Бүген Татарстан Республикасы Президенты Рөстәм Миңнеханов Уфада эш сәфәрендә. Төп максаты – Башкортостан Республикасы төзелүгә 100 ел тулуны бәйрәм итү чарасында катнашу. 

Юбилей хөрмәтенә «Башкортостан» дәүләт концерт залында тантаналы җыелыш узачак. Чарага Россия Федерациясе Федерация Советы Федераль Собраниесе Рәисе Валентина Матвиенко, Россия Федерациясе Президентының Идел буе федераль округындагы вәкаләтле вәкиле Игорь Комаров, Россия Федерациясенең берничә субъекты җитәкчеләре, Дәүләт Думасы депутатлары һәм башкалар чакырылган. 

Бүген Татарстан Республикасы Президенты Рөстәм Миңнеханов рәислегендә Казанда Татарстан Республикасы Хөкүмәте йортында «Татнефть» ГАҖ Директорлар советының чираттагы утырышы узды.   

Утырышта 2019 елның ике ае эчендә бюджет үтәлеше йомгаклары каралды, апрель аена һәм икенче кварталга компаниянең бюджеты расланды.   

Татарстан Республикасында хезмәтне саклау өлкәсендә 2019 ел башланганнан бирле Дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан 295 тикшерү уздырылган. Хезмәтне саклау кагыйдәләрен һәм нормаларын бозган өчен 2 млн. 70 мең сумлык 53 карар чыгарылган.  Үзлегеннән җайга салынучы оешма тарафыннан 242 оешма әгъзасына тикшерү уздырылган. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте.  

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин да катнашты.   

Агымдагы елның ике аенда республикада авыл хуҗалыгы оешмаларының терлекчелек өлкәсендә эшчәнелекләре нәтиҗәсе турында ТР Премьер-министры урынбасары - авыл хуҗалыгы һәм азык-төлек министры Марат Әхмәтов ТР Хөкүмәте йортында узган республика киңәшмәсендә хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Чарада шулай ук Татарстан Республикасы Премьер-министры Алексей Песошин катнашты.

Бүген Татарстан Республикасы Президенты Рөстәм Миңнеханов тимераякта фигуралы шуучы Алина Загитованы Сайтамдагы (Япония) Дөнья чемпионатында алтын медаль яулавы белән котлады. Татарстан Республикасы Президенты исеменнән тәбрикләү телеграммасы Алина Заһитовага һәм Россиянең фигуралы шуу буенча Атказанган тренеры Этери Тутберидзега юлланды.

Бүген Россия вице-премьеры Юрий Борисов “Алабуга” махсус икътисади зонасында (МИЗ) композит материаллар чыгара торган “Алабуга-Волокно” заводында булды, МС-21 самолеты өчен җитештерелә торган продукциягә югары бәя бирде. Юрий Борисовны Татарстан Премьер-министры Алексей Песошин озата йөрде.

Бүген Татарстан Республикасы Президенты Рөстәм Миңнеханов Мариньяне шәһәрендә (Франция) Technoparc des Florides технопаркында булды.

Искәртәбез, Рөстәм Миңнеханов Франциядә ике көнлек (2019 елның 21-22 марты) эш сәфәрендә.

Татарстан француз бизнесын һәм капиталын җәлеп итәргә тели. Бүген бу хакта Татарстан Республикасы Президенты Рөстәм Миңнеханов Марсельдә узган «Альпы-Прованс-Лазурный Берег төбәге – Татарстан» бизнес-форумындагы чыгышында хәбәр итте.   

Форум Альпы – Прованс - Лазурный Берег төбәгенең эшлекле даирәләре вәкилләрен җыйды.

Чарада сәламләү сүзе белән Марсель шәһәре мэрының халыкара мөнәсәбәтләр буенча беренче урынбасары Жан Роатта, Альпы Прованс Лазурный Берег төбәге Президенты вәкиле, Икътисад һәм предприятиеләр мәсьәләләре буенча вәкаләтле вәкил Изабель Кампонала-Савон, Россиянең Марсельдәге Генераль консулы Сергей Молчанов чыгыш ясадылар.

Бүген Татарстанның Дәүләт Советы рәисе Фәрит Мөхәммәтшин Казан Кремлендә хезмәт алдынгыларына РФ һәм ТР дәүләт бүләкләрен тапшырды. Төрле тармакта эшләүче 48 татарстанлы бүләкләнде.

Бүген Татарстан Республикасы Президенты Рөстәм Миңнеханов Марсель шәһәре мэрының беренче урынбасары Жан Роатта белән очрашты. 

Искәртик, Рөстәм Миңнеханов Франциядә ике көнлек эш сәфәрендә.