Татарстан Премьер-министры вазифаларын вакытлыча башкаручы Рөстәм Нигъмәтуллин көннең икенче яртысында Бөгелмә районында булды.

Төп максаты – Бөгелмә районының 2019 елдагы социаль-икътисади үсеш нәтиҗәләренә һәм 2020 елга куелган бурычларга багышланган район Советы утырышында катнашу.

Сбербанк - Татарстанның әһәмиятле стратегик партнеры. Бу хакта бүген Татарстан Республикасы Президенты Рөстәм Миңнеханов Сбербанкның еллык бизнес-конференциясендә белдерде. Чара "Казан Экспо" халыкара күргәзмә үзәгендә узды. Конференциядә шулай ук Сбербанк президенты, идарәсе рәисе Герман Греф катнашты. 

Татарстан Премьер-министры вазифаларын вакытлыча башкаручы Рөстәм Нигъмәтуллин Лениногорск районында булды.

Ул анда Лениногорск политехника көллияте эшчәнлеге белән танышты, “Остаханәләрне WorldSkills халыкара стандартларга туры китереп җиһазлау” федераль гранты хисабына җиһазландырылган остаханәләрне карады.

Бүген "Казан Экспо" үзәгендә Татарстан Республикасының инновацион эшләнмәләре күргәзмәсе тәкъдим ителде. Экспозицияне Татарстан Республикасы Президенты Рөстәм Миңнеханов һәм Сбербанк президенты, идарәсе рәисе Герман Греф карадылар. 

Бүген Казанга эш визиты белән Сбербанк президенты, идарәсе рәисе Герман Греф килде. "Казан" халыкара аэропортында аны Татарстан Республикасы Президенты Рөстәм Миңнеханов каршы алды. 

Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында Россия Федерациясе Спорт министры Олег Матыцин белән очрашты.

Рөстәм Миңнеханов Олег Матыцинны Россия Федерациясе Спорт министры вазыйфасына билгеләп куелуы белән котлады һәм, профессионализмы, белемнәре һәм тәҗрибәсе аңа спорт тармагын үстерүдә зур нәтиҗәләргә ирешергә ярдәм итәр, дип ышаныч белдерде.  

Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында Федераль алкоголь базарын җайга салу хезмәте җитәкчесе Игорь Алёшин белән очрашты.  

Очрашуда яклар алкоголь базарын җайга салу мәсьәләләре турында фикер алыштылар.

Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов композитор Игорь Крутой белән очрашты. 

Әңгәмәнең төп темасы – булачак «Новая волна» фестивале. Популяр музыканы яшь башкаручылар еллык халыкара конкурсының жюрие рәисе һәм продюсеры Игорь Крутой булачак, фестиваль 2020 елда Казанда узачак. Музыка бәйрәме ТАССРның 100 еллыгын бәйрәм итүгә багышланачак. 

Бүген Мәскәүдә Татарстан Республикасы Президенты Рөстәм Миңнеханов  РФС президенты Александр Дюков белән очрашты. Әңгәмә барышында республикада футбол үсеше перспективалары,сәламәт яшәү рәвешенә ярдәм күрсәтү һәм аны популярлаштыру чаралары турында фикер алыштылар. 

Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов Россия Федерациясе Премьер-министры урынбасары Марат Хөснуллин белән очрашты.