Татарстан Республикасы Беларусь белән хезмәттәшлекне киңәйтү буенча ныклап кызыксына. Бу хакта бүген Татарстан Премьер-министры Илдар Халиков Беларусь делегациясенең республикага визитының икенче көненә нәтиҗә ясаганда белдерде.

Бүген “Казан” Милли мәдәни үзәгендә “Бердәм Россия” партиясенең Татарстан төбәк бүлеге сәяси совет утырышы узды. “Бердәмроссиялеләр” бу көздә хакимиятнең җирле органнарына депутатлар сайлау кампаниясен үткәрү чорында партиянең төбәк бүлеге бурычларын билгеләде.

Бүген ТР Министрлар Кабинетында видеоконференция режимында “Торак-коммуналь хуҗалыкны реформалаштыруга ярдәм итү фонды турындагы” Федераль законны гамәлгә кую, шулай ук 2010 елда төзелеш һәм торак тапшыру мәсьәләләре буенча республика киңәшмәсе узды. Республиканың муниципаль районнар башлыклары катнашындагы киңәшмәне ТР Президенты Рөстәм Миңнеханов үткәрде.

Бүген Беларусь Республикасының рәсми делегация әгъзалары Казандагы Универсиада-2013 Авылының төзелеш мәйданчыгын карады.

Исегезгә төшерәбез: Беларусь Республикасы Премьер-министры Сергей Сидорский җитәкчелегендәге рәсми делегация Казанга ике көнле рәсми визит белән килде.

Бүген Татарстан Республикасы башкаласына ике көнлек визит белән Беларусь Республикасының рәсми делегациясе килде. Көндезге сәгать 12дә Беларусь Республикасы Премьер-министры Сергей Сидорский җитәкчелегендәге рәсми делегация әгъзалары белән очкыч "Казан" халыкара һава аланына килеп төште.

Бүген Татарстан Республикасы Премьер-министры Илдар Халиков статc-сәркатиб - Россиянең гражданлык оборонасы, гадәттән тыш хәлләрне юкка чыгару буенча министры урынбасары Владимир Пучков белән очрашты.

Торак шатларын яхшырту буенча 2005 елның 1 мартына кадәр чиратка баскан Бөек Ватан сугышы ветераннары һәм аларга тиңләштерелгән затларның барысы да Җиңү бәйрәменә кадәр яңа фатирлы булды. Хәзер бурыч -торак шартларын яхшырту буенча 2005 елның 1 мартыннан соң чиратка баскан ветераннарны фатирлы итү. Ил күләмендә бу эшне агымдагы ел ахырына кадәр башкарып чыгу бурычы куела. Соңгы мәгълүматларга караганда, бүген Татарстанда бу исемлектә 8338 ветеран гаиләсе исәпләнә. Агымдагы елда ветераннарны торак белән тәэмин итү бүген ТР Министрлар Кабинетында Премьер-министр Илдар Халиков рәислегендә узган видеокиңәшмәдә күтәрелгән төп темаларның берсе иде.

2013 елда Казанда узачак XXVII Бөтендөнья җәйге универсиаданы транспорт белән  тәэмин итү мәсьәләсенә багышланган киңәшмәне кичә, 11нче май көнне, Татарстан Республикасы Премьер-министры Илдар Халиков үткәрде.

Бүген Татарстан Республикасы Президенты Рөстәм Миңнеханов Россиянең рәсми делегациясе составында Төркия Республикасына китте. Делегацияне Россия Федерациясе Президенты Дмитрий Медведев җитәкли.

2-8нче май көннәрендә мәгариф һәм фән министры Альберт Гыйльметдинов җитәкчелегендәге Татарстан педагоглары делегациясе Сингапурда булды.