Бүген ТР Президенты Рөстәм Миңнеханов Helix Ventures (АКШ) венчур фонды идарә компаниясе җитәкчелеге һәм "Россия венчур компаниясе" ААҖ генераль директоры Игорь Агамирзян белән очрашты.

Яшел Үзәндәге Горький исемендәге заводның “Берләштерелгән судно төзелеше корпорациясе” ААҖ составына керү процедурасы төгәлләнгәннән соң агымдагы елда предприятиедә тыныч максатларда кулланылучы суднолар төзелә башлаячак.

Бүген Хөкүмәт йортында ТР Премьер-министры Илдар Халиков Төркиянең Tekfen Construction and Installation Co., Inc. компаниясе вәкилләре белән очрашты. Яклар төрек компаниясенең Түбән Камада Нефть эшкәртү һәм нефть химиясе заводлары комплексы (ТАНЕКО) төзелешендә, Менделеевскида “Аммоний” проектын гамәлгә ашыруда, шулай ук “Алабуга” МИЗ инфраструктурасы объектларын үстерүдә катнашуы хакында фикер алышты. Шулай ук Татарстанның кайбер инвестиция проектларына төрек капиталын җәлеп итү мөмкинлекләре дә каралды, дип хәбәр итә ТР Президентының матбугат хезмәте.

Бүген ТР Дәүләт Советының чираттагы утырышында ТР Премьер-министры Илдар Халиков депутатларны ТР Министрлар Кабинеты эшчәнлегенең төп юнәлешләре белән таныштырды.

Илдар Халиков сүзләренә караганда, ТР Хөкүмәте социаль-икътисади һәм милли-мәдәни сәясәт өлкәсендә моңарчы тупланган тәҗрибәне истә тотып эшләячәк. Республикада актив рәвештә инвестицияләр җәлеп итү һәм инновацион процесслар дәвам иттереләчәк. “Республика икътисадында нефть табу һәм машина төзелеше кластерлары зур урын алып тора. Татарстан Идел буе федераль округындагы нефтехимия продукциясенең - 28 процентын, РФ буенча 13 процентын җитештерә”, - диде Хөкүмәт башлыгы, республиканың химия һәм нефтехимия продукциясен җитештерүдә һәм аны урнаштыруда лидер булырга тиешлеген ассызыклап.

Бүген Татарстан Президенты Рөстәм Миңнеханов ТР Хөкүмәте йортында «ICL-КПО ВС» ААҖнең Директорлар советы әгъзалары белән очрашты. Очрашуда сүз компанияне Татарстан Республикасы һәм Россиянең ИТ-базарында алга таба үстерү перспективалары хакында барды.

Рөстәм Миңнеханов билгеләп үткәнчә, «ICL-КПО ВС» компаниясе республиканың югары технологияләр базарында мөһим урын били, ИТ-паркның төп предприятиеләреннән санала, бүгенге көндә аның алдына яңа бурычлар куярга кирәк.

Һава шартлары Татарстан аграрийларын инде икенче ел рәттән сыный. Көздән 825,2 мең гектар мәйданда чәчелгән уҗым культураларының быел 460 мең гектары (яртысыннан артыгы) корылыктан һәлак булган. Барлык чәчүлек мәйданнарның 45 проценты гына иминиятләштерелгән. Моны ТР Премьер-министры урынбасары – авыл хуҗалыгы һәм азык-төлек министры Марат Әхмәтов иминиятләштерүнең кыйммәткә төшүе белән аңлата, чөнки һәр гектар өчен сезонның иң чыгымлы вакытында 1200-1500 сумнан акча түлисе була. Уҗым культураларын эшкәртүгә язын өстәмә 1,5 млрд. сум акча сарыф ителгән иде, бөтен чыгымнарны исәпләсәк, акчалата һәм авыл хуҗалыгы җитештерүчеләренең материаль ресурслары 15 млрд. сумга җыела.

Бүген Казан Кремленда ТР Президенты Резиденциясендә ТР Президенты Рөстәм Миңнеханов белән “ЛУКОЙЛ” ААҖ президенты Вагит Алекперов арасында булган рәсми очрашудан соң журналистларның сорауларына җавабында, В.Алекперов: “Шәхсән үзем һәм “ЛУКОЙЛ” компаниясе Татарстанның беренче Президенты Минтимер Шәймиевнең Болгар белән Свияжскидагы тарихи урыннарны торгызырга алынуын, Татарстанда ислам һәм христиан диннәренә бәйле һәм тарих чоңгылына төшеп барган кыйммәтле ядкарьләрне янә калкытырга омтылуын хуплап, тарихи һәйкәлләрне торгызуда ярдәм йөзеннән, “ЛУКОЙЛ” компаниясе бүген үзенә йөкләмәләр кабул итеп алды, 3 елга Меморандум имзаланды, аның нигезендә компания мәчетләр, соборлар реставрацияләүгә ел саен 15әр миллион сум акча бирәчәк”, - дип искәртте.

“Татар халкын берләштерә торган мөкатдәс ике мәйдан бар. Аның берсе театр сәхнәсе булса, икенчесе - Сабан туе мәйданы”. Халкыбызның мәшһүр әдибе Аяз ага Гыйләҗевның бу сүзләре елдан-ел актуальрәк яңгырый бара. Милли бәйрәмебез географиясен киңәйтә барып, Бөтенроссия, халыкара статустагы бәйрәмгә әйләнде.

Бүген ТР Президенты Рөстәм Миңнеханов Минзәлә муниципаль районына эшлекле сәфәр кыла.