Яңалыклар

14.10.2012

ТР Президенты Яшел Үзән районының берничә объектында булды

ТР Президенты Рөстәм Миңнеханов Осинова бистәсендә торак комплекста, Ореховка бистәсендә мәктәптә һәм “Яңа Тура” технополисында булды. Аны ТР төзелеш, архитектура һәм торак-коммуналь хуҗалыгы министры Ирек Фәйзуллин, ТР Яшел Үзән районы башлыгы Сергей Батин озата барды.

13.10.2012

Рөстәм Миңнеханов Казанның Яңа Савин районында яңа спорткомплекста булды

Бүген ТР Президенты Рөстәм Миңнеханов Казанның Яңа Савин районында “Акварена” спорт-сәламәтләндерү комплексында булды. Республика башлыгын вице-премьер Әсгать Сәфәров, ТР төзелеш, архитектура һәм торак-коммуналь хуҗалыгы министры Ирек Фәйзуллин озата барды.

13.10.2012

ТР Президенты яңа социаль ипотека йортына күчкән гаиләләрне котлады

Бүген ТР Президенты Казанда Чистай урамындагы социаль ипотека программасы буенча төзелгән торак йортта булды. Республика башлыгын ТР төзелеш, архитектура һәм торак-коммуналь хуҗалыгы министры Ирек Фәйзуллин, Казан мэры Илсур Метшин һәм ТР Президенты каршындагы Дәүләт торак фонды башкарма директоры Тәлгать Абдуллин озата барды.

13.10.2012

Татарстанда төп төзелеш программалары буенча эшләр 2013 нче елның 1 нче сентябренә тәмамланачак

2013 нче елның 1 нче сентябренә кадәр йортларны, мәктәпләрне, ФАПлар һәм авыл клублары төзелеше, 2-контурлы котеллар урнаштыру һәм “Чиста су” программалары буенча барлык эшләр тулы күләмдә тәмамланырга тиеш. Бүген шундый бурычны ТР Хөкүмәт Йортында видеоконференция режимында үткән киңәшмәдә республика җитәкчелеге куйды.

13.10.2012

Рөстәм Миңнеханов: "Халык капиталь ремонт программасына ышанды"

Бүгенгә ТРда капиталь төзекләндерү эше 4 миллиард 354 миллион сумга башкарылган, бу еллык лимитның 99,66 процентын тәшкил итә. 866 йортта капиталь төзекләндерү эше тәмамланган, алардан 38 муниципаль берәмлектә программада планлаштырылган барлык йортларда эшләр тәмамланган.

12.10.2012

Рөстәм Миңнеханов: “Тәтеш районына нәтиҗәле адым ясау зарур”

Тәтеш муниципаль районы социаль-икътисади үсеш программасын кабул итүгә мохтаҗ, ул ТР җитәкчелеге ярдәме белән районның күпсанлы проблемаларын хәл итәргә мөмкинлек бирер иде. Бу хакта бүген Татарстан Президенты Рөстәм Миңнеханов Тәтеш районының социаль-икътисади үсеше мәсьәләләренә багышланган киңәшмәдә белдерде.

12.10.2012

Рөстәм Миңнеханов ТР Апас районында “Алтын алка” боз сараен ачты

Бүген Татарстан Республикасы Президенты Рөстәм Миңнеханов ТР Апас районында “Алтын алка” – “Золотая шайба” боз сараен ачты. Республика башлыгы сәламләү сүзендә, бу боз сарае Татарстан өчен 37нче дип ассызыклады. “Апас районы өчен Боз сарае ачылышы күптән көтелгән зур вакыйга. Биредән куп чемпионнар чыксын”, - дип ассызыклады ТР Президенты.

12.10.2012

Фәрит Мөхәммәтшин ТР Сарман районында яңа клубны ачты

Бүген ТР Дәүләт Советы Рәисе Фәрит Мөхәммәтшин Сарман муниципаль районының Каташ-Каран авылында яңа Мәдәният йортын ачу тантанасында катнашты.

11.10.2012

Илдар Халиков: “Татарстанның Санитар-эпидемиологик хезмәте барлык сынауларны узып, нәтиҗәле эшләвен дәвам итә”

Бүген Казанның “Корстон” комплексында, Россиянең санитар-эпидемиологик хезмәтенә нигез салынуга 90 ел тулуга багышланган тантана узды. Хезмәт вәкилләрен котларга бәйрәм чарасына Татарстан Премьер-министры Илдар Халиков та килде.

11.10.2012

Рөстәм Миңнеханов: “Хәят” төркеменең Татарстанда өметләре аклануын телибез”

Төркиянең “Хәят холдинг” компанияләр төркеменең инвестиция проектлары Татарстанда уңышлы гамәлгә ашырылуы өчен, республика җитәкчелеге барысын да эшләячәк. Бүген ТР Хөкүмәт йортында узган очрашуда ТР Президенты Рөстәм Миңнеханов “Хәят холдинг” Директорлар советы рәисе Яхъя Кыгылыга шулай дип белдерде. Очрашуда шулай ук ТР Президентының халыкара мәсьәләләр буенча ярдәмчесе Радик Гыйматдинов, ТР сәнәгать һәм сәүдә министры урынбасары Хәмзә Баһманов, “Алабуга” МИЗы генераль директоры Тимур Шаһивәлиев катнашты.