Башкортостан - Татарстанның стратегик партнеры. Бу хакта Татарстан Республикасы Президенты Рөстәм Миңнеханов бүген Татарстан һәм Башкортостан эшлекле даирәләре катнашындагы бизнес-форумда белдерде. Форум эшендә шулай ук Башкортостан Республикасы Башлыгы вазифаларын вакытлыча башкаручы Радий Хәбиров та катнашты. 

Татарстан Премьер-министры Алексей Песошин бүген Россия Федерациясе Эчке эшләр министрлыгының миграция мәсьәләләре буенча Баш идарәсе җитәкчесе, полиция генерал-майоры Валентина Казакова белән очрашты. Очрашу ТР Хөкүмәте йортында узды.

Татарстан белән Башкортостанның үзара файдалы хезмәттәшлекне үстерү өчен потенциалы бай. Бүген бу хакта Татарстан Республикасы Президенты Рөстәм Миңнеханов Башкортостан Республикасы Башлыгы вазыйфаларын вакытлыча башкаручы Радий Хәбиров белән очрашуда хәбәр итте. Очрашу Татарстан Республикасы Президентының Уфага эш сәфәре кысаларында узды.   

Рөстәм Миңнеханов Радий Хәбировка Татарстан  белән хезмәттәшлекне үстерүгә күрсәткән игътибарлары һәм Башкортостанда Татарстан Республикасы көннәрен уздыруны оештырудагы ярдәме өчен рәхмәт белдерде.

Бүген Татарстан Республикасы Президенты Рөстәм Миңнеханов Уфага эш сәфәре кысаларында Уфа дәүләт нефть техник университетында (УДНТУ) булды. Аны Башкортостан Республикасы Башлыгы вазыйфаларын вакытлыча башкаручы Радий Хәбиров озата йөрде. 

УДНТУ ректоры Рамиль Бәхтизин белән очрашуда Татарстан Президентын  университетның үсеш тарихы һәм бүгенге эшчәнлеге белән таныштырдылар.

Бүген Татарстан Республикасы Президенты Рөстәм Миңнеханов Уфага эш сәфәре кысаларында бөек татар шагыйре Габдулла Тукайга һәйкәл ачу тантанасында катнашты. Тантанада тагын Башкортостан Республикасы Башлыгы вазыйфаларын вакытлыча башкаручы Радий Хәбиров та катнашты.

Рөстәм Миңнеханов ассызыклаганча, Габдулла Тукай – Татарстан өчен генә түгел, бөтен төрки халыклар өчен дә күренекле иҗади шәхес.

Хоккей – Татарстанда да, Башкортостанда иң төп спорт төре. Бүген бу хакта Татарстан Республикасы Президенты Рөстәм Миңнеханов Татарстан Республикасы һәм Башкортостан Республикасы хоккей ветераннары командалары арасындагы иптәшләрчә матч башланыр алдыннан хәбәр итте . Тантанада Башкортостан Башлыгы вазыйфаларын вакытлыча башкаручы Радий Хәбиров та катнашты. 

Бүген Татарстан Республикасы Президенты Рөстәм Миңнеханов һәм Башкортстан Республикасы Башлыгы вазифаларын вакытлыча башкаручы Радий Хәбиров Башкортстан Республикасында Татарстан Республикасы Көннәрен ачу тантанасында катнаштылар. Чара Уфада "Башкортстан" дәүләт концерт залында уздырылды. 

Бүген Татарстан Республикасы Президенты Рөстәм Миңнеханов Уфага эш сәфәре кысаларында Башкортостанның татар иҗтимагый оешмалары активы белән очрашты. Очрашуда Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил  Шәйхеразыев, Башкортостан Республикасы Дәүләт Җыелышы – Корылтае Рәисе Константин Толкачев һәм Башкортостан Республикасы Башлыгы Администрациясе җитәкчесе Александр Сидякин катнашты. 

Татарстан Республикасы Президенты Рөстәм Миңнеханов Уфада эш сәфәрендә. Төп максаты – Башкортстан АССРның 100 еллыгы кысаларында Башкортостанда Татарстан Республикасы көннәрен уздыру чараларында катнашу. 

Бүген Татарстан Республикасы Президенты Рөстәм Миңнеханов Башкортостан Республикасының татар иҗтимагый оешмалары вәкилләре белән очрашырга, «Дуслык күпере» мәдәни-танып белү күргәзмәсе проекты белән танышырга һәм Татарстан сәнгать осталары концертын карарга ниятли.

Бүген иртән Татарстан Республикасы Президенты Рөстәм Миңнеханов Казанның тарихи үзәген һәм Казан елгасы яр буе урамын җәяү узып карады. Рөстәм Миңнехановны ТР Президенты Аппараты җитәкчесе Әсгать Сәфәров, ТР Президенты ярдәмчесе Олеся Балтусова, Татарстан Республикасы Прокуроры Илдус Нәфыйков, ТР төзелеш, архитектура һәм ТКХ министры Ирек Фәйзуллин, Казан мэры Илсур Метшин озата йөрделәр. Муса Җәлил исемендәге Татар академия дәүләт опера һәм балет театры янындагы мәйданчыкта Рөстәм Миңнехановка шәһәрнең тарихи үзәгендә автомобильләр һәм җәяүлеләр агымнарын яңача бүлү схемасы тәкъдим ителде.