Яңалыклар

29.04.2010

Рөстәм Миңнеханов: “Яңа аэропорт Бөгелмәгә инвестицияләр җәлеп итүдә өстенлекләр бирәчәк”

Бөгелмәнең яңартылган аэропорты шәһәргә инвестицияләр җәлеп итүдә өстенлекләр бирәчәк, дип саный Татарстан Президенты Рөстәм Миңнеханов. Бүген аэровокзалның яңа бинасын ачу тантанасында ул әнә шул хакта белдерде.

29.04.2010

Илдус Касыймов Бөгелмә районы башлыгы итеп билгеләнде

Илдус Касыймов Бөгелмә районының яңа башлыгы итеп билгеләнде. Бөгелмә электр челтәрләре директоры бу вазыйфада ТР урман хуҗалыгы министры итеп билгеләнгән Наил Мәһдиевне алыштырды.

28.04.2010

ТР Президенты Рөстәм Миңнеханов Россия-Дания эшлекле форумында катнашты

ТР Президенты Рөстәм Миңнеханов Копенгаген шәһәрендә Россия-Дания эшлекле форумында катнашты, дип хәбәр итә ТР Президентының матбугат хезмәте.

27.04.2010

Татарстан Республикасы Президенты Рөстәм Миңнеханов Копенһагенда берничә очрашу үткәрде

Бүген Татарстан Президенты Рөстәм Миңнеханов Копенһагенда берничә очрашу үткәрде.

Исегезгә төшерәбез: Рөстәм Миңнеханов Дания башкаласы Копенһаген шәһәренә Россия Президенты Дмитрий Медведев делегациясе белән бергә килде. Дмитрий Медведев Дания корольлегенә эшлекле сәфәр кыла.

Татарстан Президенты ярдәмчесе Искәндәр Мөфлиханов хәбәр итүенчә, бүген Рөстәм Миңнеханов “Rockwool” компанияләр төркеме президенты Элко Ван Һилл белән очрашты. Сүз “Алабуга” ирекле икътисадый зонасында яңа җитештерү төзелеше турында барды.

27.04.2010

Ай ярым вакыт эчендә ТР да 2004 иске автомобиль хуҗасы яңа автомобильле булган

Илдә иске автомобильләрне утильләштерү һәм үзебездә эшләнгән яңа автомобильләрне сатып алуны стимуллаштыру буенча эксперимент старт алганга ай ярымнан артык вакыт узды. Шул дәвердә Россия күләмендә иске автомобиль хуҗаларына 60 меңнән артык таныклык бирелгән, таныклык хуҗаларына 23 мең автомобиль сатылган. Татарстанга килгәндә, шушы вакыт эчендә автомобилен утильгә тапшырган 2780 кешегә таныклык бирелгән, 2004 автомобиль сатылган.

26.04.2010

ТР белән “АВТОВАЗ” арасында хезмәттәшлекне үстерү турында килешүгә кул куелды

ТР Президенты Рөстәм Миңнехановы бүген Кремльдә “АВТОВАЗ” ААҖ президенты Игорь Комаров белән очрашты. Очрашу нәтиҗәсе буларак ТР белән “АВТОВАЗ” арасында хезмәттәшлекне үстерү турында килешүгә кул куелды. Ике арадагы партнерлык мөнәсәбәтләрен яңа дәрәҗәгә чыгарырга тиешле бу документны “АВТОВАЗ” президенты Игорь Комаров белән ТР Премьер-министры Илдар Халиков имзалады.

26.04.2010

Татарстан җитәкчеләре Габдулла Тукайның сквердагы һәйкәленә чәчәкләр салды

Бүген Казанда татар халкының бөек шагыйре Габдулла Тукайның туган көнен – Туган тел көнен зурлап билгеләп үтәләр. Көн дәвамында төрле мәдәни чаралар, шигырь бәйрәмнәре уза.

Бүген иртән ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин шагыйрьнең Тукай скверындагы һәйкәленә чәчәкләр салды. Тантанада шулай ук ТР Премьер-министры урынбасары – Мәдәният министры Зилә Вәлиева, ТР Язучылар берлеге рәисе Илфак Ибраһимов, Казан шәһәре хакимияте, ТР Министрлар Кабинеты вәкилләре, язучылар, артистлар, депутатлар һәм шагыйрьнең иҗатын сөючеләр катнашты.

24.04.2010

Рөстәм Миңнеханов: “Корыган үләнне яндыру сәбәпле чыккан янгыннар проблемасын бәяләп бетермибез"

Соңгы атнада Татарстанда барлык янгыннарның 80 проценттан артыгы корыган үлән һәм чүп-чарны яндыру аркасында килеп чыккан. 19-22 апрель көннәрендә республикада әлеге сәбәп белән 14 торак йорт һәм шәхси сектордагы корылма янып көлгә әйләнгән.

23.04.2010

Рөстәм Миңнеханов: “ТАИФ” үз эше белән кыенлыкларны җиңәргә сәләтле икәнлеген расларга тиеш”

Бүген Татарстан Президенты Рөстәм Миңнеханов “ТАИФ” ААҖ акционерларының еллык җыелышында катнашты.

“ТАИФ” ААҖ генераль директоры Альберт Шиһабетдинов компания эшчәнлеге турында йомгаклау доклады белән чыгыш ясады. ААҖ җитәкчесенең еллык хисабы мәгълүматларына караганда, “ТАИФ” компанияләр төркеменең гомуми кереме 257 миллиард сум тәшкил иткән. Продукциягә бәяләрнең төшүе аркасында 2009 елдагы гомуми керем 2008 елга (292 миллиард сум) караганда азрак булган, шул ук вакытта җитештерелгән продукциянең физик күләме 4 процентка үскән.

23.04.2010

Рөстәм Миңнеханов: “Илшат Фәрдиев җитәкчелегендә җитди команда төзелде”

Бүген “Татэнерго” холдингының “Генерация компаниясе” ААҖндә Татарстан Президенты Рөстәм Миңнеханов һәм республиканың Премьер-министры Илдар Халиков катнашында коллективка яңа генераль директор тәкъдим ителде. Ул – элек Генерация компаниясе” генераль директоры – техник директор вазифасын биләгән Илгизәр Гайфуллин. Яңа җитәкчене кичә ТР Премьер-министры урынбасары – энергетика министры вазыйфасына билгеләнгән Илшат Фәрдиев тәкъдим итте.