Бүген Казан Кремлендә Россиядә мөселман дини мәгарифе системасын үстерү мәсьәләләре буенча киңәшмә уздырылды. 

Киңәшмәне Татарстан Республикасы Президенты Рөстәм Миңнеханов алып барды.

Киңәшмәдә Россия Федерациясе һәм чит илләр мөселман руханилары, Татарстан Республикасы Мөселманнары диния нәзарәте, Россия Мөселманнары диния нәзарәте үзәге, Мәскәү Мөселманнары диния нәзарәте җитәкчелеге вәкилләре һәм башкалар катнашты.

Агымдагы вәзгыять, мөселман дини мәгарифе системасы, гамәлдәге проблемалар һәм аларны хәл итү юллары турындагы нотык белән Ислам мәгарифе советы рәисе, Россия ислам университеты ректоры Рәфыйк Мөхәммәтшин чыгыш ясады.

Бүген Татарстан Республикасы Президенты Рөстәм Миңнеханов принял участие в пленарном заседании «Милли тормыш һәм дин» VII бөтенроссия дин әһелләре форумының пленар утырышында катнашты.  

Чара Г. Камал исемендәге Татар дәүләт академия театрында Казанда  узды. Анда ТР Дәүләт Советы Рәисе Фәрит Мөхәммәтшин, ТР Президенты Аппараты җитәкчесе Әсгать Сәфәров, ТР буенча баш федераль инспектор Ринат Тимерҗанов, Бөтендөнья татар конгрессы Башкарма комитеты җитәкчесе Ринат Закиров, Россия мөселманнары Үзәк Диния нәзарәте рәисе мөфти Тәлгать хәзрәт Таҗетдин, ТР Диния нәзарәте рәисе мөфти Камил хәзрәт Сәмигуллин,  Россия мөфтиләр шурасы рәисенең беренче урынбасары, Мәскәү өлкәсе мөселманнары Диния нәзарәте рәисе Рушан хәзрәт Аббясов һ.б. рәсми затлар катнашты.

Искәртәбез, форумга илнең 68 төбәгеннән 916 делегат килгән, Еврей  автономияле округы, Амур өлкәсе, Дагестан Республикасы һәм Тамбов өлкәсе вәкилләре беренче мәртәбә катнаша. Форум кичә, 2016 елның 19 маенда эшли башлады.

Бүген Татарстан Республикасы Президенты Рөстәм Миңнеханов Ислам хезмәттәшлеге оешмасы (ИХО) илләренең яшь дипломатлары конференциясендә катнашучылар белән очрашты.

Очрашу Татарстан Республикасы Хөкүмәте Йортында узды.

Искәртәбез, Ислам хезмәттәшлеге оешмасы (ИХО) илләренең яшь дипломатлары конференциясе «Россия – Ислам дөньясы: KazanSummit 2016» VIII халыкара икътисадый саммиты кысаларында оештырылды.

Конференциянең төп темасы – яшьләрнең профессиональ дипломатиясе.

Бүген Татарстан Республикасы Президенты Рөстәм Миңнеханов Ислам хезмәттәшлеге оешмасы (ИХО) илләре яшь эшкуарларының II Казан форумында катнашучылар белән очрашты.

Очрашу «Россия – Ислам дөньясы: KazanSummit 2016» VIII халыкара икътисадый саммиты кысаларында оештырылды.   

Чара Казанда «Корстон» КСККда узды.

Форумда катнашучыларны сәламләп, Рөстәм Миңнеханов аларга актив булулары өчен рәхмәт белдерде. «Бүгенге проектыбыз – KazanSummit ничек уңышлы үскәнне без күрәбез, - диде ул. - Сезнең форум бу  программага шулай ук әйбәт өстәмә».

Бүген ТР Премьер-министры Илдар Халиков Казан метросы турникетларында банк картасы белән контактсыз түләүне эшләтеп җибәрүдә катнашты. "Кремль" станциясендә ул Россия Саклык банкы идарә рәисе урынбасары Максим Полетаев, "MasterCard"ның башкаручы директоры Андей Тарусов белән бергә банк картасы ярдәмендә түләп, турникет аша узды.

Татарстан Республикасы Президенты Президенты Рөстәм Миңнеханов Татарстан ислам банкингы акчаларын мөмкин кадәр нәтиҗәле итеп урнаштыру мәйданчыгы булып тора дип белдерде.

Искәртеп үтәбез: бүген Татарстан башкаласында лидеры "Россия - Ислам дөньясы: Kazansummit-2016" VIII халыкара икътисади саммиты рәсми рәвештә ачылды. Анда дөньяның 40 иле һәм РФның 20 төбәгеннән 1,2 мең кеше катнаша. Алар арасында - күренекле дипломатлар, Ислам хезмәттәшлеге оешмасы илләренннән министрлык һәм ведомстволар вәкилләре, банклар һәм зур бизнес башлыклары бар.    

Хатын-кыз полицейскийлар арасында волейбол буенча Европа чемпионатында чыгыш ясаучы Россия җыелма командасы нигезен Татарстан вәкилләре тәшкил итә. Шулай ук җыелма команда составында  Башкорстанның ике вәкиле дә бар. Бу хакта бүген узган матбугат конференциясендә "Динамо" Бөтенроссия физкультура-спорт җәмгыяте рәисе урынбасары полиция генерал-майоры Владимир Газизов хәбәр итте.

Турнир исә бүген "Санкт-Петербург" Волейбол үзәгендә ачылды.

Казан сигезенче мәртәбә вәкиллекле форум кабул итә, ул Россия һәм аның төбәкләре белән ислам дәүләтләре арасында икътисадый хезмәттәшлекне үстерү буенча алдынгы мәйданчык булып тора. 

Бүген бу хакта Татарстан Республикасы Президенты Рөстәм Миңнеханов «Россия – Ислам дөньясы: KazanSummit 2016» VIII халыкара икътисадый саммитының пленар утырышында чыгыш ясаганда хәбәр итте.   

Пленар утырыш темасы – «Бөтендөнья икътисадының яңа архитектурасы:  ИХОның РФдә финанс индустриясен үстерү перспективалары».

Искәртәбез, саммит Казанда 2016 елның 19-20 маенда, «Корстон» КСКК мәйданчыгында уза. Чараны оештыручылар мәгълүматы буенча саммитта 50дән артык ил вәкилләре катнаша.  

Бүген "Россия - Ислам дөньясы: KazanSummit 2016" VIII халыкара икътисадый саммит кысаларында оештырылган иң кызыклы хәләл инвестицион проектлар һәм продукция күргәзмәсен Татарстан Республикасы Президенты рөстәм Миңнеханов һәм саммит кунаклары карады.

Искәртик, саммит "Корстон" кунакханә комплексы мәйданчыгында үтә. 

Kazansummit  Россия белән ислам дөньясы илләре арасында очрашу һәм ачыктан-ачык сөйләшү урынына әверелде. Бу хакта бүген Татарстан Республикасы Президенты Рөстәм Миңнеханов «Россия – Ислам дөньясы: KazanSummit 2016» VIII халыкара икътисадый саммиты кысаларында узган эшлекле иртәнге аш барышында хәбәр итте.

Искәртәбез, саммит Казанда 2016 елның 19-20 маенда, «Корстон» КСКК мәйданчыгында уза. Чараны оештыручылар мәгълүматы буенча саммитта 50дән артык ил вәкилләре катнаша.