Бүген KazanForum киңлекләрендә Россия Федерациясе Хөкүмәте Рәисе урынбасары Марат Хөснуллин һәм Берләшкән Гарәп Әмирлекләренең Тышкы сәүдә дәүләт министры Тани Әхмәт Әл Зәйүди очрашты. Очрашуда Татарстан Республикасы Рәисе Рөстәм Миңнеханов катнашты.

18-19 майда Казанда уза торган «Россия – ислам дөньясы: KAZANFORUM» XIV халыкара икътисадый форумы кысаларында Иннополис стендында «Хәзерге дөньяда тотрыклы үсешнең нигезе буларак технологик суверенитет» дигән пленар утырыш узды. Чарада Россия Федерациясе Энергетика министры урынбасары Эдуард Шереметцев, «Барс Групп» компаниясе генераль директоры Тимур Әхмәров, «TFM Chip» Директорлар советы рәисе Әхмәт Ганатян Җароми, «Микрон» АҖ генераль директоры Гөлнара Хәсьянова, Технологик суверенитет экспорты ассоциациясе президенты Андрей Безруков, Җир асты байлыкларыннан файдалану буенча федераль агентлык җитәкчесе Евгений Петров катнашты. Чараны Татарстан Республикасы Премьер-министры урынбасары Роман Шәйхетдинов модерацияләде.

«Казан Экспо» мәйданчыгында «Россия – Ислам дөньясы: KazanForum 2023» XIV халыкара икътисадый форумы һәм Russia Halal Expo халыкара хәләл индустрия күргәзмәсе ачылды. Тантанада Россия Федерациясе Хөкүмәте Рәисе урынбасары Марат Хөснуллин, Таҗикстан Республикасы Премьер-министры Кохир Рәсүлзодә, РФ Икътисадый үсеш министрлыгы башлыгы Максим Решетников, Татарстан Республикасы Рәисе, «Россия – Ислам дөньясы» стратегик караш төркеме рәисе Рөстәм Миңнеханов, ИХО генераль секретаре урынбасары Әхмәд Кавеса Сенгендо катнашты.

Бүген «Россия-Ислам дөньясы: KazanForum 2023» ХIV халыкара икътисадый форумы кысаларында» «Төньяк — Көньяк» халыкара транспорт коридорын үстерү» түгәрәк өстәле узды.

Чара «Казан Экспо» халыкара күргәзмә комплексы мәйданчыгында узды.

Сессиядә Россия Хөкүмәте Рәисе урынбасары Марат Хөснуллин, Россия Президенты ярдәмчесе Игорь Левитин, Татарстан Республикасы Рәисе Рөстәм Миңнеханов катнашты.

Татарстан Рәисе Рөстәм Миңнеханов "Турыдан-туры чит ил инвестицияләренең халыкара трендлары: Россия һәм Ислам Хезмәттәшлеге Оешмасы илләренең роле" дигән иртәнге эшлекле ашта катнашты.

Бүген Татарстан Республикасы Рәисе Рөстәм Миңнеханов Ислам Хезмәттәшлеге Оешмасы илләренең VII Яшь дипломатлары форумында катнашучылар белән очрашты. Очрашу ТР Хөкүмәте Йортында узды.

Исегезгә төшерәбез, ИХО илләренең Яшь дипломатлары форумы Казанда 18-21 майда «Россия — Ислам дөньясы: KazanForum 2023» ХIV халыкара икътисади форумы кысаларында уза.

Татарстан Республикасы Рәисе Рөстәм Миңнеханов РФ Сәүдә-сәнәгать палатасы президенты Сергей Катырин һәм чит илләрнең Сәүдә-сәнәгать палаталары җитәкчеләре белән очрашты. Очрашу ТР Хөкүмәте Йортында узды.

Бүген Казанда Сәүдә-сәнәгать палаталарының халыкара форумы ачылды. Ул өченче тапкыр уза һәм «Россия - Ислам дөньясы: KazanForum» XIV халыкара икътисадый форумына интеграцияләнгән.

Бүген Татарстан Республикасы Президенты Рөстәм Миңнеханов Малайзия Югары белем министры Датук Сери Мөхәммәд Халед бин Нуретдин белән очрашты. Очрашу ТР Хөкүмәте Йортында узды.

Безнең өчен Бәһрәйн Якын көнчыгыш төбәгендә мөһим сәүдә-икътисадый партнер. Бу хакта бүген Татарстан Республикасы Рәисе Рөстәм Миңнеханов Бәһрәйнның Юстиция,ислам мәсьәләләре һәм хәйрия фондлары министры Нүәф Бин Мөхәммәд Әл Мәгүдә белән очрашуда белдерде. Очрашу ТР Хөкүмәте Йортында узды.

Бүген Татарстан Республикасы Рәисе Рөстәм Миңнеханов Хеврон (Фәләстин) провинциясе губернаторы Җибрин Ильяс Әбәд Әл Бәкри белән очрашты. Очрашу Татарстан Республикасы Хөкүмәте Йортында узды.

Исегезгә төшерәбез, Хеврон провинциясе делегациясе Казанга «Россия – Ислам дөньясы: KazanForum 2023" XIV халыкара икътисадый форумы чараларында һәм "Russia Halal Expo" хәләл индустрия  халыкара күргәзмә экспозициясендә катнашу өчен килде.