Бүген Казанда Россия Федерациясе Гражданнар оборонасы, гадәттән тыш хәлләр һәм табигый бәла-казалар нәтиҗәләрен бетерү министры Владимир Пучков “Казаноргсинтез” ГАҖ цехында булды.

Россия ГХМ башлыгы җитештерү цехларын карады, предприятиенең кайбер технологик процесслары белән танышты.

Татарстан Республикасы Президенты Рөстәм Миңнеханов Стратегик үсеш һәм өстенлекле проектлар буенча Россия Федерациясе Президенты каршындагы Совет президиумы утырышында катнашты. 

Чараны бөтен регионнар белән видеоконференцэлемтә аша Россия Федерациясе Хөкүмәте Рәисе дмитрий Медведев уздырды. 

Татарстан ягыннан ТР Президенты ярдәмчесе Альберт Нәфигыйн, ТР Президенты ярдәмчесе Наталия Фишман, ТР транспорт һәм юл хуҗалыгы министры Ленар Сафин, ТР буенча ЭЭМ вазифаларын башкаручы Рафаил Гылманов, ТР төзелеш, архитектура һәм ТРКХ министрының беренче урынбасары Алексей Фролов, ТР Министрлар Кабинеты Аппаратының Төзелеш, транспорт, торак-коммуналь һәм юл хуҗалыгы идарәсе башлыгы Илдар Сибгатуллин катнаштылар. 

Владимир Пучков: 2017 елгы Конфедерацияләр Кубогы матчлары узачак барлык федерация субъектларында зур әзерлек эше башкарылган һәм бу матчлар узачак барлык объектлар да, шулай ук асылда барлык  инфраструктура да, әзер дияргә мөмкинлек бирә.

Бүген бу хакта Россия Федерациясе Гражданнар оборонасы, гадәттән тыш хәлләр һәм табигый бәла-казалар нәтиҗәләрен бетерү министры Владимир Пучков журналистларга Казанның «Казан-Арена» стадионында хәбәр итте. 

Аның сүзләренчә, «аерым контрольдә булган проблемалы мәсьәләләр дә бар».

Бүген Гадәттән тыш хәлләр һәм табигый бәла-казаларны кисәтү, бетерү һәм янгын куркынычсызлыгын тәэмин итү буенча хөкүмәт комиссиясесенең күчмә утырышын Россия Федерациясе Гражданнар оборонасы, гадәттән тыш хәлләр һәм табигый бәла-казалар нәтиҗәләрен бетерү министры Владимир Пучков уздырды. 

Утырыш "Казан-Арена" стадионы территориясендә узды. 

Чара Россия Федерациясенең башка субъектлары белән видеоконференцэлемтә режимында үтте. 

Утырышта Татарстан Республикасы Президенты Рөстәм Миңнеханов, ТР Премьер-министры Алексей Песошин, Татарстан Республикасы гражданнар оборонасы һәм гадәттән тыш хәлләр министры – Россия ГХМның Татарстан Республикасы буенча Баш идарәсе башлыгы Рафис Хәбибуллин, Казан мэры Илсур Метшин һәм башка рәсми затлар катнашты. 

Татарстан Республикасында 2017 ел Имгәнүне һәм терәк-хәрәкәт аппараты авыруларын кисәтү елы дип игълан ителде. Бу хактагы Указ Татарстан Республикасы Президенты тарафыннан агымдагы елның мартында имзаланды.

Моның турында бүген ТР Хөкүмәте йортында узган брифингта ТР сәламәтлек саклау министры Гадел Вафин хәбәр итте. Брифинг барлык муниципаль районнар белән видеоконференцэлемтә режимында үтте. 

Бүген Казанга эш сәфәре кысаларында Россия Федерациясе Гражданнар оборонасы, гадәттән тыш хәлләр һәм табигый бәла-казалар нәтиҗәләрен бетерү министры Владимир Пучков «Казан Арена» футбол стадионында булды.

Монда стадион каршындагы мәйданчыкта Россия ГХМның Татарстан Республикасы буенча Баш идарәсе техникасының һәм коралларының һәм Татарстан Республикасы Экология министрлыгының махсуслаштырылган техникасының әзерлеге смотры узды.

Бүген Казанга эш сәфәре белән Россия Федерациясе Гражданнар оборонасы, гадәттән тыш хәлләр һәм табигый бәла-казалар нәтиҗәләрен бетерү министры Владимир Пучков килде.

«Казан» халыкара аэропортында Россия ГХМ башлыгын Татарстан Республикасы Президенты Рөстәм Миңнеханов, Татарстан Республикасы гражданнар оборонасы һәм гадәттән тыш хәлләр министры – Россия ГХМның Татарстан Республикасы буенча Баш идарәсе башлыгы Рафис Хәбибуллин һәм башкалар каршы алды.

Искәртәбез, Владимир Пучков Казанга Конфедерацияләр Кубогы матчларын уздыруның иминлеген тәэмин итү көчләренең һәм чараларының әзерлеге буенча Хөкүмәт комиссиясе эш төркеме һәм Татарстан Республикасы Хөкүмәте киңәшмәсен уздырырга дип килде.

Бүген Татарстан Республикасы Президенты Рөстәм Миңнеханов "Россия вертолетлары" холдингы генераль директоры Андрей Богинский белән очрашты.

Андрей Богинский Казанда эш сәфәрендә. 

Яклар алга таба хезмәттәшлек турында, "Россия вертолетлары" холдингына керүче Казан вертолтелар заводы эшчәнлеге турында сөйләштеләр. 

Бүген Казан Кремлендә Татарстан Республикасы Иминлек Советының, Татарстан Республикасында Террорчылыкка каршы комиссиянең, Татарстан Республикасында Хокук тәртибен тәэмин итү буенча координацион киңәшмәнең уртак утырышы узды.

Утырышны Татарстан Республикасы Президенты Рөстәм Миңнеханов алып барды.   

Утырышта шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Иминлек Советы Секретаре Айрат Шәфыйгуллин, республика министрлыклары һәм ведомстволары вәкилләре, республиканың муниципаль районнары башлыклары, чакырылганнар катнашты.

Көн тәртибендә икътисадый мәсьәлә: «Балалар һәм яшүсмерләр гомеренә һәм сәламәтлегенә интернет-куркынычларны һәм янауларны профилактикалау өлкәсендә өстәмә чаралар күрү турында», «Татарстан Республикасында 2013-2018 елларга Россия Федерациясендә террорчылык идеологиясенә каршы тору комплексы планы чараларын гамәлгә ашыру турында».

Бүген Татарстан Республикасы Президенты Рөстәм Миңнеханов Питрәч районында «Богородское» газ бүлеп җибәрү станциясе нигезенә беренче таш салу тантанасында катнашты. Объект 220-285 км Миңлебай-Казан участогында газ үткәргечен реконструкцияләү инвестицион проектын гамәлгә ашыру кысаларында төзеләчәк.

Тантанада шулай ук Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы төзелеш, архитектура һәм ТКХ министры Ирек Фәйзуллин, «Газпром трансгаз Казан» ҖЧҖ генераль директоры Рәфкать Кантюков, Питрәч муниципаль районы башлыгы Эдуард Дияров һәм Казан мэры Илсур Метшин да катнашты.