Бүген Татарстан Рәисе Рөстәм Миңнеханов Мәскәүдә эш сәфәрендә. Төп максаты - «Транспорт инфраструктурасын алдан үстерү» мәсьәләсе буенча стратегик сессиядә катнашу.

Стратегик сессияне Россия Хөкүмәте Рәисе Михаил Мишустин уздырды.

Бүген Казанның Химик урамындагы чүп полигонына туфрак һәм балчык китерәләр. Тиздән аннан ис юкка чыгарга тиеш. Бу хакта Татарстан Министрлар Кабинетында узган брифингта табигатьтән файдалану өлкәсендә күзәтчелек федераль хезмәтенең Идел-Кама төбәкара идарәсе җитәкчесе Фаяз Шакиров хәбәр итте.

Бүген Казанда «Бердәм Россия» партиясенең алдан тавыш бирү кандидатларының быелның сентябрендә узачак сайлауларда Татарстан Республикасы Рәисе вазыйфасына кандидатны алга таба күрсәтү өчен кандидатураны билгеләү буенча партиянең җирле һәм башлангыч бүлекчәләре секретарьлары белән очрашуы узды.

Очрашу Идел буе дәүләт физик культура, спорт һәм туризм университеты мәйданчыгында узды (Казан).

Чарада 1200дән артык кеше – «Бердәм Россия» партиясе вәкилләре катнашты.

Очрашуның модераторы «Яңа Гасыр" телерадиокомпаниясе" АҖ генераль директоры, ТР Дәүләт Советы депутаты Илшат Әминов булды.

Бүген Казаннан Лисичанск һәм Рубежное (ЛНР) шәһәрләренә чираттагы гуманитар ярдәм партиясе китте. 19 фурадан торган гуманитар йөк «Бердәм Россия» партиясенең төбәк бүлеге химаясе белән җыелган. Татарстанның шефлыкка алынган Лисичанск һәм Рубежное шәһәрләрендә яшәүчеләргә һәм МХО сугышчыларына гуманитар ярдәмнең гомуми авырлыгы 300 тоннадан артык тәшкил итә.

Йөкне җибәрүдә Татарстан Рәисе Рөстәм Миңнеханов катнашты. Ул гуманитар ярдәм составы белән танышты, озата баручылар белән аралашты һәм аларга хәерле юллар теләде.

Бүген Казанда Н.И. Сентябрев ис. «Рубин» футбол манежы ачылды. Тантаналы чарада Татарстан Рәисе Рөстәм Миңнеханов, Казан мэры Илсур Метшин, Татарстан Республикасы спорт министры Владимир Леонов, «Рубин» ФК идарәсе президенты Марат Сафиуллин, Татарстан Республикасы Футбол федерациясе рәисе Александр Гусев катнашты.

Иннополис Университеты Хезмәт министрлыгының инженерлык эше, технологияләр һәм техник фәннәр өлкәсендә чыгарылыш укучыларын эшкә урнаштыру буенча илкүләм рейтингында алдынгы булды. 

Татарстан Рәисе Рөстәм Миңнеханов MAWARIDE Group of Companies (Берләшкән Гарәп Әмирлекләре) компаниясенә нигез салучы һәм генераль директоры Мөхәммәд Әхмәт Алаеид белән очрашты. Очрашу ТР Хөкүмәте Йортында узды.

Бүген Татарстан Рәисе Рөстәм Миңнеханов мордва мәдәниятенең «Валда Шинясь» республика бәйрәмендә булды. Бәйрәм Тәтеш муниципаль районының Килдеш авылында узды.

Тәтеш муниципаль районы Башлыгы Рәмис Сафиуллов һәм Мордовия Республикасы башлыгы Артем Здунов озатуында Татарстан Рәисе «Крестьянская изба», «Мордовское подворье», «Рыбацкий стан», «Килдюшевская история» бәйрәм мәйданчыкларын карады.

Бүген Татарстан Республикасы Премьер-министры Алексей Песошин Чаллыда татар халык бәйрәме Сабантуйда катнаша.

Чара «Прибрежный» паркында уза. Мәйдан алдында барлык кунакларны «Эврика», "Кызыл Тау" мәдәни үзәкләре артистлары, "Болгар" бию коллективы каршы алды. Сабантуй уздырыла торган урынга килеп җитүгә Алексей Песошин һәм аны озата йөрүче затлар «Татар авылы», «Әкият» һәм башка мәйданчыкларны карадылар.

Бүген Татарстан Рәисе Рөстәм Миңнеханов һәм Саха (Якутия) Республикасы Башлыгы Айсен Николаев XXV Федераль Сабантуйда катнаштылар. Чара Якутскта узды, анда Россиянең 29 төбәгеннән татар иҗтимагый оешмалары вәкилләре катнашты.