Бүген тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссия әгъзалары Казанның тарихи өлешендә егермеләп проект турында фикер алыштылар. Утырышны Татарстан Республикасы Президенты Рөстәм Миңнеханов уздырды. 

Проектларны Казанның баш  архитекторы Татьяна Прокофьева тәкъдим итеп барды.

Соңгы ун ел эчендә Татарстанда суга батып үлүчеләр саны 2,7 мәртәбәгә кимегән – 259дән 94кә кадәр. Бүген бу хакта Татарстан Республикасы гражданнар оборонасы эшләре һәм гадәттән тыш хәлләр министры Рафис Хәбибуллин Татарстан Республикасы Иминлек советының, Татарстан Республикасында Җәмәгать тәртибен тәэмин итү буенча координацион киңәшмәнең һәм Татарстан Республикасында Коррупциягә каршы комиссиянең уртак утырышында хәбәр итте.   

Чара видеоконференцэлемтә режимында Татарстан Республикасы Президенты Рөстәм Миңнеханов рәислегендә Казан Кремлендә узды.

Утырыш эшендә шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, республика министрлыклары, ведомстволары һәм профиль оешмалар җитәкчеләре, шулай ук муниципаль берәмлекләр башлыклары катнашты.  

Бүген Татарстан Республикасы Президенты Рөстәм Миңнеханов рәислегендә Татарстан Республикасы Иминлек советының, ТРда Хокук тәртибен тәэмин итү буенча координацион киңәшмәнең һәм ТРда Коррупциягә каршы комиссиянең уртак утырышы узды. Чара видеоконференцэлемтә режимында Казан Кремлендә үткәрелде. Көн тәртибендәге темалар арасында республика муниципаль районнары һәм шәһәр округларында "Имин шәһәр" аппарат-программа комплексын алга таба үстерү темасы да бар иде. 

Бүген Татарстан Республикасы Президенты Рөстәм Миңнеханов Бельгия Корольлегенең Россия Федерациясендәге Гадәттән тыш һәм Тулы вәкаләтле Илчесе Жан Артур Режибо белән очрашты. Чара Казан Кремлендә узды. Очрашуда сәүдә-икътисадый һәм гуманитар хезмәттәшлек, бизнес эшенә ярдәм итү мәсьәләләре турында сүз барды. 

Бүген Татарстан Республикасы Президенты Рөстәм Миңнеханов Россиянең Атказанган спорт мастеры, Пхёнчхандагы 2018 елгы XII кышкы Паралимпия уеннарының көмеш һәм ике мәртәбә бронза призеры Марта Зәйнуллинага Татарстан Республикасы дәүләт бүләге – «Дуслык» ордены тапшырды.

Тантана Казан Кремлендә узды.

Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында берничә ике яклы очрашу уздырды.  

Аерым алганда, Рөстәм Миңнеханов Россия Федерациясе Сәнәгать һәм сәүдә министры Денис Мантуров белән очрашты.

Яклар берничә уртак профильле программаны гамәлгә ашыру мәсьәләләре турында, шулай ук 2018 елда Татарстан Республикасы белән Россия Федерациясе Сәнәгать һәм сәүдә министрлыгы арасындагы хезмәттәшлек юнәлешләре буенча фикер алыштылар.    

Бүген Татарстан Республикасы Президенты Рөстәм Миңнеханов Мәскәүдә эш сәфәрендә. Татарстан Республикасының Мәскәүдәге Тулы вәкаләтле вәкиллегендә ул Татарстан Республикасы дәүләт бүләкләрен тапшырды.  

Татарстанда 1 апрельдә санитар-экологик икеайлык башланды. Бу хакта бүген ТР Хөкүмәте йортында узган брифингта ТР экология һәм табигый ресурслар министры Александр Шадриков хәбәр итте.

Брифингта видеоконференцэлемтә режимында республиканың барлык муниципаль районнары катнашты.

Бүген Татарстан Республикасы Президенты Рөстәм Миңнеханов Татарстан Республикасы Экология һәм табигать ресурслары министрлыгының  территориаль идарәсе вәкилләренә яңа техника ачкычларын тапшырды. Чара Казанда Салих Сәйдәш исемендәге Дәүләт зур концерт залы янәшәсендә узды. Тантанада Татарстан Республикасы экология һәм табигать ресурслары министры Александр Шадриков та катнашты.

2018 елның 1 апрелендә Татарстан Республикасында гадәттәгечә шәһәрләр һәм муниципаль районнар территорияләрен чистарту буенча санитар-экологик икеайлык башлана. Бу хакта бүген ТР Хөкүмәте йортында узган республика киңәшмәсендә ТР экология һәм табигый ресурслар министры Александр Шадриков хәбәр итте.