Бүген кич Татарстан Республикасы Рәисе Рөстәм Миңнеханов Казахстан Республикасына эш сәфәренә килде.

Казахстанга эш сәфәре барышында Рөстәм Миңнеханов берничә шәһәрдә булачак, шулай ук эшлекле очрашулар һәм сөйләшүләр уздырачак.

Бүген Казанда Татарстан Республикасы Хөкүмәте һәм Казахстан Республикасының Төньяк Казахстан өлкәсе хакимияте арасында үзара аңлашу турындагы меморандум имзаланды.

Документка Татарстан Рәисе Рөстәм Миңнеханов һәм Төньяк Казахстан өлкәсе Хакиме Нурмөхәмбәтов имза салды. Имзалау тантанасы Казан Кремлендә узды.

Искәртәбез, Төньяк Казахстан өлкәсе Хакиме Гауез Нурмөхәмбәтов вәкиллекле делегация белән Татарстанга эш визиты белән килде.

Бүген Татарстан Республикасы Хөкүмәте Йортында узган киңәшмәдә Татарстан Республикасы кече нефть компанияләренең 2025 елның 9 аенда эшчәнлек нәтиҗәләре һәм 2025 ел ахырына кадәрге бурычлар турында фикер алыштылар. Киңәшмә Татарстан Республикасы Рәисе Рөстәм Миңнеханов рәислегендә узды.

Рөстәм Миңнеханов, киңәшмәне ачып, 16 октябрьдә Россия энергетика атнасында Россия Президенты Владимир Владимирович Путинның илнең нефть секторы эшен югары бәяләвен искәртте.

Бүген Татарстан Республикасы Хөкүмәте Йортында «Татнефтехиминвест-холдинг» АҖ Директорлар советының чираттагы утырышы узды. Утырышны Татарстан Рәисе Рөстәм Миңнеханов үткәрде. 

Утырышта ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин катнашты.

Татарстан Республикасы Премьер-министры урынбасары Ләйлә Фазлыева татарстанлыларга сәяси репрессияләр корбаннарын искә алу көне уңаеннан мөрәҗәгать итте.

"30 октябрь - Сәяси репрессияләр корбаннарын искә алу көне. Бу - бернинди гаебе булмаган килеш, язмышлары чор рәхимсезлеге белән сындырылган кешеләрне искә алу көне. Алар гаделсез гаепләүләр, әхлакый газаплар, ачлык һәм лагерьлар салкыннары аша үттеләр." - диелә мөрәҗәгать текстында.

Татарстан Республикасы Рәисе Администрациясе Җитәкчесе Әсгать Сәфәров Казанда Кырымның дәүләт һәм муниципаль хакимият органнары җитәкчеләре белән очрашты. Татарстан башкаласында алар дәүләт идарәсенең төп өлкәләрендә республика тәҗрибәсен өйрәнүгә һәм алга таба төбәкара хезмәттәшлекне ныгытуга юнәлдерелгән махсус белем бирү программасында катнаштылар.

Татарстан Рәисе Рөстәм Миңнеханов җиденче чакырылыш республика Дәүләт Советының унбишенче утырышында катнашты. Анда шулай ук ТР Премьер-министры Алексей Песошин, РФ сенаторлары һәм Дәүләт Думасы депутатлары, Хөкүмәт әгъзалары, юнәлеш министрлыклары һәм ведомстволары, муниципаль берәмлекләр җитәкчеләре катнашты. Утырышны Дәүләт Советы Рәисе Фәрит Мөхәммәтшин аып барды.

Татарстан Рәисе Рөстәм Миңнеханов Россия Федераль Иминлек хезмәтенең Саратов һәм Самара өлкәләре буенча Чик буе идарәсе башлыгы Юрий Урванов белән очрашты. Очрашу ТР Хөкүмәте Йортында узды.

Бүген Татарстан Республикасы Рәисе Рөстәм Миңнеханов Мәскәүдә «Татарстан якташлыгы» төбәк иҗтимагый оешмасы вәкилләре белән очрашты.

Очрашу Пашков йортында (Мәскәү, Воздвиженка ур.) узды.

Чара башланганчы Рөстәм Миңнеханов өчен Пашков йорты буйлап экскурсия уздырдылар. Хәзер бина Россия Дәүләт китапханәсенә карый, Мәскәүдә архитектура һәйкәлләренең берсе булып тора.

Татарстан торак тапшыру күләме буенча Идел буе федераль округында беренче урында һәм Россиядә бишенче урында тора. Бу хакта ТР Министрлар Кабинетында узган брифингта ТР төзелеш, архитектура һәм ТКХ министры Марат Айзатуллин хәбәр итте.