Төркиянең дөньякүләм танылу алган ике компаниясе –“Кастамону Энтегре” белән “Тракья Җам” ширкәтләренең Татарстанда производстволарын ачу проектларының башлангычы Төркия Президентының узган ел Татарстанга сәфәре вакытында салынган иде. Президент Абдуллах Гөл бу проектларның тормышка ашуына сөенүен белдерә.

Татарстан белән Төркия арасындагы тугандаш дустанә мөнәсәбәтләрне икътисадый яссылыкка күчерергә кирәк. Бүген “Алабуга” махсус икътисади зонасында Төркиянең ике компаниясе заводларына нигез ташы салу тантанасыннан соң ТР Президенты Рөстәм Миңнеханов журналистлар белән әңгәмәдә әнә шулай дип белдерде.

Быелның апрель аенда Татарстан Сәламәтлек саклау министрлыгы, сәламәтлек саклау һәм социаль үсеш өлкәсендә күзәтчелек итү буенча Федераль хезмәтнең Татарстандагы идарәсе һәм Татарстан Республикасының тарифлар буенча Дәүләт комитеты белгечләре республиканың 93 даруханәсен тикшерде, 50 максатчан рейд үткәрде.

2005 елның 1нче мартына кадәр торакка мохтаҗлар исемлегенә баскан Бөек Ватан сугышы ветераннарын торак белән тәэмин итү эшләре 9нчы майга кадәр төгәлләнергә тиеш. Ул хакта бүген ТР Министрлар Кабинетында узган брифингта Татарстан Президенты Рөстәм Миңнеханов белдерде.

Бүген “Пирамида” мәдәни-күңел ачу комплексында «Созвездие-Йолдызлык-2010» дигән X ачык республика телевизион яшьләр эстрада сәнгате фестиваленең гала-концерты узды. Чара Бөек Ватан сугышында җиңүебезгә 65 ел тулуга багышланды. Анда олы кунак булып ТР Премьер-министры Илдар Халиков, ТР Премьер-министры урынбасары – мәдәният министры Зилә Вәлиева, РФ Дәүләт Думасы вәкилләре катнаштылар.

“Ак Барс” хоккей командасының Россиянең ачык чемпионаты – Континенталь хоккей лигасы чемпионатында җиңүе белән Татарстан Республикасы Президенты Рөстәм Миңнехановны Россия хоккей Федерациясе президенты Владислав Третьяк тәбрикләде.

Рөстәм Миңнеханов исеменә килгән котлау телеграммасында болай диелгән:

“...Спортчыларның киеренке, батыр һәм матур уены илебезнең миллионлаган җанатарына шатлык һәм ләззәт хисләрен бүләк итә.

Бүген Казан Кремлендә Татарстан Республикасы Президенты Рөстәм Миңнеханов белән Ислам шәхси секторны үстерү корпорациясенең башкаручы директоры Халит Мөхәммәт Әл Абуди киләчәктә хезмәттәшлек итү мәсьәләләре буенча фикерләште.

Татарстан Президенты Рөстәм Миңнеханов Күвәйт дәүләтенең Россия Федерациясендәге Гадәттән тыш һәм Тулы вәкаләтле илчесе Насер Хаҗи Ибраһим Әл-Мөзәйән әфәнде белән очрашты.

Бүген ТР Премьер-министры Илдар Халиков республиканың Яңа Чишмә, Нурлат һәм Чистай районнарында булды. Сәфәрнең максаты – Бөек Ватан сугышы ветераннарын торак белән тәэмин итүне контрольдә тоту һәм язгы кыр эшләре барышын күзәтү.

Бүген Әлмәттә Татарстан Республикасы Президенты – компания Директорлар советы рәисе Рөстәм Миңнеханов җитәкчелегендә “Татнефть” ААҖ Директорлар советының чираттагы утырышы узды.