Бүген Татарстан Республикасы Премьер-министры Илдар Халиков ТР Юстиция министрлыгы коллективына яңа җитәкчене тәкъдим итте.
Илдар Халиков Татарстан Республикасы юстиция министры итеп Лариса Юрьевна Глухованың билгеләнүе турында Татарстан Республикасы Президенты Указы имзалануын хәбәр итте.

Бүген Татарстан Республикасы Премьер-министры Илдар Халиков салым органнары хезмәткәрләрен һөнәри бәйрәмнәре белән котлады.

Татарстан, Казан өчен Россия-Төркия Җәмәгатьчелек форумын кабул итү – зур мәртәбә. Беренче форум, һичшиксез, тарихка кереп калачак. ТР Премьер-министры Илдар Халиков бүген Казанның “Корстон” комплексында ачылган форумның пленар өлешендә сәламләү чыгышын әнә шундый сүзләр белән башлап җибәрде. Форумның пленар өлеше 17 нче ноябрьдә булган авиаһәлакәт корбаннары истәлегенә бер минут тынлык белән башланып китте. Форумда “Россотрудничество” агентлыгы җитәкчесе, РФ Президентының БДБ илләре белән элемтәләр буенча махсус вәкиле Константин Косачев, Төркия Республикасының Бөек илкүләм җыенының тышкы эшләр буенча комиссия рәисе, форум идарәсенең Төркия өлеше рәисе Волкан Бозкыр, РФ Президентының халыкара мәдәни хезмәттәшлек буенча махсус вәкиле Михаил Швыдкой, академик һәм эшлекле даирә вәкилләре, мәдәният һәм сәнгать эшлекләре, Россия һәм Төркиянең дәүләт һәм хосусый оешмалары җитәкчеләре һәм башкалар катнашты. Россотрудничество һәм Татарстан Хөкүмәте оештырган форумның максаты – ике ил арасында мәдәният, сәнгать, мәгариф, фән, тарих, ММЧ, эшлекле мохит, туризм, спорт, диннәрара багланышлар, хокукый мәсьәләләр һәм башка соцаль өлкәләрдә иҗтимагый мөнәсәбәтләрне һәм үзара хезмәттәшлекне җанландыру. Форум югары дәрәҗәдәге хезмәттәшлек советының беренче утырышы карарлары нигезендә, РФ Президенты һәм Төркия Республикасы Премьер-министры карарлары буенча гамәлгә куелган.

"Сименс" компаниясе Татарстан Республикасын алга таба инвестицияләр кертерлек регион дип саный. Бу хакта бүген Россия һәм Урта Азиядә "Сименс" компаниясенең президенты, "Сименс АГ" вице-президенты Дитрих Мёллер Татарстан Республикасы Президенты Рөстәм Миңнеханов белән очрашуда белдерде. Очрашу Татарстан Республикасы Хөкүмәт Йортында узды, анда шулай ук ТР Премьер-министры урынбасары – ТР сәнәгать һәм сәүдә министры Равил Зарипов, ТР Премьер-министры урыбасары – ТР мәгълүматлаштыру һәм элемтә министры Роман Шәйхетдинов, ТР сәламәтлек саклау министры Адель Вафин һәм башкалар катнашты.

 

Татарстан һәрвакыт туризмны мөстәкыйль тармак итеп үстерү мөмкинлегенә ия булды һәм бүген дә бу мөмкинлек бик зур. Бүген ТР Премьер-министры Илдар Халиков ТР Яшьләр эшләре, спорт һәм туризм министрлыгының “Татарстан Республикасында туризм һәм кунакчыллык өлкәсе үсеше перспективалары” темасына коллегия утырышында әнә шул фикерне ассызыклап узды.

Коллегия утырышында Туризм буенча федераль агентлыкның дәүләт туристик проектлары һәм туризм куркынычсызлыгы идарәсе башлыгы Александр Сирченко, ТР яшьләр эшләре, спорт һәм туризм министры Рафис Борһанов, ТР мәдәният министрының беренче урынбасары Ирада Әюпова һәм башкалар катнашты

Татарстан Республикасының 85%тан артык гражданнары аз дигәндә елына бер тапкыр кулланучылар хокукларының бозылуы белән очраша, нәтиҗәдә сәламәтлеккә зыян килә, матди чыгымнар була. Бу хакта бүген брифингта ТР Дәүләт инспекциясенең алкоголь продукциясе, этил спиртының сыйфаты, әйләнеше һәм җитештерүне дәүләт күзәтүе белән тәэмин итү һәм кулланучылар хокукларын яклау буенча җитәкчесе Игорь Марченко белдерде.

2013 елның 17 ноябрендә кичен “Казан” халыкара аэропортында һәлакәткә очраган “Боинг 737” самолеты пассажирлары һәлак булуга карата Татарстан Республикасына кайгыларны уртаклашу телеграммалары килү дәвам итә. Кайгыларны уртаклашу авиакатастрофада һәлак булганнарның барлык туганнарына һәм гаиләләренә, шулай ук олы улы һәлакәткә дучар самолетта булган Татарстан Республикасы Президенты Рөстәм Миңнехановка шәхсән адреслана. Казандагы авиакатастрофага бәйле рәвештә Казахстан Республикасы Президенты Нурсолтан Назарбаев, Литва Башлыгы Даля Грибаускайте, Черногориянең Россия Федерациясендәге Гадәттән тыш һәм Тулы вәкаләтле илчесе, Согуд Гарәбстаны Корольлегенең РФдәге Гадәттән тыш һәм Тулы вәкаләтле илчесе, Литва Республикасының РФдәге Гадәттән тыш һәм Тулы вәкаләтле илчесе, Төрекмәнстанның РФдәге илчесе, Беларусь Республикасының РФдәге Гадәттән тыш һәм Тулы вәкаләтле илчесе, РФнең ЮНЕСКО каршында Гадәттән тыш һәм Тулы вәкаләтле илчесе, РФнең Бөекбританиядә илчесе, РФнең Чехия Республикасында илчесе, Индонезия Республикасының Мәскәүдәге Илчесе, Польша Республикасының Мәскәүдәге Илчесе, Франциянең Россиядәге Илчесе, Швейцариянең Мәскәүдәге Илчесе, шулай ук FIFA Генераль секретаре, FINA Президенты һәм башкалар кайгыларны уртаклашу телеграммалары җибәрделәр.

2013 елның 9 ае өчен Россия Кулланучылар күзәтчелегенең ТР буенча идарәсе юридик затларны һәм шәхси эшмәкәрләрне кулланучылар хокукларын яклау өлкәсендә законнарны үтәү буенча 1893 тикшерү уздырган. Бүген бу хакта Татарстан Республикасы Хөкүмәте Йортында узган брифингта Россия Кулланучылар күзәтчелегенең ТР буенча идарәсе җитәкчесе Марина Патяшина хәбәр итте.