Татарстан Республикасы Президенты Рөстәм Миңнеханов «Салават Күпере» ТКда башкарылган төзелеш эшләренең сыйфатлы үтәләмәве буенча яңа йортларда яшәүчеләрнең мөрәҗәгатьләренә бәйле рәвештә махсус тикшерү уздырырга йөкләмә бирде. Бүген ул бу хакта Татарстан Республикасы Хөкүмәте Йортында узган республика киңәшмәсендә белдерде.     

«Минем исемгә күп шикаятьләр керә. “Салават Күпере” торак комплексында яшәүчеләр сыйфатсыз йортлар турында язалар. Татарстан Республикасы Дәүләт торак төзелеше күзәтчелеге инспекциясе белгечләренә, шунда барып, барысын да тикшерергә һәм тиешле чаралар күрергә кирәк», - диде Рөстәм Миңнеханов.

Бүген ТР Хөкүмәте Йортындагы республика киңәшмәсендә Татарстан Республикасы Президенты Рөстәм Миңнеханов эш хакы буенча бурычларны түләү өлкәсендә эшне активлаштырырга йөкләде.

Бүген Татарстан Республикасы Президенты Рөстәм Миңнеханов эш сәфәре белән Зәй районында булды.

Ул анда яңа төзелгән һәм капиталь ремонт ясалган объектларны карады.

Бүген Алабугада Татарстан Республикасы Президенты Рөстәм Миңнеханов җылылык-электр станциясен көйләү эшләренә старт бирде. Яңа газ-турбина җайланмасы – 20 МВт электр һәм 28 Гкал/с җылылык көчле җылылык-электр станциясе ПТС территориясендә урнашты. Җылылык сезонында ул үзәк котельный эшенең күләмен 20 процентка киметергә ярдәм итәчәк, ә җәй көне шәһәрне тулысынча кайнар су белән тәэмин итәчәк.

Татарстанда терлекселек өлкәсендәге авыл хуҗалыгы оешмаларының 2018 елның 2 аендагы эшчәнлеге турында бүген ТР Хөкүмәте Йортындагы республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Анда шулай ук Татарстан Республикасы Премьер-министры  Алексей Песошин да катнашты. 

Кеше капиталы – Стратегия-2030 ның төп кыйммәте. Татарстанның шәһәр пространствосында дизайн өлкәсендә эшләнүче эшләр кешегә юнәлдерелгән. Бу хакта бүген Казанда, SIYUM дизайн һәм архитектура инвестицион беренче Халыкара форумында Татарстанның Премьер-министры Алексей Песошин җиткерде.

Татарстанда 104 мәгариф объектында капиталь ремонт эшләре бара. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Анда шулай ук Татарстан Республикасы Премьер-министры  Алексей Песошин да катнашты. 

Татарстан Республикасы Президенты Рөстәм Миңнехановның 8 Март –Халыкара хатын-кызлар көне уңаеннан мөрәҗәгате. «Кадерле ханымнар һәм туташлар! Сезне чын йөрәктән 8 Март – Халыкара хатын-кызлар көне белән тәбрик итәм! Язның ямьле бу көнендә хәтта табигать тә бәйрәм хөрмәтенә  хатын-кызларга кояшның бәйләм-бәйләм  ягымлы нурларын, төсләр балкышын, барчабызга күңел күтәренкелеге, якты рух  бүләк итә».

Бүген Татарстан Республикасы Президенты Рөстәм Миңнеханов Самарада эш сәфәрендә булды. Анда ул "Яңа проектларны гамәлгә ашыруның стратегик инициативалары агентлыгы" автономияле коммерциячел булмаган оешмасының күзәтчелек советы утырышында катнашты. Утырыш Россия Федерациясе Президенты Владимир Путин рәислегендә узды. Чарада АСИның 6 ел дәвамындагы эшчәнлегенә нәтиҗәләр чыгарылды. 

ТР Хөкүмәте йортында Казанның җылылык белән тәэмин итү системасын үстерү мәсьәләләре буенча киңәшмә үтте. Киңәшмәне Татарстан Премьер-министры Алексей Песошин уздырды.

Киңәшмәдә катнашучылар 2033 елга кадәр булган башкаланың җылылык челтәрләрен яңарту планын, барлык системаларның өзлексез эшләвен тәэмин итү мәсьәләләрен  карадылар.