Бүген Татарстан Республикасы Президенты Рөстәм Миңнеханов Казаның төзелеп килүче берничә объектында булды. Аны Татарстан Премьер-министры Алексей Песошин, РФ төзелеш һәм торак-коммуналь хуҗалык министрының беренче урынбасары Ирек Фәйзуллин, ТР Президенты Аппараты җитәкчесе Әсгать Сәфәров, ТР тзелеш, архитектура һәм ТКХ министры Фәрит Хәнифов, Казан мэры Илсур Метшин һәм башка рәсми затлар озата йөрде.

Югары белем программалары буенча укучылар өчен «Татарстан Республикасы Ел студенты-2019» XV республика премиясе конкурсы финалы бүген «Пирамида» КККда (Казан) узды.

Чарада Татарстан Республикасы Президенты Рөстәм Миңнеханов катнашты.

Татарстан Республикасы Президенты Рөстәм Миңнеханов бүген Казанда В.Г.Тимирясов ис. Казан инновацион университетының (КИУ) яңа кампусында булды.   

Объект 2018 елның августында төзелә башлаган. Интерьер хәл ителешләрен университет студентлары үзләре эшләгән. Яңа корпуста студентлар өчен тулай торак, «ТАССРның 100 еллыгы» коворкинг-үзәге, аудиторияләр, спортзал һәм конференц-зал урнашкан.  

Килүгә үк Рөстәм Миңнеханов өчен экскурсия уздырдылар.

Бүген Татарстан Республикасы Президенты Рөстәм Миңнеханов җир тетрәүдән кешеләр үлү сәбәпле Төркия Президенты Рәҗәп Тайип Эрдоганга кайгы уртаклашу телеграммасы юллады.

"Төркия Республикасының Элязыг һәм Малатья провинцияләрендә җир тетрәү нәтиҗәсендә кешеләрнең үлеме турындагы хәбәрне татарстанлылар әрнеп һәм чын күңелдән кайгырып кабул итте", диелә телеграммада.

Бүген Татарстан Республикасы Хөкүмәте Йортында муниципаль берәмлекләр арасында иң яхшы Яңа ел бизәлеше конкурсына нәтиҗәләр чыгарылды. 

Чара республика киңәшмәсе кысаларында узды, аны Татарстан Республикасы Президенты Рөстәм Миңнеханов үткәрде. 

ТР Иҗтимагый палатасы рәисе Зилә Вәлиева искәрткәнчә, республика конкурсы җиденче ел рәттән уздырыла. Муниципаль берәмлекләр тырышлыгын бәяләү өчен махсус эш төркеме төзелә, алар бизәлешне үзләре барып карый. 

Конкурс 2019 елның 25 декабереннән 2020 елның 25 гыйнварына кадәр уздырылды. Быел конкурста алты номинация. 

Язгы чәчү кампаниясенә әзерләнү барышы турында бүген ТР Хөкүмәте Йортында узган республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Җәббаров хәбәр итте. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.   

Марат Җәббаров хәбәр иткәнчә, республикада чәчүлекләр мәйданнары узган елдагы кебек була - 2,8 млн гектар, ләкин структурасы үзгәрәчәк. 

Бүген Татарстан Республикасы Президенты Рөстәм Миңнеханов республиканың Террорчылыкка каршы комиссиясенең чираттагы утырышын уздырды.

Утырыш Татарстан Республикасы Хөкүмәте йортында узды. 

Бүген Татарстан Республикасы Хөкүмәте йортында узган республика киңәшмәсендә Татарстан Республикасы Президенты Рөстәм Миңнеханов яңа Татарстан Республикасы төзелеш, архитектура һәм ТКХ министрын тәкъдим итте.  

Татарстан Республикасы Төзелеш министрлыгы башлыгы итеп Фәрит Мөдәррис улы Хәнифов билгеләп куелды, моңарчы ул Татарстан Республикасы «Главгосэкспертиза России» ФАУның Казан филиалын җитәкләгән.

Татарстан Республикасында 2020 елның 25 гыйнварына 149,2 мең кв. м торак файдалануга тапшырылган, бу еллык планның 5%ы. Бу хакта бүген Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин (хәзер – Россия Федерациясе төзелеш министрының беренче урынбасары) хәбәр итте.

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.   

Татарстанның медицина оешмалары 2019 елда алга куелган бурычларны уңышлы үтәделәр. Бу хакта бүген Татарстан Республикасы Премьер-министры Алексей Песошин  Сәламәтлек саклау министрлыгының коллегия утырышында хәбәр итте.