Бүген Татарстан Республикасының хөкүмәт башлыгы Рөстәм Миңнеханов, Сингапурда булудан файдаланып, әлеге илнең милли үсеш министры Ма Боу Тан әфәнде белән очрашу үткәрде.
Очрашуда шулай ук Татарстан Президенты аппараты җитәкчесе Юрий Камалтынов, Татарстанның икътисад министры Марат Сафиуллин, “Россия тимер юллары” ААҖ президенты Владимир Якунин катнашты.

Бүген Сингапурда Татарстан Республикасы Хөкүмәте һәм Сингапурның Дәүләт хезмәте колледжы (Civil Service College Singapore) арасында үзара ярдәм итешеп эшләү һәм хезмәттәшлек итү турындагы Килешүгә кул куелды.
Документка Татарстан Премьер-министры Рөстәм Миңнеханов һәм Сингапурның Дәүләт хезмәте колледжы вәкиле Лим Су Хун (Lim Soo Hoon) ханым имза куйды.

Бүген, 28 нче сентябрьдә, Татарстан Республикасы Премьер-министры Рөстәм Миңнеханов Сингапурга визиты барышында берничә очрашу үткәрде.
Шуны искәртик: Рөстәм Миңнеханов җитәкчелегендәге Татарстан Республикасы делегациясе дүртенче Россия-Сингапур эшлекле форумы (2009 елның 27 нче – 29 нчы сентябре) эшендә катнаша.
Иртән IDA International компаниясе (Сингапур) офисында Россия Хөкүмәте Рәисенең беренче урынбасары Игорь Шувалов, Татарстан Премьер-министры Рөстәм Миңнеханов, Татарстан Президенты аппараты җитәкчесе Юрий Камалтынов, Татарстан Республикасының икътисад министры Марат Сафиуллин, Татарстан Республикасының Мәгълүмати технологияләр үзәге генераль директоры Николай Никифоров катнашында e-Government Singapore (Сингапурның Электрон Хөкүмәте) проекты тәкъдир ителде.

Бүген Татарстан Республикасы Премьер-министры Сингапурда Россия-Сингапур эшлекле форумы (Russia Singapore Business Forum) эшендә катнаша.
Татарстан Республикасы делегациясенә шулай ук Татарстан Республикасының икътисад министры Марат Сафиуллин, Татарстан Республикасы Министрлар Кабинеты каршындагы Мәгълүмати технологияләр үзәге генераль директоры Николай Никифоров һ.б. кергән.
Хәзерге Россия-Сингапур эшлекле форумы (2009 елның 27 нче – 29 нчы сентябре) – дүртенчесе.

Бүген Казан районнарында авыл хуҗалыгы ярминкәләре уза. Аларның өчесендә – Мәскәү һәм Чехов базарлары территориясендә һәм Идел буе районында - иртән Татарстан Республикасы Премьер-министры Рөстәм Миңнеханов булды.

Бүген Татарстан Премьер-министры Рөстәм Миңнеханов Түбән Камада “Татнефть” ААҖ Директорлар советының күчмә утырышын үткәрде.
Утырыш алдыннан анда катнашучылар өч мәйданчыкта булдылар. Аларда компания Россия масштабларында иң зурлардан саналган проектларын тормышка ашыра. Болар – “ТАНЕКО”, авыр йөк машиналары һәм автобуслар өчен тоташ металлокордлы шиннар җитештерү заводы, “Нижнекамскшина” ның “Кама-Евро” радиаль җиңел автомобиль покрышкалары җитештерү цехлары.

Татарстанда зур күләмдә капиталь ремонт үткәрелүгә карамастан, республикада бу мәсьәлә актуаль булып кала. Бүген Министрлар Кабинетында узган традицион киңәшмәдә бу турыда Татарстан Республикасы Премьер-министры Рөстәм Миңнеханов әйтте.
Капиталь ремонтның үтәлеше турындагы доклад белән Татарстан Республикасының Дәүләт торак инспекциясе башлыгы Сергей Крайнов чыгыш ясады. Ул китергән мәгълүматларга караганда, 44 муниципаль берәмлектән 34 е капремонт эшләрен төгәлләгән. 114 йортта эшләр тәмамланмаган. Шул ук вакытта торак инспекциясе тарафыннан программаның соңгы вариантындагы 2403 йортның 1675 енә караган актларга кул куелган.

Без Татарстан Республикасыннан Россиянең ИТ-индустрия лидерын ясарга телибез. Бүген Казан Ратушасында икенче Россия Технология Турында катнашучылар алдында чыгыш ясаганда, Татарстан Премьер-министры Рөстәм Миңнеханов шулай диде.
Шуны искәртик: Казан бу атнада Технология Турында катнашучылар барачак өч Россия шәһәре исемлегенә кертелгән (Мәскәү – 22 нче сентябрьдә, Казан – 24 нче сентябрьдә, Томск – 25 нче сентябрьдә).
Әлеге чара “ТехТур” Европа Ассоциациясе (ЕТТ - European Tech Tour Association) тарафыннан оештырылган, Россиядә ул икенче тапкыр үткәрелә, Европаның төрле илләрендә барлыгы 30 дан артык техник тур булган.

Бүген Татарстан Республикасы Премьер-министры Рөстәм Миңнеханов Татарстан Республикасының Хөкүмәт йортында “Туполев” ААҖ нең яңа президенты Александр Бобрышев һәм генераль конструкторы Игорь Шевчукны кабул итте.

Бүген Татарстан Республикасы Премьер-министры Рөстәм Миңнеханов “Россия – спорт державасы” Бөтенроссия спорт форумының оештыру комитеты утырышында катнашты.
Утырыш Мәскәүдә узды, аны Россия Хөкүмәте вице-премьеры Александр Жуков үткәрде.
Александр Жуков билгеләп үткәнчә, “Россия – спорт державасы” форумын ел саен үткәрү турындагы карар Россиядә спортның зур үсеш алуы, сәламәт яшәү рәвешен пропагандалау, балалар һәм яшьләр спортын үстерүгә бәйле.