Татарстаннан тыш, Башкортстан, Карелия, Удмуртия, Мордовия, Чувашстан, Хакасия, Тыва, Чечня, Дагстан һ.б. республикалардан, Ямал-Ненец автономияле округыннан, Пермь һәм Краснодар крайларыннан, тагын Мәскәү, Санкт-Петербург, Түбән Новгород, Оренбург, Ульяновск, Пенза, Воронеж, Белгород, Смоленск өлкәләре һ.б барлыгы 40лап төбәктән килгән матбугат вәкиле катнашындагы IV Региональ һәм милли мәгълүмат чаралары конгрессы программасы буенча, бүген мастер-класслар һәм “түгәрәк өстәл” утырышы оештырыла.

«Татнефть» дөнья икътисадында катлаулы 2009 елда даими эшләде, Татарстанның компаниядән 17,5 мииилиард сум күләмендә салым алуы, бюджеты өчен дә ярдәм булды. Бу хакта бүген компания акционерларының еллык җыелышында республика Президенты Рөстәм Миңнеханов белдерде. Моннан тыш,компаниянең чиста кеременнән (быел ул 50,9 миллиард сум) дивидентка 30 процент акча күчерү исәбенә керем көтә. Республика башлыгы сүзләренчә, “Татнефть” кризиста кыенлыклар кичерсә, бу вәзгыятьтән ничек чыккан булыр идек, билгесез.

Бүген Әлмәттә Татарстан Президенты Рөстәм Миңнеханов рәислегендә «Татнефть» ААҖ акционерларының еллык җыелышы узды. Аның генераль директоры Шәфәгать Тәхаутдинов компаниянең 2009 елгы эшчәнлге турындагы доклад бедән чыгыш ясады.

Бүген ТР сәнәгать һәм сәүдә министры Равил Зарипов Татарстан Республикасына килгән губернатор Валерий Сердюков җитәкчелегендәге Ленинград өлкәсе делегациясен озатып йөри.

Бүген Казан Кремлендә Россия Федерациясе Президенты ярдәмчесе - Россия Федерациясе Президентының Контроль идарәсе башлыгы Константин Чуйченко контроль эшчәнлеге мәсьәләләре буенча киңәшмә үткәрде. Киңәшмәдә Татарстан Республикасы Президенты Рөстәм Миңнеханов катнашты.

Татарстан башкаласына бу чарага РФ Президентының федераль округлардагы тулы вәкаләтле вәкилләренең контроль мәсьәләләре буенча урынбасарлары һәм ярдәмчеләре, шулай ук контроль департаментлары җитәкчеләре чакырылган иде.

Түбән Камада кичә кич Татарстан Президенты Рөстәм Миңнеханов “ТАНЕКО” заводларының Нефть эшкәртү һәм нефть химиясе комплексы төзелеше буенча киңәшмә уздырды. Шулай ук Президент объектларны да карады.

Бүген Татарстан Республикасы Хөкүмәт йортында Татарстан Республикасы Хөкүмәте белән “Олимпия уеннары транспорт дирекциясе” Автоном коммерцияле булмаган оешма арасында 2013 елда Казанда 27 нче Бөтендөнья җәйге универсиадага әзерлек һәм үткәрү чорында хезмәттәшлек итү буенча килешү төзү ниятләре турындагы беркетмәгә кул куелды.

Бүген Казан Кремленың Президент резиденциясендә Татарстан Республикасы Президенты Рөстәм Миңнеханов Иран Ислам Республикасы (ИИР) Казвин останы (провинциясе) җитәкчесе (губернаторы) Әхмәд Әҗәм белән очрашты.

Бөек Ватан сугышы ветераннары өчен йортлар төзү белән шөгыльләнүче Татарстан муниципаль районнары һәм республика ведомстволары җитәкчеләре һәр йорт буенча даими оператив мәгълүмат белән тәэмин ителергә тиеш. Бу хакта бүген Татарстан Премьер-министры Илдар Халиков ТР Министрлар Кабинетында үткәргән киңәшмәдә белдерде.

Бүген Татартсан Республикасы Президенты Рөстәм Миңнеханов “Санкт-Петербург халыкара тауар-чимал биржасы” ЯАҖ президенты Сергей Маслов белән очрашты.