Бүген Татарстан Республикасы Премьер-министры урынбасары Роман Шәйхетдинов Иннополиста «Үзбәкнефтегаз» АҖ идарәсе рәисенең беренче урынбасары Бәхзод Усманов белән очрашты. Бу компаниянең Татарстан Республикасына җавап визиты: 2022 елның декабрендә Татарстан делегациясе Ташкенттагы «Үзбәкнефтегаз» офисында булган иде.

Бүген Казанда Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 78 еллыгына багышланган тантаналы чара узды.  Тантанада Татарстан республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Алексей Песошин, Казан мэры Илсур Метшин, Россия хәрби-тарихи җәмгыяте рәисе урынбасары Николай Овсиенко, ветераннар һәм хәрби хезмәткәрләр катнашты.

Бүген Татарстан Республикасы Рәисе Рөстәм Миңнеханов Бөек Ватан сугышында Җиңү көнен Татарстан Республикасында бәйрәм итүгә әзерлек һәм аны уздыру буенча оештыру комитеты утырышын уздырды. Чара ТР Хөкүмәте Йортында узды.

Утырышта катнашучылар Туган ил өчен гомерләрен биргән барлык ветераннарны бер минут тынлык белән искә алдылар.

Бүген Казанда Төньяк вокзал янындагы скверда «Казан – хезмәт батырлыгы шәһәре» стеласын ачу тантанасы булды. Тантанада Татарстан Республикасы Рәисе Рөстәм Миңнеханов, Казан мэры Илсур Метшин, Россия хәрби-тарихи җәмгыяте рәисе урынбасары Николай Овсиенко, Социалистик Хезмәт Герое Николай Фролов, шәһәр предприятиеләренең эшче коллективлары катнашты.

Бүген Татарстан Республикасы Рәисе Рөстәм Миңнеханов Советлар Союзы Герое Борис Кириллович Кузнецов һәйкәлен ачуда катнашты.

Чара Казанда, Борис Кузнецов җирләнгән Арча зиратында узды.

Ачылыш тантанасы Россия Федерациясе һәм Татарстан Республикасы гимннарын башкарудан башланды.

Бүген Татарстан Республикасы Рәисе Рөстәм Миңнеханов Казанда «Ярлыкау» кинофильмының премьерасында булды. Картинаны Мостай Кәримнең шул ук исемдәге повесте мотивлары буенча төшергәннәр. Фильмны күрсәтүдә шулай ук башкорт шагыйре һәм язучысының оныгы Тимербулат Кәримов гаиләсе белән катнашты.

Бүген Казанда «Ак Барс» гольф-клубы һәм балалар гольф академиясе ачылу тантанасы узды. Чарада Татарстан Республикасы Рәисе Рөстәм Миңнеханов катнашты.

Рөстәм Миңнеханов сәламләү сүзендә билгеләп үткәнчә, бүген гольф уйнау өчен уникаль спорт объекты ачыла. Ул ассызыклаганча, бу - Татарстанда иң югары дәрәҗәдәге гольф ярышларын кабул итә алырлык беренче колачлы проект.

«Динамо» җәмгыяте чын массакүләм һәм бөтен халык спорт хәрәкәтенә башлангыч бирде, ул әлегә кадәр бердәм коллектив буларак сакланып калды. Бүген бу хакта Татарстан Республикасы Рәисе Рөстәм Миңнеханов «Динамо» бөтенроссия физкультура-спорт җәмгыятенең 100 еллыгы уңаеннан уздырылган тантаналы чарада хәбәр итте. Чара Казан Кремлендә узды. Тантанада Татарстан Дәүләт Киңәшчесе Минтимер Шәймиев, Татарстан Республикасы Премьер-министры Алексей Песошин, Татарстан Республикасы Рәисе Администрациясе Җитәкчесе, Татарстанның «Динамо» физкультура-спорт җәмгыяте рәисе Әсгать Сәфәров һәм «Динамо» бөтенроссия физкультура-спорт җәмгыяте рәисе Анатолий Гулевский катнашты.

Бүген Татарстан Республикасы Рәисе Рөстәм Миңнеханов махсус хәрби операциядә катнашучы Татарстан Республикасыннан мобилизацияләнгән хәрбиләр белән очрашты.

Очрашу «Татарстан Республикасы армиясенә, авиациясенә һәм флотына ярдәм итү ирекле җәмгыяте» (ДОСААФ) төбәк иҗтимагый-дәүләт берләшмәсе (Казан) базасында узды.

Хәзерге вакытта хәрбиләр кыска вакытлы ялда.

Бүген Татарстан Республикасы Рәисе Рөстәм Миңнеханов Татарстан Республикасында Ватан сугышчылары гаиләләре комитетының төбәк штабы активы белән очрашты.

Очрашу Татарстан Республикасы Хөкүмәте Йортында Рөстәм Миңнехановның эш кабинетында узды.