Бүген Казанның “Корстон” сәүдә-күңел ачу үзәгендә БДБ илләре Эчке эшләр министрлыгы (Полициясе) аппаратлары җитәкчеләре киңәшмәсен алып барган Россия эчке эшләр министры урынбасары Сергей Герасимов билгеләп үткәнчә, мондый очрашулар, үзара элемтәләрне ныгыту һәм җәелдерүдән тыш, эчке эшләр һәм полиция органнарына кадрлар сайлап алу, әзерләү һәм билгеләү системасын булдыруны да күздә тота. Узган юлы очрашуда личный состав белән тәрбия эшен оештыру эшләре турында сүз булган иде, дип искәртеп, бу юлы, Бөек Җиңүнең 65 еллыгын бәйрәм итү елында, шушы юнәлешне ветераннар оешмалары рәисләре белән берлектә дәвам иттерүне кулай күрдек, диде ул.

Татарстанда ел ярым-ике ел эчендә эфир телевидениесе тапшыргычлары санын ике тапкыр арттыру күздә тотыла. Бүген ТР Министрлар Кабинетында республика Премьер-министры Илдар Халиков һәм “Россия телевидение һәм радиотапшырулар челтәре” федераль дәүләт унитар предприятиесе генераль директоры Алексей Малинин тарафыннан әлеге проектны гамәлгә ашыру турындагы килешүгә кул куелды.

Бүген ТР башкаласына Россия эчке эшләр министры армия генералы Рәшид Нургалиев килде.

"Казан" халыкара һава аланында Рәшид Нургалиевны ТР Премьер-министры Илдар Халиков, ТР буенча эчке эшләр министры Әсгать Сәфәров каршы алды.

Төркия Республикасының ТРндагы генераль консулы Әхмәт Тута белән бүген Хөкүмәт йортында ТР Премьер-министры Илдар Халиков очрашты.

Очрашуда Татарстан белән Төркия арасындагы хезмәттәшлекне арттыру турында сүз барды.

Бүген ТР Президенты Рөстәм Миңнеханов РФ Президенты Дмитрий Медведев җитәкчелегендәге рәсми делегация составында Украинаның эшлекле даирә вәкилләре белән очрашуда катнашты, дип хәбәр итә ТР Президентының матбугат хезмәте.

ТР Президенты Рөстәм Миңнеханов үзәк массакүләм мәгълүмат чараларында иң еш телгә алына торган 40 төбәк башлыгы исемлегенә керде. Бу хакта “Regnum” мәгълүмат агентлыгы һәм «Медиалогия” компаниясенең 2010 елның апрель йомгаклары буенча уздырган традицион рейтингы сөйли.

Очрашу ТРның РФндәге Тулы вәкаләтле вәкиллеге бинасында узды (Мәскәү).

Бүген ТР Премьер-министры Илдар Халиков Мәскәү шәһәре һәм Мәскәү өлкәсенең татар җәмәгатьчелеге вәкилләре белән очрашты.

Очрашу Мәскәүнең Әсадуллаев йортында узды.

Бүген ТР Президенты Рөстәм Миңнеханов Россиянең рәсми делегациясе белән бергә Украина башкаласы Киевка эшлекле сәфәр кыла. Әлеге сәфәр РФ президенты Дмитрий Медведевның Украинага дәүләт визиты кысаларында уза.

Бүген ТР Премьер-министры Илдар Халиков Россия башкаласында Мәскәү шәһәре һәм өлкәсенең татар җәмәгатьчелеге вәкилләре белән очраша. Очрашу Мәскәүнең Татар мәдәнияте үзәге саналган Әсәдуллаев йортында узачак.