Татарстан Республикасы Президенты Рөстәм Миңнеханов Берләшкән Гарәп Әмирлекләренә эш сәфәренә килде, анда ул Дубай шәһәрендә IX еллык инвестицион форум эшендә катнашачак.

IX еллык инвестицион форумы эше кысаларында Рөстәм Миңнеханов, шәрәфле кунак буларак, форумны рәсми ачу тантанасында чакырылган, һәм Россия Федерациясе вәкиле буларак, ул «Бөтендөнья лидерлары дебатлары: турыдан-туры чит илләр инвестицияләренең цифрлы киләчәген формалаштыру» пленар утырышында катнашырга җыена. 

2018 елда республика кулланучылар кооперациясе системасы эшчәнлеге нәтиҗәләре турында бүген  Татпотребсоюз башлыгы Мәхмүт Фәттахов хәбәр итте. 

ТР Хөкүмәте Йортында бөтен муниципаль берәмлекләр белән видеоконференцэлемтә режимында киңәшмәне Татарстан Республикасы Президенты Рөстәм Миңнеханов уздырды. Киңәшмә эшендә ТР Премьер-министры Алексей Песошин катнашты. 

Татарстан Республикасында 2019 елның 4 апреленә 772,7 мең кв. м торак файдалануга тапшырылган, бу планның 31,9%ы.

Бүген бу хакта Татарстан Республикасы Төзелеш, архитектура һәм ТКХ министры Ирек Фәйзуллин республика киңәшмәсендә хәбәр итте. 

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Р.Н. Миңнеханов уздырды. Киңәшмәдә Татарстан Премьер-министры Алексей Песошин да катнашты. 

Киңәшмә Казан Кремлендә узды.

Узган ел дәвамында Татарстан хокук саклау органнары 800дән артык коррупциячел җинаять ачыклаганнар, шулардан 300 җинаять бюджетка  янаган. 850 млн сумнан артык зыян китерелгән. Бу хакта Татарстан Республикасы Президенты Рөстәм Миңнеханов Татарстанда Коррупциягә каршы эшне җайга салу комиссиясе утырышында хәбәр иткән. Казан Кремлендә узган чара 2018 елда коррупциягә каршы тору өлкәсендә эшчәнлеккә нәтиҗәләр чыгару һәм агымдагы елга бурычларны билгеләүгә багышланды. 

Бүген Татарстан Республикасы Президенты Рөстәм Миңнеханов Казан Кремлендә Бөтендөнья ислам лигасы генераль секретаре Мөхәммәд бин Әбдул-Кәрим Әл Иса белән очрашты.

Искәртик, Бөтендөнья ислам лигасы генераль секретаре Мөхәммәд бин Әбдул-Кәрим Әл Иса җитәкчелегендә Согуд Гарәбстаны делегациясе Казанда эш сәфәрендә. 

Бүген Татарстан Республикасы Президенты Рөстәм Миңнеханов Красноярсктагы XXIX бөтендөнья кышкы универсиадасында Россия җыелма командасы составында җиңү яулаган Татарстан спортчылары белән очрашты.

Очрашу Казан Кремлендә узды.

Искәртәбез, Татарстанннан 25 спортчы Россия җыелма командасы составында Красноярсктагы кышкы Универсиадада катнаштылар. Бу бөтендөнья студентлар уеннарында Татарстан спортчылары 8 медаль яулады: дүрт алтын, өч көмеш һәм бер бронза.

Красноярсктагы кышкы Универсиада-2019 призерларны моңарчы Россия Президенты Владимир Путин ( 2019 елның 27 марты) котлаган иде.

Бүген Казанда Россия Судьялар советы Президиумының күчмә утырышы ачылды.Күчмә утырышлар форматын торгызу төбәкләргә суд системасы эшенең яңа механизмнарын булдыруда якыннанрак катнашу мөмкинлеген бирә, дип белдерде Татарстан Республикасы Президенты Рөстәм Миңнеханов ачылыш тантанасында.   

Татарстан Республикасы Президенты искәрткәнчә, бүген Казан – илнең әйдәүче икътисадый, мәдәни һәм спорт үзәкләреннән берсе. Шәһәрдә эре бөтендөнья чаралары уздырылды – Универсиададан алып мундиал матчларына кадәр. Хәзер республика башкаласы Россия Судьялар советы Президиумы өчен эш урыны булды.  

Татарстан Республикасы Премьер-министры Алексей Песошин бүген “КАМАЗ” заводына 50 ел тулуны бәйрәм итүгә әзерлек буенча киңәшмә уздырды. Бу чара ТР Хөкүмәте йортында узды.

Бүген Татарстан Республикасы Президенты Рөстәм Миңнеханов Гомумроссия халык фронтының (ГХФ) Татарстандагы активы белән очрашты. Очрашу Татарстан Республикасы Хөкүмәте йортында узды. Аның эшендә ГХФның ТРдагы төбәк штабы рәистәше, КФУ ректоры Илшат Гафуров, ГХФның ТРдагы төбәк башкарма комитеты җитәкчесе Ринат Фазылов һәм «ГХФ яшьләре» координаторы Дамир Нургалиев катнашты. 

Ил һәм «Газпром» җитәкчелегенең газ-мотор базарын үстерүне стимуллаштыруы аркасында Татарстанда 2013 елдан газ-мотор базары инфраструктурасын үстерү һәм газ-мотор ягулыгында эшләүче автотехника паркын киңәйтү буенча системалы озак срокка исәпләнгән эш алып барыла. Бүген бу хакта Татарстан Республикасы Президенты Рөстәм Миңнеханов  Халыкара эшлекле конгрессның «Табигый газ – киләчәкнең газ-мотор ягулыгы буларак: тенденцияләр һәм перспективалар» темасына багышланган «Хәзерге заман технологияләре һәм нефть-газ комплексының перспектив проектлары» эш комитеты утырышында хәбәр итте.

Чара «Газпром» ГАҖ Идарәсе рәисе урынбасары Виталий Маркелов рәислегендә Чаллыда «КАМАЗ» ГАҖның двигательләр заводы территориясендә узды.