25 декабрьдән 10 гыйнварга кадәр Татарстанда республиканың театр учрежденияләре тарафыннан балалар һәм олылар өчен 481 яңа ел тамашасы күрсәтеләчәк. Бу хакта бүген ТР Хөкүмәте йортында узган брифингта Татарстан мәдәният министры Айрат Сибгатуллин хәбәр итте.

"Аргументы и факты" ЯАҖ генераль директоры Денис Воронков белән бүген Татарстан Республикасы Президенты Рөстәм Миңнеханов очрашты.  Очрашу ТР Хөкүмәт Йортында узды, анда шулай ук "Аргументы и факты" ЯАҖ региональ директоры Андрей Степанов, "Аргументы и факты Казан" ҖЧҖ генераль директоры Татьяна Абушахманова, "Татмедиа" республика матбугат һәм массакүләм коммуникацияләр агентлыгы җитәкчесе Ирек Миннәхмәтов, ТР Президенты җитәкчесе Андрей Кузьмин катнаштылар.

Бүген Мәскәүдә Татарстан Президенты Рөстәм Миңнеханов һәм "Газпром" ААҖ идарәсе рәисе Алексей Миллер очрашуы узды. Яклар алга таба Татарстан белән "Газпром" ААҖ хезмәттәшлеге турында, шулай ук ярдәмче предприятие "Газпром трансгаз Казан" ҖЧҖнең 2013 елда эшчәнлегенең нәтиҗәләре турында сөйләштеләр.

Бүген Казанда урбанистика өлкәсендә бөтендөнья әйдәүче белгечләреннән берсе Энрике Пеньялоса лекция укыды. Аны тыңлаучылар арасында Татарстан Республикасы Президенты Рөстәм Миңнеханов та бар иде. Шулай ук Боготаның экс-мэры, Нью-Йорк Транспорт һәм үсеш институты президенты лекциясен тыңларга ТР Хөкүмәте вәкилләре, Казан башкарма комитеты хезмәткәрләре, архитекторлар һәм башка белгечләр килде.

2013 елның 25 декабрьенә кадәр бөтен районнар мәктәпләрне капиталь ремонтлау программасы буенча башкарылган эш актларын (КС-2 формасы буенча) тапшырырга тиешләр.  Бу хакта бүген Татарстан Республикасы Президенты Рөстәм Миңнеханов ТР Хөкүмәт Йортында узган кидәшмәдә белдерде. Видеоконференция режимында Рөстәм Миңнехановны объектларда башкарылган эш буенча документларны вакытында тапшырмаган районнар җитәкчелеге белән элемтәгә керттеләр. Аерым алганда, бу Әлмәт, Тәтеш, Сарман, Бөгелмә, Чистай районнары һәм Казан шәһәре. Кайбер районнар, экономияләнгән акчаларга өстәмә эшләр башкарганга, вакытында өлгерә алмаганнар. 

Бүген Казан Кремлендә Татарстан Республикасы Дәүләт Киңәшчесе, “Яңарыш” фондының Попечительлек советы рәисе Минтимер Шәймиев Самара өлкәсе “Туган тел” татар җәмгыяте президенты Ильяс Шәкүров, җәмгыять советы әгъзасы, татарларның милли-мәдәни автономиясе җитәкчесе Рифкәт Хуҗин, “Болгар мирасы” тарихи-мәдәни фондының Попечительлек советы рәисе Гомәр Батыршин белән очрашты.

Бүген Татарстан Президенты Рөстәм Миңнеханов дәүләт һәм муниципаль хезмәт күрсәтүләрнең күп функцияле үзәкләре челтәрен үстерү турында бөтенроссия селектор киңәшмәсендә катнашты. Киңәшмәне Россия Федерациясе Хөкүмәте Рәисе Дмитрий Медведев уздырды.

Бүген Татарстан Республикасы Хөкүмәт йортында Россиянең танылган икътисадчысы Абел Аганбегян Россиядә социаль-икътисади хәл һәм үсеш перспективалары турында чыгыш ясады.
Бу чарада Татарстан Республикасы Премьер-министры Илдар Халиков катнашты.
Икътисадчы, академик Абел Аганбегян – теоретик һәм гамәли икътисад өлкәсендә танылган белгеч, икътисади үзгәртеп кору концепциясе авторларының берсе, күп чит телләргә тәрҗемә ителгән, базар реформасын үткәрү проблемалары буенча китаплар һәм мәкаләләр авторы.
Илдар Халиков аудиториягә лекторны тәкъдим итеп, академик Абел Аганбегянның Казанга беренче генә килүе түгел, дип искә төшерде.