2009 елның 10 аенда Татарстан Республикасында барлык дәрәҗәдәге бюджетларга, бердәм социаль салымны исәпкә алып, 168 млрд сум, ягъни, узган елның шул ук чоры белән чагыштырганда, 33 процентка кимрәк акча кергән. Бүген Татарстан Республикасы Министрлар Кабинетында узган брифингта бу турыда Россия Федераль салым хезмәтенең Татарстан Республикасындагы идарәсе җитәкчесе Марат Сафиуллин әйтте.

Бүген Татарстан Республикасы Министрлар Кабинетының Президиум әгъзалары Татарстан Республикасында инновацияләр сәясәтен үстерүнең беренчел чаралары турында фикер алыштылар. Утырышны Татарстан Республикасы Премьер-министры Рөстәм Миңнеханов үткәрде.
Төп доклад белән Татарстан Республикасының икътисад министры Марат Сафиуллин чыгыш ясады. Ул, нигездә, Татарстан белән чагыштырып, федерациядәге башка субъектларның инновацион эшчәнлегенә анализ ясау турында сөйләде.

Татарстан Республикасы һәм “Россия венчур компаниясе” (РВК) ААҖ инновация проектларын финанслау өлкәсендә хезмәттәшлек итәргә тели. Бүген Татарстан Республикасы Премьер-министры Рөстәм Миңнехановның Россия венчур компаниясе генераль директоры Игорь Агамирҗан белән очрашуы вакытында шул турыда сүз барды.
Очрашуда Татарстан Республикасы Инвестиция-венчур фондының генераль директоры Айнур Айделдинов та катнашты.

"Россия нанотехнологияләр корпорациясе" дәүләт корпорациясе һәм Татарстан Республикасы арасында төзелгән Нанотехнологияләр һәм наноиндустрияне үстерү өлкәсендә хезмәттәшлек итү турындагы килешүне гамәлгә ашыру Координация Советы 2015 елга кадәрге чорга Татарстан Республикасы наноиндустриясен проектлы үстерү комплекслы программасын хуплады.
Координация Советының киңәйтелгән утырышы бүген Татарстан Республикасы Министрлар Кабинеты бинасында узды. Анда 140 тан артык кеше катнашты.
Утырышта Татарстан Республикасы Премьер-министры Рөстәм Миңнеханов, “Роснано” дәүләт корпорациясе генераль директорының урынбасары Андрей Свинаренко да бар иде.

Бүген Татарстан Республикасының хөкүмәт башлыгы Рөстәм Миңнеханов Татарстан Республикасы Министрлар Кабинетында Case New Holland (“Нью Холланд”) компаниясе җитәкчелеге белән очрашты. Анда “КАМАЗ” ААҖ мәйданчыкларында авыл хуҗалыгы һәм төзелеш техникасы җитештерү проектын тормышка ашыруда хезмәттәшлек итү турында сүз барды.

Бүген Татарстан Республикасы Премьер-министры Рөстәм Миңнеханов Бөтенроссия сыйфат буенча форум катнашучыларын сәламләде.
Шуны әйтеп үтәбез: форум 18 нче ноябреннән алып 20 нче ноябрьгә кадәр Татарстан Республикасы каласы – Казанда (“Корстон” кунакханә күңел ачу комплексы) “Иң яхшы тәҗрибә - иң яхшы тормыш өчен” девизы астында үтә. Чара Бөтендөнья сыйфат көненә һәм Европа сыйфат атналыгына багышланган.

Бүген Татарстан Республикасы Премьер-министры Рөстәм Миңнеханов коллективка Дәүләт теркәве, кадастр һәм картография федераль хезмәтенең Татарстан Республикасы буенча территориаль органы җитәкчесен тәкъдим итте. Росреестр Приказы буенча Татарстан Республикасының баш теркәүчесе булып Азат Җаббаров билгеләнде.

Бүген Татарстан Республикасы Премьер-министры Рөстәм Миңнеханов Mitsubishi Heavy Industries һәм Sojitz Corporation япон компанияләре җитәкчелеге белән очрашты. Очрашу Татарстан Республикасының Тулы хокуклы Вәкиллеге бинасында узды.
Тышкы икътисади эшләр буенча Татарстан Республикасы Премьер-министры ярдәмчесе Искәндәр Мөфлиханов хәбәр иткәнчә, сүз Менделеевскта аммиак, метанол һәм карбамид җитештерү буенча комплекс (“Аммоний“ ААҖ) төзү проектын тормышка ашыру турында барды.

Татарстан Республикасында яшәүчеләрнең ихтыяҗларын канәгатьләндерү һәм грипптан саклану максатыннан, вируска каршы тору битлекләрен Татарстанда җитештерә башлаячаклар. Хәзер битлекләр җитәрлек күләмдә җитештерелмәү сәбәпле, шундый карар кабул ителгән.
Бүген Татарстан Республикасы Министрлар Кабинетында узган брифингта бу турыда Татарстан Республикасы сәламәтлек саклау министрының урынбасары Фәридә Яркәева хәбәр итте. Аның сүзләренә караганда, битлекләр җитештерү өчен, спанбонд дигән тукылмаган материал кулланылачак. Шул ук вакытта якын арада (18 нче ноябрьдән 1 нче декабрьгә кадәр) республикага якынча 7 млн битлек кайтыр дип көтелә.

Кичә, 16 нчы ноябрьдә, Татарстан Республикасы Министрлар Кабинетында Премьер-министрның беренче урынбасары Борис Павлов җитәкчелегендә узган киңәшмәдә “Россия нанотехнологияләр корпорациясе” дәүләт корпорациясе һәм Татарстан Республикасы арасында нанотехнологияләр һәм наноиндустрияне үстерү өлкәсендә хезмәттәшлек итү турында төзелгән Килешүне гамәлгә ашыру Координация Советының киңәйтелгән утырышына әзерлек турында фикер алыштылар.
Шуны искәртик: Координация Советының киңәйтелгән утырышында (20 нче ноябрьдә булачак) 2009-2013 елларга һәм 2015 елга кадәрге чорга Татарстан Республикасы наноиндустриясен проектлы үстерү комплекслы программасын раслау күздә тотыла.