Бүген кич Татарстан Республикасы Президенты Рөстәм Миңнеханов Бостонга (АКШ, Массачусетс штаты). Сәфәрнең төп максаты - "Россия Инновацион Атнасы" (Russian Innovation Week, RIW). Чара икенче мәртәбә уздырыла (беренчесе 2012 елда уздырылды), аның төп бурычы - Россия инновацион индустриясенең потенциалын күрсәтү.

Бүген Казанда Гимнастика үзәгендә Россия Тикшерү комитеты рәисе Кубогына дзюдо буенча II бөтенроссия яшүсмерләр турниры ачылды. Ул Батырлык ордены (үлгәннән соң бирелгән) яшь кавалерлары – Ногинскида яшәгән Женя Табаков һәм Яр Чаллыда яшәгән Данил Садыйков һәм хезмәт бурычын үтәгәндә һәлак булган тикшерү комитеты хезмәткәрләре истәлегенә багышланган. Ачылу тантанасында Татарстан Премьер-министры Илдар Халиков һәм Россия Тикшерү Комитеты рәисенең өлкән ярдәмчесе Игорь Комиссаров катнашты.

ТР да хокук бозуларны профилактикалау комплекслы программасы кысаларында агымдагы елда Татарстанда 39 муниципаль берәмлектә полиция участок вәкилләре өчен 82 торак йорт төзелеше планлаштырыла. Бүген ТР Хөкүмәт йортында Татарстан Президенты Рөстәм Миңнеханов рәислегендә узган республика киңәшмәсендә эшнең барышы турында Татарстан буенча Эчке эшләр министры Артем Хохорин җиткерде.

Бүген Татарстан Республикасы Премьер-министры Илдар Халиков нотариусларны Татарстан Республикасы Нотариаль палатасының 20 еллыгы белән котлады.

Искә төшерәбез, егерме ел элек, 1993 елның февралендә Россия Федерациясенең нотариат турында закон нигезләре кабул ителгән, дәүләт нотариусларының шәхси практикага күчү һәм яңа коммерцияле булмаган оешма – Нотариаль палата булдыру мөмкинлеге барлыкка килә.

ТР Президенты Рөстәм Миңнеханов бүген Казанның “Корстон” комплексында башланган “Бердәм халыкара транспорт-логистика системасы булыру һәм җәелдерү: перспективалар һәм чынбарлык” I халыкара транспорт-логистика форумының пленар утырышында катнашты. Аның ачылышында ул форумда катнашучыларны, РФ транспорт министры Максим Соколов һәм башка министрларны аерым әйтеп сәламләп, биредә 350дән артык бизнес вәкиле, Россия Федерациясенең 25 төбәгеннән һәм 7 илдән килгән дәүләт структуралары вәкилләре катнашуын билгеләп үтте.

Бүген Питрәч муниципаль районы Советы утырышы узды, анда районның яңа башлыгы сайланды. Утырыш эшендә Татарстан Премьер-министры Илдар Халиков катнашты.

Бүген Яшел Үзән муниципаль районы Советының 33 нче сессиясендә Александр Тыгин Яшел Үзән районы башлыгы итеп сайланды. Александр Тыгин кандидатурасы өчен Совет утырышында катнашучы 47 депутатның 46 сы яшерен тавыш бирү ысулы белән үзләренең тавышларын биргәннәр.

Яшел Үзән муниципаль районы Советының 33 нче сессиясе эшендә Татарстан Премьер-министры Илдар Халиков, ТР Дәүләт Советы Рәисе урынбасары Александр Гусев, ТР Муниципаль берәмлекләре советы рәисе Минсәгыйть Шакиров һ.б. катнашты.

Бүген Татарстан Премьер-министры Илдар Халиков Питрәчтә Бөек Ватан сугышы ветераннарының тол калган хатыннарына яңа фатирлардан ачкычлар тапшырды һәм яңа спорт мәйданчыгын ачты.

Бүген кич белән Казанга Россия Федерациясе транспорт министры Максим Соколов килде. “Казан” халыкара аэропортында аны Татарстан Республикасы Премьер-министры Илдар Халиков, ТР транспорт һәм юл хуҗалыгы министры Ленар Сафин каршы алдылар.

Бүген Биек Тауда яңа боз сарае ишекләрен ачты. Тантаналы чарада Татарстан Республикасы Президенты Рөстәм Миңнеханов катнашты.