Җирле үзидарә органнары хезмәткәрләре, иң кискен мәсьәләләрне хәл итеп, гражданнар белән эшләүнең алгы сызыгында торалар. Бүген бу хакта Татарстан Республикасы Президенты Рөстәм Миңнеханов Казанның «Корстон» кунакханә-сәүдә-күңел ачу комплексында «Татарстан Республикасы Муниципаль берәмлекләр советы» ассоциациясенең XVII съездында хәбәр итте. Утырышта шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, төрле министрлыклар һәм ведомстволар җитәкчеләре, республика муниципаль берәмлекләре башлыклары катнашты.

Бүген Казанда, "Корстон" кунакханә-сәүдә-күңел ачу комплексында, "ТР Муниципаль берәмлекләр советы" ассоциациясенең XVII съезды башланыр алдыннан, Татарстан Республикасы Дәүләт Киңәшчесе Минтимер Шәймиев "Теләкләр чыршы" бөтенроссия хәйрия гамәлендә катнашты.

Бүген Мәскәүдә Россия Федерациясе Тышкы эшләр министры, ЮНЕСКО эшләре буенча РФ комиссиясе рәисе Сергей Лавров рәислегендә ЮНЕСКО эшләре буенча Россия Федерациясе комиссиясенең гомуми җыелышы узды.

Утырышта Татарстан Республикасы Дәүләт Киңәшчесе, ЮНЕСКО эшләре буенча РФ комиссиясе әгъзасы, мәдәниятара диалог буенча ЮНЕСКОның Игелекле ихтыяр илчесе Минтимер Шәймиев катнашты.

Бүген Татарстан Республикасы Президенты Рөстәм Миңнеханов Казан Кремлендә Милләтара һәм конфессияара мөнәсәбәтләр буенча Татарстан Республикасы Президенты каршындагы советның һәм республикада Милли мәдәниятләр һәм традицияләр елын уздыру буенча оештыру комитетының уртак утырышын уздырды. Анда ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, РФ Президентының Эчке сәясәт буенча идарәсенең дини оешмалар белән хезмәттәшлек департаменты башлыгы урынбасары Алмаз Фәйзуллин, министрлыклар һәм ведомстволар вәкилләре, муниципаль берәмлекләр башлыклары катнашты.

Кышкы каникуллар вакытында Татарстанның 21 районында урнашкан 64 савыктыру оешмасында 4,2 меңнән артык бала ял итәчәк. Шулай ук 2,5 меңгә якын бала өчен мәктәп яны лагерьлары да эшләячәк. Бу хакта бүген ТР Министрлар Кабинетында узган брифингта ТР яшьләр эшләре министры Тимур Сөләйманов хәбәр итте.

Брифинг балалар, яшүсмерләр һәм аларның ата-аналары өчен, шулай ук  Яңа ел каникуллары вакытында студентлар өчен кышкы ял оештыруга багышланган иде.

Татарстан Президенты Рөстәм Миңнеханов Россия Федерациясе һәм Татарстан Республикасы дәүләт бүләкләрен тапшырды. Тантана Казан Кремлендә узды.

Татарстан Премьер-министры Алексей Песошин Россия иминлек органнары хезмәткәрләрен һөнәри бәйрәмнәре белән котлады.

Татарстан Республикасы Президенты Рөстәм Миңнеханов «Батырлык йолдызлыгы» XIV бөтенроссия куркынычсызлык һәм кешеләрне коткару фестивале җиңүчеләрен бүләкләү тантанасында катнашучыларга сәламләү сүзе белән мөрәҗәгать итте.

Чара «Пирамида» мәдәни-күңел ачу комплексында узды. Тантана башланганчы Рөстәм Миңнеханов һәм Россия Федерациясе Гражданнар оборонасы, гадәттән тыш хәлләр һәм бәла-каза нәтиҗәләрен бетерү эшләре буенча министр Александр Куренков Татарстан Республикасының янгын-коткару гарнизоны бүлекчәләренә махсус техника тапшырдылар. 

Бүген Казанда «Пирамида» мәдәни-күңел ачу комплексы янындагы мәйданда Татарстан Республикасының янгын-коткару гарнизоны бүлекчәләренә махсус техника тапшырылды. Чарада Россия Федерациясе Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министры генерал-лейтенант Александр Куренков, Татарстан Республикасы Президенты Рөстәм Миңнеханов, Россия Федерациясе Гадәттән тыш хәлләр министрлыгының Татарстан Республикасы буенча идарәсе вәкилләре катнашты.

Татарстан Республикасы Президенты Рөстәм Миңнеханов Катар Мәмләкәте Әмире шәех Тамим Бен Хәмәд Әл Тани белән очрашты.