шигърияте һәрчак әхлакый маяк, туган телнең сафлыгын һәм тәэсир көчен күрсәтүче гүзәл үрнәк, милли тәңгәллегебезгә бәрәкәтле җирлек булып тора.

Бүген Татарстан Республикасы Президенты Рөстәм Миңнеханов «ЭКОяз 2021» республикакүләм акция кысаларында үткәрелгән өмәдә катнашты.

Быел республика өмәсен үткәрү урыны «Нокса урманы» паркы булды.

ТР Экология һәм табигый байлыклар министрлыгы, Казанның Совет районы администрациясе һәм иҗтимагый берләшмәләр белән берлектә биредә территорияне җыештыру буенча масштаблы акция, шулай ук экологик проектларны тәкъдир итү оештырылды.

Бүген ТР җир һәм мөлкәт мөнәсәбәтләре министры урынбасары Артур Галиев Татарстан Республикасы милкендәге дәүләт һәм муниципаль унитар предприятеләренед агымдагы торышы турында сөйләде.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Татарстанда язгы кыр эшләре актив фазага керде. 780 мең га мәйданда (79%) тукландырылган инде, шулардан 502 мең га (92%) – көзге культуралар, 278 мең га (63%) – күпьеллык үләннәр. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы авыл хуҗалыгы һәм азык-төлек министрының беренче урынбасары Наил Залаков хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.