Яңалыклар
Татарстанның коммерциячел булмаган оешмалары – республика алдында торган бурычларны хәл итүдә дәүләтнең җитди партнеры. Бүген бу хакта Татарстан Республикасы Президенты Рөстәм Миңнеханов социаль юнәлешле коммерциячел булмаган оешмаларның II республика форумында чыгыш ясаганда хәбәр итте. Утырыш Казанда узды, анда Татарстан Республикасы Дәүләт Советы Рәисе Фәрит Мөхәммәтшин да катнашты.
Бүген “Татарстан Республикасын социаль-икътисадый үстерүнең төп тенденцияләре турында”гы киңәшмәдә катнашучылар Татарстан икътисадының агымдагы торышы һәм аны үстерү өчен кирәкле адымнар һәм чаралар хакында фикер алыштылар. Татарстан Республикасы Хөкүмәте Йортында узган әлеге киңәшмәне Татарстан Республикасы Президенты Рөстәм Миңнеханов уздырды, шулай ук фикер алышуларда Татарстан Премьер-министры Илдар Халиков, республика Хөкүмәте әгъзалары катнашты.
Татарстан Республикасы Президенты Рөстәм Миңнеханов хокук саклау органнары белән киңәшмәдә Татарстан Республикасында православие храмнарына ут төртү очраклары ешаюга бәйле рәвештә борчылу белдерде. Киңәшмә якшәмбе көн, 2013 елның 1 декабрендә уздырылды.
Рөстәм Миңнеханов киңәшмәдә катнашучыларга бу мәсьәләнең җәмәгатьчелекнең җитди игътибарында булуы турында белдерде.
Республиканың барлык муниципаль берәмлекләре белән видеоконференцэлемтә режимындагы әлеге киңәшмәне Татарстан Республикасы Президенты Рөстәм Миңнеханов уздырды.
2013 елның 29 ноябренә Татарстан Республикасында 2,143 млн. кв. метр торак гамәлгә кертелгән, ягъни еллык планның 89,4%ын тәшкил итә. Бүген бу хакта Татарстан Республикасы Хөкүмәт Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Республиканың барлык муниципаль берәмлекләре белән видеоконференцэлемтә режимындагы әлеге киңәшмәне Татарстан Республикасы Президенты Рөстәм Миңнеханов уздырды.
Казахстан Республиксының Кызыл Орда өлкәсенең потенциалы зур, һәм Татарстан җитәкчелеге аерым алганда шушы регион белән һәм тулаем Казахстан белән хезмәттәшлекне ныгытырга тели. Бүген бу хакта Татарстан Республикасы Президенты Рөстәм Миңнеханов Кызыл Орда өлкәсенең хакиме Кырымбәк Кушәрбаев җитәкчелегендәге делегациясе белән Казан Кремлендә узган очрашуда хәбәр итте.
Белоруссия, Казахстан һәм Россия Таможня союзын төзү, аны соңыннан Евразия икътисадый бергәлеге дип үзгәртеп кору – Россия Федерациясе Президенты Владимир Путин формалаштырган өстенлекле бурычларның берсе. Бүген бу хакта Татарстан Республикасы Президенты Рөстәм Миңнеханов Казанда, “Евразия икътисадый интеграциясе: казанышлар һәм проблемалар” (2013 елның 28-29 ноябре) иҗтимагый форумы утырышында хәбәр итте. Форум “Кострон” КСККда уза, анда Евразиянең 18 иленнән 40 тан артык иҗтимагый оешма вәкиле катнаша.
Бүген Россия Федерациясе Федераль Собраниесе Дәүләт Думасы Рәисе Сергей Нарышкинга Татарстан республикасы икътисадының өстенлекле юнәлешләрен тәкъдир иттеләр. Сергей Нарышкин бүген Казанга “Евразия икътисадый интеграциясе: казанышлар һәм проблемалар” (2013 елның 28-29 ноябре) иҗтимагый форумы утырышында катнашырга дип килде. Әлеге чара "Корстон" КСКК мәйданчыгында узды. Форум башланыр алдыннан кунаклар холлда урнашкан экспозиция белән таныштылар.
Бүген Казанга эш визиты белән Россия Федерациясе Федераль Собраниесе Дәүләт Думасы Рәисе Сергей Нарышкин килде. Аны "Казан" халыкара аэропортында Татарстан Республикасы Президенты Рөстәм Миңнеханов, ТР Дәүләт Советы Рәисе Фәрид Мөхәммәтшин каршы алдылар.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз