Бүген ТР Президенты Рөстәм Миңнеханов Мәскәүдә спорт инфраструктурасын үстерү һәм файдалану буенча эшлекле төркем утырышында катнаша.

Татарстан Республикасы Премьер-министры Илдар Халиков белән "Burrill&Company" (АКШ) халыкара венчур фондының башкаручы директоры Стивен Беррел әфәнде очрашты.

Очрашу Татарстан Республикасы Хөкүмәт йортында узды.

Бүген Мамадыш муниципаль районы Советының чираттан тыш сессиясендә район башлыгы Рөстәм Кәлимуллинның вакытыннан алда вәкаләтләре туктатылуы турында белдерелде.

Бу чарада Татарстан Премьер-министры Илдар Халиков катнашты.

Элек Мамадыш муниципаль районы башкарма комитеты җитәкчесе вазыйфасын башкарган Анатолий Иванов районда җитәкчелек итәчәк.

Татарстан киләчәктә дә Кувәйт белән мәдәни мөнәсәбәтләрне үстерәчәк һәм эшлекле мөнәсәбәтләрне җайга салу өчен барлык көчен куячак. Бу хакта кичә Татарстан Президенты Рөстәм Миңнеханов Кувәйт дәүләте вакыфлар һәм ислам эшләре министры урынбасары Гадел Абдулла Әл-Фаләх белән очрашуда белдерде.

Татарстандагы Сабантуйлар парады бүген Казанда тәмамланды. Халкыбызның милли бәйрәме башкаланың 4 мәйданында оештырылган иде. Сабан туе мәйданының берсе, традиция буенча Аккош күле урман паркы зонасында гөрләде. Элегрәк елларда бу мәйданда башкаланың Киров районы Сабан туе узган булса, быел Аккош күле Мәскәү һәм Авиатөзелеш районнары халкын да үзенә җыйды. Казанлыларны бу матур бәйрәм белән котларга ТР Президенты Рөстәм Миңнеханов килгән иде. Дәрәҗәле кунаклар арасында шулай ук ТР Премьер-министры Илдар Халиков, Казан мэры Илсур Метшин, министрлык-ведомстволар җитәкчеләре, Мәскәү шәһәре,Төркия, Кувәйт, Болгария һәм Казахстан делегацияләре бар иде.

Бүген Идел буе Болгар дәүләтенең Ислам динен рәсми кабул итүнең 1121 еллыгына багышланган Болгар җыенының рәсми ачылышында РФ һәм ТР рәсми вәкилләре, килгән чит ил кунаклары дини даирәләргә хөрмәт күрсәтеп күрешеп чыккач, изге дога белән тантана башланып китте.

Бүген борынгы Болгар шәһәрендәге җыен өчен тарихи һәйкәлләр янында төзелгән сәхнә түрен, Татарстан җитәкчелеге, дини даирә башлыклары белән бергә, Г.Камал исемендәге Татар дәүләт академия театры һәм ТР Дәүләт камера хоры артистлары, Коръән уку осталыгына уздырылган конкурс җиңүчеләре алды: мөнәҗәтләр, борынгы татар җырлары, Коръән сүрәләре яңгырады.

Бүген ТР Премьер-министры Илдар Халиков Яшел Үзән муниципаль районы Советының 55 нче чираттан тыш сессиясендә катнашты.

ТР Президенты Рөстәм Миңнеханов Санкт-Петербургта эш сәфәрендә. Төньяк башкалага сәфәрнең төп максаты – ΧΙV Халыкара икътисади форумда катнашу, дип хәбәр итә Президентның матбугат хезмәте. Петербургтагы зур бизнес көннәре 17-19 июньдә “Ленэкспо” мәйданында уза.

Татарстанда быел планга кертелгән күп фатирлы йортларны капиталь ремонтлау программасы бүгенге көндә 49 процентка финансланган. Муниципаль берәмлекләр счетына төрле чыганаклардан 3 млрд. 190 млн. сум финанслар алынган.