Бүген Петербург халыкара икътисадый форум кысаларында «ТАИФ» ААҖ генераль директоры Альберт Шиһабетдинов һәм Linde AG компаниясе идарәсе әгъзасы Кристиан Брух «ТАИФ» ДК һәм Linde төркеме арасында стратегик хезмәттәшлек турында меморандум имзаладылар. Имза салу тантанасы Татарстан Республикасы Президенты Рөстәм Миңнеханов һәм Бавария Премьер-министры Хорст Зеехофер барында узды. 

Бүген «Алабуга» МИЗның эшлекле төшке ашы кысаларында Петербург халыкара форумы мәйданчыгында Татарстан Республикасы белән «Росатом» атом энергиясе дәүләт корпорациясе арасында «Алабуга» махсус икътисадый зонасы территориясендә ПАН-прекурсор җитештерү заводы төзү инвестицион проектын гамәлгә ашыру турында килешү имзаланды.

Килешүгә Татарстан Республикасы Президенты Рөстәм Миңнеханов һәм  «Росатом» дәүләт корпорациясе генераль директоры Алексей Лихачев кул куйды.

Тантанада "Алабуга" СҖТ МИЗ" ААҖ генераль директоры Тимур Шаһивәлиев та катнашты.

Татарстан Республикасы Хөкүмәте йортында бүген 2017 елның май ае нәтиҗәләре буенча ТРның “Халык контроле” дәүләт мәгълүмат системасы эшчәнлеге мәсьәләләренә караган киңәшмә булды.

Киңәшмәне барлык муниципаль  берәмлекләр белән видеоконференцэлемтә режимында Татарстан Республикасы Премьер-министры Алексей Песошин уздырды.

Бу чарада ТР Президенты Аппараты җитәкчесе Әсгать Сәфәров катнашты.

Татарстан Республикасы Россия Федерациясе субъектлары арасында инвестицион климат торышының илкүләм рейтингында лидер дип танылды. Рейтинг йомгакларын бүген XXI Петербург халыкара икътисадый форумы  кысаларында хәбәр иттеләр. 

Чарада Татарстан Республикасы Президенты Рөстәм Миңнеханов катнашты.  

Бүген Татарстан Республикасы Президенты Рөстәм Миңнеханов Санкт-Петербургта эшен дәвам итте. XXI Петербург халыкара икътисадый форумының икенче көне гадәттзгечә Саклык банкының эшлекле иртәнге ашыннан башланды. Очрашуның төп темасы - 2018 ел май аеннан соң ни көтәргә? - 2018 елдагы президент сайлауларыннан соң Россиядә үсеш мөмкинлекләре турында сүз барды. 

Бүген Татарстан Республикасы Президенты Рөстәм Миңнеханов Philips компаниясенең Россиядәге генераль директоры Арман Воскерчан белән очрашты.

Петербург халыкара икътисадый форумы киңлекләрендә узган очрашуда яклар сәламәтлек саклау өлкәсендә уртак проектларны гамәлгә ашыру мәсьәләләрен карадылар.

Бүген Татарстан белән Көньяк Осетия арасында үзара багланышларны үстерү өчен яхшы потенциал бар. Бу хакта Татарстан Республикасы Президенты Рөстәм Миңнеханов Көньяк Осетия Президенты Анатолий Бибилов белән очрашуда хәбәр итте.

Очрашу Петербург халыкара икътисадый форумы киңлекләрендә узды. 

Татарстан Министрлар Кабинетында "Созвездие – Йолдызлык" 16 нчы ачык республика телевизион яшьләр фестиваленең эстрада сәнгате бәйгесе җиңүчеләренә махсус дәүләт стипендияләрен тапшыру тантанасы узды.

Стипендиатларны Татарстан Республикасы Премьер-министры урынбасары Васыйл Шәйхразиев котлады.

Бүген Петербург икътисадый форум киңлекләрендә Татарстан Республикасы Президенты Рөстәм Миңнеханов һәм "Илкүләм компьютер корпорациясе" ИТ-холдингы президенты Александр Калинин хезмәттәшлек турында килешү имзаладылар. Әлеге документта "Ма-3" ERP-системасын эшләү, гамәлгә кертү һәм куллануда ярдәм күрсәтү үзәген ачуны һәм Иннополиста мәгълүматларны эшкәртү үзәген ачу карала. 

Бүген Петербург халыкара икътисадый форумында Татарстан Республикасы белән Диңгез һәм елга транспорты федераль агентлыгы арасында ниятләр турында килешү имзаланды. Документка имзаларын Татарстан Республикасы Президенты Рөстәм Миңнеханов һәм РФ транспорт министры урынбасары - Диңгез һәм елга транспорты федераль агентлыгы җитәкчесе Виктор Олерский куйдылар.