Татарстан Республикасы Президенты Рөстәм Миңнеханов Татарстандның Нурлат муниципаль районы башлыгы Алмаз Әхмәтшинга бөртекле культуралар уңышын җыюны тәмамлау уңаеннан котлау телеграммасын юллады. 

"Хөрмәтле Алмаз Сәлим улы! Ихластан Сезне һәм Нурлат муниципаль районы игенчеләрен бөртекле культураларны урып-җыюны Татарстанда беренчеләрдән тәмамлавыгыз уңаеннан сәламлим. Бу Нурлат игенчеләренең зур хөрмәткә лаек тырыш хезмәтләре нәтиҗәсе, һәркемнең югары һөнәри осталыгы һәм уртак хезмәткә өлеш кертергә омтылуы күрсәткече.

Сезнең барыгызны да намуслы хезмәтегез, туган илгә тугрылык үрнәге һәм куелган максатка ирешүдә ныклык күрсәткәнегез өчен рәхмәт белдерәм. Ныклы сәламәтлек, бәхет һәм яңа хезмәт җиңүләре теләп калам», - диелә телеграммада.

Шулай ук котлау телеграммалары Зәй, Кайбыч, Апас муниципаль районнарына да юлланды. 

Бүген Татарстан Республикасы Премьер-министры Алексей Песошин Казахстан Республикасының Казандагы генераль консулы Жанболат Мурзалин белән очрашты.

Татарстан Республикасында күп фатирлы йортларның ишегалларын төзекләндерү буенча республика программасы башланды. Инвентаризация нәтиҗәләре буенча Татарстанда күп фатирлы йортларда барлыгы 8861 ишегалды бар. Өч ел эчендә аларны тәртипкә китерү ниятләнә. Бу максаттан “Безнең ишегалды” программасы гамәлгә керә. Бу хакта Татарстан Хөкүмәте йортында узган  брифингта ТР төзелеш, архитектура һәм ТКХ министры Ирек Фәйзуллин сөйләде.

Бүген Казанның “Корстон” кунакханә-сәүдә-күңел ачу комплексында Россия Тау һәм сәнәгать күзәтчелегенең 300 еллыгына һәм Ростехнадзорның Идел буе идарәсенең 65 еллыгына багышланган тантаналы чара узды. Тантанада Татарстан Республикасы Премьер-министры Алексей Песошин катнашты.

Бүген Татарстан Республикасы Президенты видеоконференцэлемтә режимында Россия Премьер-министры Дмитрий Медведев үткәргән селекторлы киңәшмәдә катнашты. Киңәшмә «Мәгариф» илкүләм проекты кысаларында мәгариф объектларын төзүгә багышланган иде.  

Бүген Татарстан Республикасы Президенты Рөстәм Миңнеханов Беларусь Республикасының Россия Федерациясендә Гадәттән тыш һәм Тулы вәкаләтле Илчесе Владимир Семашко белән очрашты. 

Очрашу Казан Кремлендә узды. 

Рөстәм Миңнеханов илчегә Татарстан нефть-газ форумында катнашуы өчен рәхмәт белдерде. 

Гомумән, Рөстәм Миңнеханов Беларуьның Россиядәге илчелегенә Татарстан-Беларусь хезмәттәшлеген үстерүдәге эше һәм Татарстан делегациясенең сентябрь аенда Беларуська визитын әзерләүләре өчен рәхмәт сүзләрен җиткерде. 

"Беларусь Республикасы - Татарстанның алдынгы чит ил пратнеры", - диде Рөстәм Миңнеханов. 

Бүген Татарстан Республикасы Президенты Рөстәм Миңнеханов «Кристаллик фундаментның углеводород һәм минераль-чимал потенциалы» халыкара фәнни-техник конференциясендә катнашучыларга сәламләү сүзе белән мөрәҗәгать итте.  

Конференция Татарстанның нефть-газ химиясе форумы кысаларында «Казан ярминкәсе» ХКҮдә узды.

Бүген Татарстанның нефть-газ химиясе форумында Татарстан Республикасы Президенты Рөстәм Миңнеханов «Нефть, газ. Нефть химиясе», «GEO-КАЗАН: Геологоразведка. Геодезия. Картография», «Интерпластика Казан 2019» күргәзмәләрендәге иң яхшы экспонатлар, проектлар һәм техник хәл ителешләр өчен премияләр тапшырды. Биш төп бүләкнең өчесен «Татнефть» ГАҖ алды.

Бүген Татарстан Премьер-министры Алексей Песошин Казанның “Весна” торак комплексында күп профильле 185нче лицей ачылышы тантанасында катнашты.

Татарстан Премьер-министры барысын да бәйрәм белән – Белем көне һәм яңа уку елы башлану белән котлады.

Бүген Татарстан Республикасы Президенты Рөстәм Миңнеханов Татарстанның нефть-газ химиясе форумында катнашты.

Чара «Казан Ярминкәсе» КҮ территориясендә уза. Татарстанның нефть-газ химиясе форумында Россиянең 31 төбәгеннән һәм 23 чит илдән 180 әйдәүче тармак компаниясе һәм предприятиесе катнаша.

Форумны оештыручылар – Татарстан Республикасы Хөкүмәте, «Казан ярминкәсе» ААҖ. Форум Татарстан Республикасы Президенты ярдәмендә уздырыла.   

Форум кысаларында «Нефть, газ. Нефть химиясе» 26 нчы халыкара махсуслаштырылган күргәзмәсе, «GEO-КАЗАН: Геологоразведка. Геодезия. Картография» 9 нчы махсуслаштырылган күргәзмәсе, «Интерпластика Казан» 5 нче халыкара махсуслаштырылган күргәзмәсе уза, түбәндәге актуаль темалар буенча 17 эшлекле чара булачак: халыкара һәм бөтенроссия конференциясе, түгәрәк өстәлләр, семинарлар, панель дискуссияләре, презентацияләр һәм мэтчмейкинг (matchmaking) принцибы буенча оештырылган Татарстан Республикасы нефть-газ һәм химия предприятиеләренең баш технологларының, механикларының һәм энергетиковларының бизнес-очрашулары һәм башкалар.