«Мин 2016 ел йомгаклары буенча «ТАИФ» компанияләр төркеме эшчәнлеген уңай бәялим. Бу – тырыш хезмәт, хезмәткәрләргә, үзеңә, компанияләр төркеме предприятиеләре җитәкчелегенә югары таләпчәнлек нәтиҗәсе. Мин беләм, «ТАИФ» компанияләр төркеменә керүче предприятеләр, бу – «Нижнекамскнефтехим» да, «Казаньоргсинтез» да директоратының бары тик командада эшләве генә мондый нәтиҗәләргә китерә алды». Бүген бу хакта Татарстан Республикасы Президенты Рөстәм Миңнеханов «ТАИФ» ААҖ акционерларының гомуми җыелышыннан соң уздырылган йомгаклау матбугат конференциясендә хәбәр итте.

Бүген Казанда «ТАИФ» ААҖ акционерларының еллык гомуми җыелышы узды. Чарада Татарстан Республикасы Президенты Рөстәм Миңнеханов катнашты. 

"ТАИФ" компанияләр төркеменең һәм "ТАИФ" ААҖнең 2016 елдагы эшчәнлеге нәтиҗәләре турында нотык белән "ТАИФ" ААҖ генераль директоры Альберт Шиһабетдинов чыгыш ясады. Ул билгеләп үткәнчә, үткән ел компанияләр төркеме өчен җиңел булмады һәм икътисадый тотрыксызлык һәм дәвам итүче кризис шартларында билгеләнгән  бурычларны хәл итү өчен күп көч куярга туры килде. 

2016 ел йомгаклары буенча ТАИФ компанияләр төркеме сальдолы керем алды, моңа 626 млрд сум күләмендәге чит салымнар да керә.

Сальдолы килер 539 млрд сум тәшкил итте, EBITDA - 133 млрд сум.

Татарстан Президенты Рөстәм Миңнеханов тарафыннан тәкъдим ителгән Премьер-министр кандидатурасын республика парламенты депутатлары хуплады һәм раслады. Республикада Премьер-министр вазифасын Алексей Песошин башкарачак.

“Бик күп юнәлешләр буенча зур бурычлар куела һәм икътисадның, һәр кешенең тормыш дәрәҗәсен үстерү өчен бик җитди эш башкару таләп ителә. Нәкъ шулай эшләү генә Татарстанны иң алдынгы төбәкләрнең берсе итәчәк, – диде Алексей Песошин. – Әле күптән түгел генә бу залда республиканың башкарма хакимият органнары эшчәнлеге хисабын тыңладык. Безнең барыбыз да нинди шартларда һәм нинди таләпләр белән очрашканыбызны яхшы белә”.

Бүген бишенче чакырылыш Татарстан Республикасы Дәүләт Советының егерме җиденче утырышында Татарстан Республикасы Премьер-министры вазифасына Алексей Песошин кандидатурасын расладылар. 

Депутатлар әлеге мәсьәлә буенча ачык тавыш бирү яклы икәнлекләрен белдерделәр. 

Алексей Песошин кандидатурасы өчен 87 депутат, каршы һәм тыелып калдылар - берәр кеше.

Татарстан Республикасы Президенты Рөстәм Миңнеханов бишенче чакырылыш Татарстан Республикасы Дәүләт Советының егерме җиденче утырышында катнаша. 

Сессия эшендә ТР Премьер-министры вазифаларын башкаручы Алексей Песошин, ТР Дәүләт Киңәшчесе Минтимер Шәймиев, ТР Хөкүмәте вәкилләре һәм башкалар катнаша. 

Утырышны ТР Дәүләт Советы Рәисе Фәрит Мөхәммәтшин уздыра. 

Бүген Татарстан Республикасы Президенты Рөстәм Миңнеханов VII Татарстан Мөселманнары корылтаенда катнашучыларга сәламләү сүзе белән мөрәҗәгать итте .

Чара Казанда «Корстон» КСККда узды.

Съездда бөтен республикадан 1200нән артык имам, республика министрлыклары һәм ведомстволары җитәкчеләре, муниципаль берәмлекләр башлыклары катнашты. 

Бүген Татарстан Республикасы Президенты Рөстәм Миңнеханов Казандагы берничә эре тузелеш объектларындагы эш барышын тикшерде. Аны ТР Премьер-министры вазифаларын башкаручы Алексей Песошин, ТР Премьер-министры урынбасары - мәгълүматлаштыру һәм элемтә министры Роман Шәйхетдинов, ТР төзелеш, архитектура һәм ТКХ министры Ирек Фәйзуллин, ТР транспорт һәм юл хуҗалыгы министры Ленар Сафин, Казан мэры Илсур Метшин һәм башкалар озата йөрде. 

Татарстан Республикасы Президенты Рөстәм Миңнеханов "Динамо-Казан" хатын-кызлар волейбол командасын Европа волейбол конфедерацияләре (ЕКВ) кубогы ярышларында җиңүләре белән котлады. Шимбә, 2017 елның 15 апрелендә, Казан спортчы хатын-кызлары Италиянең "Бусто Арсицио" клубын финалда ике матч нәтиҗәсендә җиңделәр.

Православие динендәге хөрмәтле ватандашлар!

Сезне Бөек пост тәмамлану һәм Христосның Яңадан туу бәйрәме уңаеннан чын йөрәктән тәбрик итәм.

Православие динен тотучылар зурлап, бәйрәм ризыклары әзерләп кабат Пасханы билгеләп үтәләр.

Христосның яңадан тууы – рухи яңарышны, игелекле эшләр кылу шатлыгын чагылдыручы  якты бәйрәм, ул якыннарыңа җан җылыңны кызганмаска, тирә-юньдәгеләр белән тыныч һәм матур яшәргә,  туган йортыбыз турында һәрчак кайгыртырга өнди. Мәшһүр рус  шагыйре Сергей Бехтерев үз вакытында: «Бүген Христос яңадан туган көн. Ишетелә һәркайда гүзәл бер өн: бүген һәркем һәм һәр ни кичерелсен, кайгы, үпкәләр юклыкка күчерелсен!» – дип язган иде.

Татарстан Республикасында якындагы көннәрдә язгы кыр эшләре  башланачак. Иң беренче чиратта уҗымнар һәм күпьеллык үләннәр ашланачак. Буа, Зәй, Апас, Әлки, Сарман, Яңа Чишмә, Мөслим муниципаль  районнары басуларында бу эшкә керештеләр инде.

Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры вазыйфаларын башкаручы Алексей Песошин да катнашты.