Бүген Казанга эш сәфәре  кысаларында Россия Федерациясе Президентының Идел буе федераль округындагы Тулы вәкаләтле вәкиле Михаил Бабич Галиев мәчетендә, шулай ук әле генә торгызылган тарихи Галиев йортында булды.

Галиев йортында бүген Татарстан Республикасы Мөселманнары Диния нәзарәте урнашкан.

Михаила Бабичны Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Президенты Аппараты Җитәкчесе Әсгать Сәфәров, Татарстан Республикасы Президентының эчке сәясәт мәсьәләләре департаменты җитәкчесе Александр Терентьев, Россиянең югары мөфтие, Россия Федерациясе  Мөселманнарының Үзәк диния нәзарәте рәисе Тәлгать хәзрәт Таҗетдин, Татарстан мөфтие Камил хәзрәт Сәмыйгуллин озата йөрде.

Бүген, Казан шәһәренә (1579 ел), Изге Мәрьям-ана иконасы китерелү  истәлеге көнендә, Мәскәү һәм бөтен Русь Патриархы Кирилл Казан Кремленең Благовещенск соборына литургия уздыру өчен килде.

Благовещенск соборы янындагы скверда Рус Православие Чиркәве башлыгын Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Татарстан Республикасы Президенты Рөстәм Миңнеханов, Мәскәү Патриархиясе митрополиты, Санкт-Петербург һәм Ладога эшләр буенча идарәчесе Варсонофий, Казан һәм Татарстан митрополиты Феофан, архипастырьлар һәм РПЦ руханилары каршы алды. 

Бүген көннең икенче яртысында Мәскәү һәм бөтен Русь Патриархы Кирилл  Татарстан Республикасына рәсми визиты кысаларында Свияжск утрау-шәһәренә барды. Аны Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Казан һәм Татарстан митрополиты Феофан, Свияжск Богородице-Успенский ирләр монастыре настоятеле  игумен Силуан һәм башкалар озата йөрде.  

Тарихи ватанында бөек рус шагыйре һәм күренекле дәүләт эшлеклесе Гавриил Державинга һәйкәл ачылу – Татарстан өчен генә түгел, ә бөтен Россия күләмендә әһәмиятле вакыйга дип саный Мәскәү һәм бөтен Русь патриархы Кирилл.

Һәйкәлне ачу тантанасында Татарстан Президенты Рөстәм Миңнеханов, РФ Президентының Идел буе федераль округындагы Тулы вәкаләтле вәкиле Михаил Бабич, Казан һәм Татарстан митрополиты Феофан, күрше метрополияләр башлыклары һәм ТР Хөкүмәте әгъзалары катнашты.

"Татарстанга сәяхәтем бу җирдән - Лаеш районының Каипы авылыннан - башлануына мин бик шат, бигрәк тә рус шагыйре һәм дәүләт эшлеклесе Гавриил Державин вафат булуына 200 ел тулу көнендә", - дип белдерде Мәскәү һәм бөтен Русь Патриархы Кирилл Гавриил Державинның туган җирендә. 

Искәртик, Каипы авылына Патриарх һәм аны озата йөрүче затлар турыдан "Казан" халыкара аэропортыннын килделәр. 

Патриарх Кирилл Богоявление гыйбадәтханәсен карады, аның янында Гавриил Державин ата-анасы күмелгән. 

Мәскәү һәм бөтен Русь Патриархы Кирилл Казанга килүгә барлык дини кешеләргә мөрәҗәгать итте һәм православие вәкилләрен һәм мөселманнарны килешеп һәм тату яшәргә чакырды.

“Минем күптән Татарстанга киләсем килгән иде, чөнки Казан һәм Татарстан илебез тормышында һәм язмышында аерым роль уйный. Бүген Татарстан – Россиянең социаль һәм икътисади өлкәдә иң үсеш алган төбәкләрнең берсе”, - диде ул.

Бүген Татарстан Республикасына ике көнлек визит белән Мәскәү һәм бөтен Русь Патриархы Кирилл килде. 

"Казан" халыкара аэропортында аны Татарстан Республикасы Президенты Рөстәм Миңнеханов, Россия Президентының Идел буе федераль округындагы Тулы вәкаләтле вәкиле Михаил Бабич, ТР буенча ЭЭМ башлыгы Артем Хохорин, Казан мэры Илсур Метшин, Казан һәм Татарстан митрополиты Феофан, руханилар һәм рәсми затлар каршы алды.

Бүген Татарстанга эш визиты белән Россия Президентының Идел буе федераль округындагы Тулы вәкаләтле вәкиле Михаил Бабич килде. "Казан" халыкара аэропортында аны Татарстан Республикасы Президенты Рөстәм Миңнеханов каршы алды. Казанга РФ Президентының ИФО дагы Тулы вәкаләтле вәкиле Татарстанга Мәскәү һәм бөтен Русь Патриархы Кирилл визиты сәбәпле килде. 

Бүген Татарстан Республикасы Президенты Рөстәм Миңнеханов Россия Кораллы Көчләре Генераль штабы башлыгы - Россия Оборона министрының беренче урынбасары, армия генералы Валерий Герасимов белән очрашты.

Очрашу Татарстан Республикасы Хөкүмәте Йортында узды, анда ТР Президенты Аппараты Җитәкчесе Әсгать Сәфәров, Татарстан Республикасы Иминлек Советы секретаре Айрат Шәфыйгуллин, Татарстан Республикасы хәрби комиссары Сергей Погодин катнашты.

Бүген Татарстан Республикасы Президенты Рөстәм Миңнеханов «Кремонини груп» (Cremonini Group) компаниясе президенты Луиджи Кремонини җитәкчелегендәге компания делегациясе белән очрашты. Очрашу Татарстан Республикасы Хөкүмәте Йортында узды, анда Татарстан Республикасы Президенты ярдәмчесе Альберт Нәфыйгин, «Просто молоко» УК генераль  директоры Марат Моратов һәм башкалар катнашты.
Очрашу барышында яклар Татарстан Республикасы белән «Кремонини груп» компаниясе арасындагы хезмәттәшлек мәсьәләләре буенча фикер алышты.