Бүген Казан Кремлендә Татарстан Республикасы Президенты Р.Н. Миңнеханов рәислегендә Коррупциягә каршы көрәш Советы утырышы узды. Утырышта “Татарстан Республикасы дәүләт органнарында һәм муниципаль районнарында коррупциягә каршы көрәш чараларын гамәлгә ашыру нәтиҗәлелеге турында”гы мәсьәлә каралды. Совет эшендә Татарстан Республикасы Дәүләт Советы Рәисе Ф.Х. Мөхәммәтшин, Татарстан Республикасы Премьер-министры И.Ш. Халиков, Татарстан Республикасы дәүләт хакимияте органнары, федераль хакимият органнарының территориаль структуралары, хокук саклау органнары җитәкчеләре, муниципаль районнар һәм шәһәр округлары башлыклары һәм коррупциягә каршы көрәш мәсьәләләре буенча киңәшчеләр катнашты.

Бүген атаклы Польша режиссеры Кшиштоф Занусси белән Татарстан Республикасы Президенты Рөстәм Миңнеханов очрашты. Очрашу ТР Хөкүмәте Йортында узды, анда шулай ук ТР Мәдәният министры Айрат Сибагатуллин катнашты.

Бүген Татарстан Республикасы Президенты Рөстәм Миңнеханов Россия федераль таможня хезмәтенең Куркынычлылык һәм оператив контроль идарәсе башлыгы Вячеслав Голоскоков белән очрашты. Очрашу Татарстан Республикасы Хөкүмәте Йортында узды, анда шулай ук ТР Премьер-министры урынбасары вазыйфаларын башкаручы Юрий Камалтынов, ТР Иминлек Советы секретаре Валерий Власов һәм башкалар катнашты.

Бүген Татарстан Республикасы Премьер-министры Илдар Халиков “РЖД” ААҖнең тимер юл вокзаллары башлыкларының Координацион Советы утырышында катнашты.

Утырышны “РЖД” ААҖнең Тимер юл вокзаллары дирекциясе башлыгы Сергей Абрамов ачты. Утырышта катнашучыларны сәламләп, ул Татарстан Республикасы җитәкчелегенә тимер юлчылар уздырган чараларда актив катнашуы өчен рәхмәт белдерде.

Бүген Татарстан Республикасы Премьер-министры Илдар Халиков ТР Сәламәтлек саклау министрлыгы коллективына яңа министрны тәкъдим итте.
Ул, бүгенге көнгә кадәр Татарстан Республикасы сәламәтлек саклау министрының беренче урынбасары вазифаларын башкарган Гадел Вафин булды.

Бүген Татарстан Республикасы Президенты Р.Н.Миңнеханов Мәскәүдә Expo-1520 техника һәм технологияләрнең IV халыкара тимер юллар салонында булды. Ул “Тимер юл машина төзелеше. Перспективалар, технологияләр, өстенлекләр” конференциясе эшендә катнашты. Конференциянең пленар утрышында шулай ук "Россия тимер юллары" ААҖ президенты Владимир Якунин, Франция тимер юллары башлыгы Гийом Пипи, Siemens AG концернының рельс транспорты департаменты директоры Йохансон Айкхольт, Россия Федерациясе Сәнәгать һәм сәүдә министры урынбасары Алексей Рахманов һәм башкалар катнашты.

Бүген Татарстан Республикасы Премьер-министры Илдар Халиков Беларусь Республикасының Россиядәге Илчелегенең Казандагы бүлеге җитәкчесе Руслан Дрозд белән очрашты.
Очрашу ТР Хөкүмәте Йортында узды, анда Татарстан Республикасы ягыннан ТР сәнәгать һәм сәүдә министрының беренче урынбасары Руслан Кәбиров, тышкы икътисади эшчәнлек буенча ТР Премьер-министры ярдәмчесе Нәзил Насыйбуллин һ.б. катнашты.

Бүген Казанда РФ төбәкләре таможня идарәләре, Россиянең таможня федераль хезмәтенә турыдан-туры буйсынган мәгълүмати-техник хезмәтләре башлыклары семинар-киңәшмәгә җыелды. Анда Татарстан Республикасы Премьер-министры Илдар Халиков, Россия таможня федераль хезмәтенең мәгълүмати технологияләр баш идарәсе җитәкчесе Алексей Шашаев, Идел буе таможня идарәсе башлыгы Сергей Рыбкин һәм Татарстан таможня башлыгы Альберт Мавликов катнашты.

5-7 нче сентябрьдә Казанда үткән Татарстан нефть, газ, химия форумы РФ нефть, газ тармагының иң зур вакыйгаларының берсе булды. Бу хакта бүген ТР Хөкүмәте Йортындагы брифингта “Казан ярминкәсе” ААҖ генераль директоры Лев Семенов хәбәр итте.

Аның сүзләренчә, форум кысаларында үткән “Нефть, газ. Нефтехимия” күргәзмәсе Россиядә алдынгылар рәтендә. Ел саен анда катнашучылар саны 10-12 процентка арта, ә быел анда 250дән артык компания тәкъдим ителгән.

Татарстан нефтенең 70 еллыгы уңаеннан, комплекслы программа кысаларында “Татнефть” ААҖ эшчәнлек алып барган төбәкләрдә 1,2 млрд.сумнан артык акча социаль объектлар төзелешенә, капиталь ремонтына һәм аларны реконструкцияләүгә юнәлдерелгән. Мондый мәгълүмат бүген ТР Хөкүмәте Йортындагы брифингта яңгырады, анда компания генераль директорының кадрлар һәм компаниянең социаль үсеше буенча урынбасары Рөстәм Мөхәммәдиев һәм генераль директорның капиталь төзелеш буенча урынбасары Николай Глазков катнашты.